Bugun boʻlmasa qachon?
Kecha boshlaganingizda bugun qayerda bo‘lar edingiz?
Har safar nimadir boshlashga shubha qilsangiz, shuni o‘ylang: agar 6 oy oldin boshlaganingizda, bugun natijangiz qanday bo‘lar edi?
Ko‘pchilik sport zalga borishni keyinga qoldiradi. Oradan yarim yil o‘tib, yana o‘sha joyda turibdi – hali ham boshlamagan. Kimdir biznes boshlamoqchi bo‘ladi, lekin "hozir emas" deydi. Oradan yil o‘tadi – hamon o‘sha fikr bilan yuribdi.
Kimdir ingliz tilini o‘rganmoqchi, lekin darsliklarni faqat rasm sifatida saqlab qo‘yadi. Yil o‘tadi, hamon "boshlash kerak" deb yuradi.
Agar siz kecha, o‘tgan hafta, o‘tgan oy boshlaganingizda, bugun ancha ilgarilagan bo‘lardingiz. Eng yomoni – vaqt o‘taveradi. Yana 6 oy o‘tadi. Yana yil tugaydi. Siz esa "boshlashim kerak edi" deb o‘zingizni ayblashda davom etasizmi?
Bu safar boshlang. Katta emas, kichik qadam bilan bo‘lsa ham. Chunki hozir boshlamasangiz, yana bir yil o‘tib, aynan shu joyda turishingiz mumkin.
@NiginaKomiljonova