🔹Ma'lumki, biz Kinder MBA da dars mashg'ulotlarnining ko'p qismini jamoalar bilan o'tkazamiz. Jamoalarga bo'lish har doim ham oson emas. Bolalar do'sti bilan bo'lishga yoki hafa bo'lib qolgan sinfdoshidan uzoqlashishga harakat qilishadi. Ularda tenglik, ahillik, fikrlarni eshitishni tushuntirish o'z yo'liga, lekin uni his qildirish yanada ishni yengillashtiradi, deb hisoblayman.

📌Men bu safar ishni o'zgartirmoqchi bo'ldim. Bolalarga dastlab istagan figurani tanlashlarini aytdim va shu figuralar tanlagan o'quvchilar bir stolni egallashdilar. (Rasmda ko'rishingiz mumkin)

💪Birin-ketin har bir figurada ortida qanday kuchli sifatlar yashiringanini aytib berdim. Bolalar qiziqish bilan eshitishdi, ularga yaxshi xilastlar bilan e'tirof etilishi juda yoqadi. Har bir figuraning boshqa figuradan ustunlik tamoni borligini birgalikda his qildik. So'ngra doskaga men loyiha uchun jamoa qidirayotganimni sur'atini chizib, faqat kvadrat shaklini tanlaganlarim bilan jamoa tuzishim mumkinmi deb savol berdim. Bolalar mustaqil tarzda mumkin emas deb fikrlarini himoya qilishdi. Biz turli kuchli tomonga ega o'quvchilarni yig'ishimiz kerak deyishdi. Bunga ko'plab misollar keltirishdi. Ular tushunishganligini his qildim. Mening maqsadim ham aynan biz jamoalar bilan ishlayotganimizda qalban o'ylab, do'stim, do'stim emas demasdan, balki aql bilan a'zolarni jalb qilishimiz kerakligini anglatish edi. Biz maqsadga yetishishimiz uchun turli sohada kuchli odamlar bilan ishlashimiz kerak. Men shuni tushuntirishga urindim.

👍Keyin biz har bir shakldan bittadan o'quvchini olib jamoalarni yig'dik. Hech kim hafa emas, anglagan holda yig'ilishdi.

O'ylaymanki, bu ularga kelajakdagi biznes ishlarida yoki loyihalarida ham jamoa yig'ishda nimalarga ahamiyat berishni eslatib turadi.