Bahtiyorovich | Blog👨‍🎓

Ey Shayxim!

Kambag'al oilada tug'ildingiz. Otangiz olim bo'lishingiz uchun qattiq harakat qildi. Oldin o'zi olim bo'ldi. Olimlar duosini oldi.

Onangiz tahoratsiz emizmadi. Siz uchun juda katta tayyorgarliklar ko'rildi.

Moddiy jihatdan ancha qiynaldingiz. Ammo to'xtamadingiz. Maktabda eng oliy baholarda o'qidingiz. Ustozlaringiz va sinfdoshlaringiz doim maqtadi.

7 yillik madrasa ta'limini 3 yilda tugatdingiz. Vaqtingizni bir oninida bekor sarflamasdingiz. Islomning tirik namunasi bo'ldingiz.

Sizni qadringizga yetishmadi. Yillar davomida yurtdan olisda bo'ldingiz. Biror marotaba Vatan haqida yomon so'z gapirmadingiz. Aksincha, maqolalaringizda maqtadingiz

Qaytdingiz, Katta Musxafni keltirdingiz. Haj nimaligini unutgan xalqqa bu buyuk amalni ado etish imkonini ochib berdingiz.

Qanchalik qarshiliklarga qaramay hikmat hassasiga suyanib, xalqni ilmli qilishga oshiqdingiz...

Mansab sizga ta'sir qilmadi. Boyu-kambag'alni birdek ko'rdingiz

Ta'lif qilgan kitoblaringizni biz o'qib tugatolmayapmiz. Allohning bizga yuborgan haqiqiy do'sti edingiz

Sportni kanda qilmadingiz, hatto vafot etgan kuningiz ham sport bilan shug'ullangan edingiz

Doim ummatni g'amida bo'ldingiz. Islomni xizmatida bo'ldingiz. Bu yo'lda qop-qora sochlaringiz oppoq bo'ldi...

Texnologiyadan ortda qolmadingiz, eng zamonaviylarini foydali maqsadlarda ishlatar edingiz

Kitoblaringizni bosishga ruxsat berishmaganida o'zingiz "Hilol-nashr"ni ochdingiz.

2015-yil 10-mart kechqurun sport bilan shug'ullandingiz va shu tun....

Janozangizga "Tafsiri Hilol"laringizni,"Hadis va Hayot" laringizni ko'tarib muxlislaringiz ko'zda yosh ila keldi...

Bu umr Islomga bag'ishlandi. Ha Islomga bag'ishlangan umr!

Siz haqingizda yozishga loyiq emasman. Qalbimga kelganini yozdim. Zero, mening ojiz qalamim, sizdek insonni ta'riflashga juda zaiflik qiladi...

Tirikligingizda ko'ra olmadik. Firdavslarda ko'rishish nasib qilsin!

Xotirangiz abadiydir. Ey Shayxim Muhammad Sodiq Muhammad Yusuf...

04.05.2024

@Sarvar_Nazarboyev

#thought

Kim qancha yonsa, butunligi shuncha bo'ladi.
Yonmasdan turib xatto g'isht bo'lmas ekan,
Inson bo'lurmi...

- Yunus Emro 42

@Nodirjon_Bahtiyorovich

Aziz Rahimov ustozni menga juda yoqadigan gaplari bor:

Uyqusiz tunlar, qiyin kunlar bo'ladi, kasal bo'lasan, boshinga musibat keladi, lekin hammasi o'tib ketadi

*ozgina qo'shimcha qo'shdim

@Nodirjon_Bahtiyorovich

Hozir ayni vaqti...

Qiyin damlar, kuchli insonlarni tarbiyalaydi. Ya'ni sokin dengizda mohir dengizchi yetishib chiqmaydi. U faqat qiyin vaziyatlarni ko'rib, unga qarashi turib bergandan so'ng mohir dengizchiga aylanadi.

O'tgan ulug'larga qarasak ham, ular ham qiyin vaziyatlarda ulg'ayishgan. Mohiyat shuki, qanchalik og'riq katta bo'lsa shunga yarasha "immunitet" shakillanadi.

Shayx Hazratlari davrida, Islomga qarshi ishlarni olib borish va xalqni ilmsizlashtirish ishlari keng tarqagan edi va Hazrat ham bu ishlarni oldini olish uchun umrini sarfladilar.

Hozirgi vaqtda esa og'riqlar kattaroq. Ulardan biri o'zi qonun chiqarib, o'zi amal qilmaydigan davlatda yashayotganimizdir. O'z manfatlarini o'ylash, qo'rqoqlik va ilmsizlik sabablik shunday ishlar bo'lmoqda.

Hozir oldingidanda kuchli bo'lishni ayni vaqti. Hozir oldingidanda shijoatli bo'lishni ayni vaqti. Hozir oldingidanda ko'proq ilm olishni ayni vaqti!

O'zi bizni mohir dengizchi bo'lishimiz uchun, turli "to'fon va suv toshqinlari"ni berganiga shukur

*To'fon va suv toshqinlari haqida bilish uchun dunyo va davlatimizdagi hollatlarni ozgina o'rganish kerak

@Nodirjon_Bahtiyorovich

Umringiz bekor ketmoqda

Oxirgi vaqtlarda "vaqt juda tez o'tmoqda", "oldin bir kunda juda ko'p narsaga ulgirar edik" degan fikrlarni eshitmoqdaman va o'zimni hayotimda ham vaqt, oldingiga nisbatan tez o'tayotgandek tuyulmoqda.

Vaqtni barakasi rostan ham yo'qolayotgani yoki yo'qligini bilmayman. Ammo umrimiz qisqa ekanligi aniq, balki aynan shuni unutganimiz uchun ham vaqt haqida shunday fikrlar kelmoqda.

Umr qisqa ekanligi aniq bo'lgani uchun ham, uni har lahzasini xis qilib yashash kerak. Ammo bunga qarshi atrofimizda juda kuchli urushlar ketmoqda. Hamma diqqatingizni, e'tiboringizni va vaqtingizni o'g'irlashga harakat qilishmoqda. Har qanday jirkanch yo'l bilan bo'lsa ham "ular" sizni o'ziga jalb qilmoqdalar.

Hayotni asl mohiyatini anglashga, o'z vazifangizni topishga harakat qiling. Shunda bunday qisqa va o'tkinchi narsalardan uzoqroq bo'lasiz. Buning uchun ilm olish, taffakur qilish va ustozlar bilan birga bo'lish yordam beradi.

Zotan umr qisqa ekan uni bekorchilik va qiymatsiz narsalarga sarflamang. O'zi shundoq ham juda ko'pchilik bu ishni qilishmoqda. O'z qadringizni, umringiz qiymatini aniqlab oling. Agar o'z umringiz sizga qiziq bo'lmasa, boshqalarni hayoti bilan ovora bo'lib, o'tkinchi "trendlar" bilan yashab yuravering.

Sizga nima muhimroq ekanini aniqlab oling. O'sha ishga ko'proq vaqt va energiya ajrating. Qolgan ishlarga chalg'imang!

@Nodirjon_Bahtiyorovich

Ok, so what?

Odatda biror muamo yoki qiyin vaziyatga tushib qolganda aybni kimdandir qidiramiz. Boshqa hollatda esa o'zimizdan qattiq xafa bo'lib stressga tushib qolishimiz ham mumkin.

Siz ertalab kech turdingiz, birinchi hollatda siz aybni boshqalardan qidirasiz. "U meni turgazmadida, bo'lmasa turar edim" degan jumlalar kabi hollat bo'ladi.

Ikkinchi hollatda esa hamma ayb o'zingizda, "Ertalabgacha reels ko'rmasdan uxlashim kerak edi" deya siqilib qolishingiz mumkin.

Ikkala hollatda ham sizda siqilish xosil bo'ladi. Oldingi qaytarib bo'lmaydigan ish haqida o'ylab o'tiraverasiz. Aslida unday qilish kerak emas.

Qiyin vaziyat yoki muamo yuzaga keldimi aybni kimdandir yoki o'zimizdan qidirib o'tirmasdan, vaziyatga yechim topish haqida o'ylash kerak.

Kech turdingiz, xo'sh endi nima? Keyingi ishlaringizga bu xato ta'sir qilib qolmasligi uchun imkon qadar harakat qilish kerak. Albatta, bu xatoni sabablari ham o'rganiladi. Reels ko'rganim uchun, kech turdim. Demak endi keyingi safar reels ko'rmasdan uxlashim kerak ekan yoki telfonim quvvati kam ekan va u o'chib qolgani uchun "budilnik"ni eshita olmadim. Endi keyingi safar telfon quvvatini tekshirib uxlash kerak ekan

Xato qilindi - keyingi vaziyatga ta'sir qilmaslika imkon qadar harakat qilish kerak - asl sabablarni o'rganib, bu xatoni takrorlamaslik kerak

Umumiy g'oya bu berda "hech kim aybdor emas" degani emas, aybdorni izlab siqilib o'tirishdan ko'ra unga yechimni izlashdir. Hayotimizni ko'p qisimlarida yordam beradigan qoida "Ok, so what?" deyishlikdir.

@Nodirjon_Bahtiyorovich

《 Din hukmlarga batamom ergashishdan iborat. Qachon bizga "yenglar" deyilsa, yeyishlik savobdir. Qachon bizga "yeyishdan to'xtanglar" deyilsa, yemaslik savobdir. Shuning uchun Hakimul ummat, Mavlono Ashraf Ali Tahonaviy rohmatullohi alayh shunday der edilar: "Alloh taolo yenglar desa-yu, banda, men yemayman, yoki kam yeyman, desa, u holda bu ish bandalik sanalmaydi, itoat bo'lmaydi. Ey birodar! Na yeyishda bir ma'no bor va na yemaslikda. Barcha ma'no - mazmun - mohiyat Alloh va Rasuliga itoatdadir. Shuning uchun ular qachon yenglar, desalar yeng. Bu amrga o'zingizcha qo'shimcha qo'shishga zaruriyat yo'q. 》

Manba: "Ramazoni qanday o'tkazamiz? (Muhammad Taqiy Usmoniy)" kitobi

Kam yeyish yoki kechroq yeyishlikda hikmat yo'q. Asl maqsad - xukumga ergashishdir. Ramazon yaqin...

@Nodirjon_Bahtiyorovich

Ijtimoiy kapital

Hayotimga hozirgi kunda juda katta yordam berayotgan jihatlardan biri haqida Aziz Rahimov ustozning "Parallel muhit"da yozgan postlarini sizlar bilan ham ulashmoqchiman. Balki foydasi tegar degan maqsadda.

*Ko'k yozuv utiga bosangiz, uzun post chiqib keladi.

@Nodirjon_Bahtiyorovichw

Ko'rinmaydigan natijalar

Biror narsani o'rganishda yoki biror ishni bajarishda natija qanday bo'lishi bizga qiziq. Atrofimizdagi yaqin insonlar uchun ham.

Biz natijani asosan pulga yoki moddiy narsalarga bog'liq hollatda deya qabul qilamiz. Ya'ni qo'lga ushlab ko'rish mumkin narsalarnigina natija deb o'ylaymiz.

Yaqinlaringiz nazdida, agar unday natijani ko'rmayotgan bo'lsalar demak siz "bekorchilik" qilib yuribsiz.

Aslida qisqa muddatda bilinmaydigan, lekin uzoq muddatda eng katta foyda beradigan ko'rinmas natijalar mavjud. Ulardan: mas'uliyatni xi qilish, "risk" ola olish, odamlar bilan muloqot va kelishuv masalarini o'rganish ( pulga va ishga bog'liq )

Aslida bunday ko'nikmalar ko'p va ularni faqat tajriba bilan shakillantirish mumkin. Siz biror yaxshi ishni qilishingizni natijasini hozir ko'rinmayotgan bo'lsa, uzoq muddatda ancha katta natija shakllida sizga yordam berishi mumkin.

Aytgancha u ishlar faqtgina ko'rinmaydigan natijalarni emas, o'ziga xos xissiyotlarni sizga taqdim etadi. Shuning uchun har lazhni xis qilib, zavq oling

@Nodirjon_Bahtiyorovich

Asl mas'uliyat

Hozirgi davrda mas'uliyatli xodimlarga talab juda yuqori. Dunyo bo'yicha hozirgi yoshlar oldingi yoshlarga nisbatan mas'uliyatsizroq ekanligi ma'lum.

Agarda siz mas'uliyatli bo'lsangiz, ham shaxs, ham xodim sifatida qadirlanasiz. Yaqinda "Artel" kompaniyasining bosh ofisida bo'lganimda, ularga ishga kirish uchun talablar ham, asosan mas'uliyatli bo'lishi, o'z ishini yaxshi bajara olishi va rivojlanishga harakat qiladigan bo'lishi kerak, diplom muxim emas deyishdi.

Mas'uliyatning ahamiyatini tushundik. O'zi uni qanday shakillantirish mumkin? Mas'uliyatni, mas'uliyat olish orqali shakillantirish mumkin. Farzandingiz shunday bo'lishini xohlasangiz, unga yoshligidan ishonib, mas'uliyatli ishlarni sekin berishni boshlang. Undan keyin o'zi qolganini o'rganib olaveradi.

Eng asosiy jihat bor. Asl mas'uliyatni xis qilmagunimizcha, biz mas'uliyatli bo'la olmaymiz. Bu bandalik mas'uliyatidir. Alloh taolo oldidagi mas'uliyatimiz xaqiqiy mas'uliyatdir.

Uni xis qilmagunimizcha asl mas'uliyatli bo'la olmaymiz. O'zi barchamizni bandalik mas'uliyatini xis qiladiganlardan qilsin!

@Nodirjon_Bahtiyorovich

Oylarni nomlash

Jahongir Po'latov bilan maktabimizda "2025-yil uchun to'g'ri maqsad qo'yish" mavzusida suhbat bo'lgan edi. Bu suhbatda ular, oylarni nomlash, o'sha oydan ko'proq foyda olishga yordam berishini tushuntirib berdilar.

Men yanvar oyini "Samarali yozish" deya nomladim va bu oyda ko'proq yozish ko'nikmamni rivojlantirmoqchiman. Shu sababdan blogimda ham ko'proq postlar bo'ladi.

Samarali yozish uchun - ko'proq o'rganish, ko'proq tahlil qilish va tafakkur qilish kerak bo'ladi. Birgina yozishni rivojlantirmoqchi bo'lib, boshqa asosiy ko'nikmalarni ham o'z-o'zidan rivojlantirib bora olasiz.

Xuddi shunday xar bir oyga nom qo'yib, shu ishni yaxshiroq qilishga e'tiboringizni qaratasiz. Misol uchun: Mart - "Ramazon". Ramazon oyida iloji boricha ko'proq foyda olishga harakat qilasiz. Qolgan oylarda ham shunday.

@Nodirjon_bahtiyorovich

Birinchi jahon urushi, ikkinchi jahon urushi, Koronavirus, Turkiyadagi zil-zila va FALASTIN, dunyoga ta'sir qilgan jarayonlardir.

Urushlar tugadi. Viruslarga qarshi immunitetimiz shakillandi. Zil-zila va boshqa tabbiy ofatlarning ham yetkazgan zararlari tiklandi.

Alhamdulillah, Falastin bo'yicha ham kelishuv qilindi.

U qadar katta muammolar tugar ekan, bizning kichikkina muammolarimiz tugamaydi-mi? Koronavirus davrini eslang, dunyoda necha minglab odamlar virus sabablik vafot etayotgan edi. Hamma maskada, ko'chalarda odamlar juda kam. Ammo shu jarayon bo'lganiga ham 4 yildan oshibdi.

Inson o'laroq biz bu dunyoda doim kurash ichidamiz. Xoh moddiy, xoh ma'naviy kurash. Bularning barchasi tugaydi, umr ham.

Umrimiz juda qisqadir. Tugaydigan jamiyki narsa bo'lsin, u qisqa bo'ladi. Shu qisqa vaqt ichida asosiy vazifamizni bajarishimiz lozim.

Ammo biz xuddi umr tugamaydigandek, tugaydigan mol-mulkning ya'ni dunyoning ortidan quvib yurmoqdamiz. O'tkinchi narsalarga ergashgan inson ham o'tkinchidir. Boqiyga ergashgan esa boqiy

@Nodirjon_bahtiyorovich

Intizom emas mas'uliyat birinchi

- Intizom va mas'uliyat
- Mas'uliyatni shakillantirish
- Hozirgi yoshlarning mas'uliyatsizligining sabablari

Shu kabi mavzularda juda manfaatli suhbat bo'lgan edi, o'zim hozir ikkinchi marotaba ko'rib chiqmoqdaman. Sizlarga ham foydasi tegar degan maqsada ulashib qo'ymoqchiman

Videoni ko'rish

Har lahzadan zavq oling

Hozirgi dunyo, juda shovqinli va tezdir. Unda xotirjamlik xissini topish qiyin masalaga aylanib qoldi

Doim qayergadir shoshib yuramiz, o'zimiz ham qayerga va nima uchun shoshayotganimizni bilmay ham qolamiz. Xotirjam sekin harakatlansak xuddi nimadirdan quruq qolayotgandek bo'lamiz

Biror ish yoki jarayoni tezroq tugashini xohlaymiz. Tezroq tugashi yaxshi ammo biz o'sha jarayoni xis qila olmay qolamiz. Hozirgi vaqtda juda ko'p ishlarimiz shunday

Hozirgi hollatimizda turamiz, lekin hayollar, qalb boshqa joyda. Natijada hozirgi hollatimizni unutamiz

Har lahzadan zavq olishni o'rganing. Shunda hayotingiz osonlashadi. Qisqa qilib aytganda "hayotda xaqiqatdan yashagandek" bo'lasiz

Buni o'rganish uchun esa sport, tabiat va o'zingiz yoqtirgan mashg'ulot yordam beradi

@Nodirjon_Bahtiyorovich

Aziz Rahimov ustoz tashkil qilgan "Parallel muhit"ga qo'shilgan edim va u yerda ulashish ochib qo'yilgan. Bu haqida ko'pchilik so'ragani sabab shogirtlari ustozdan ham bu haqida ya'ni ulashishga ruxsat bormi deya so'rashgan ekan

Shunda ustoz quyidagicha javob berganlar:

"Hech qisi yo'q ochib qo'yavering, indamay, men roziman. Kanal nimaga ochilganligi haqida ham bitta post yozamiz
Payment is not for hidding man. It is part of learning"

Shu sabablik bir foydali postni sizlar bilan ham ulashishni xohladim. Balki foydasi tegar

Ijtimoiy kapital - ushbu postni o'qib o'zingizga rostan ham foyda olishingiz mumkin, lekin imkoningiz bo'lsa barbir "Parallel muhit"ga qo'shilishni tavsiya qilaman

Qo'shilish uchun: @parallelmuhit_bot

@Nodirjon_Bahtiyorovich