KEL, BÁHÁR!
Kóklemge tán saltanatlı sán menen,
Jańalıq jarıtıp sıy, ilhám menen,
Qıs ayın gúzetip, erte tań menen,
Búgin kewillerge kirip kel, báhár!
Hawada tırnalar ushsa sap dizip,
Bas báygige arǵımaqlar shapqızıp,
Qızlar qulaǵına sırǵa taqqızıp,
Sallanıp sulıwday júrip kel, báhár!
Ashıqlardıń ashıp kewil lalasın,
Gúlzarlıqqa bólep sahra dalasın,
Gúl ıshqında shertken búlbil namasın,
Tıńlawǵa qulaqtı túrip kel, báhár!
Sarqırap suw aqsa bulaq basınan,
Xabar berip kóktiń qarlıǵashınan,
Jelip ótip qumlıq ,tawlı-tasınan,
Jaslıqtıń jorǵasın súrip kel, báhár!
Sońǵı kúni, qasarısıp qıstıń da,
Aq niet aylanıp aq qar ushqınǵa,
Tábiyat jańarsın seniń ıshqıńda,
Álemge nur shashıp kúlip kel báhár.
E.Nametov, Shege awılı
01.03.2025
muynak.uz | telegram | Facebook | Instagram | YouTube | Twitter
Kóklemge tán saltanatlı sán menen,
Jańalıq jarıtıp sıy, ilhám menen,
Qıs ayın gúzetip, erte tań menen,
Búgin kewillerge kirip kel, báhár!
Hawada tırnalar ushsa sap dizip,
Bas báygige arǵımaqlar shapqızıp,
Qızlar qulaǵına sırǵa taqqızıp,
Sallanıp sulıwday júrip kel, báhár!
Ashıqlardıń ashıp kewil lalasın,
Gúlzarlıqqa bólep sahra dalasın,
Gúl ıshqında shertken búlbil namasın,
Tıńlawǵa qulaqtı túrip kel, báhár!
Sarqırap suw aqsa bulaq basınan,
Xabar berip kóktiń qarlıǵashınan,
Jelip ótip qumlıq ,tawlı-tasınan,
Jaslıqtıń jorǵasın súrip kel, báhár!
Sońǵı kúni, qasarısıp qıstıń da,
Aq niet aylanıp aq qar ushqınǵa,
Tábiyat jańarsın seniń ıshqıńda,
Álemge nur shashıp kúlip kel báhár.
E.Nametov, Shege awılı
01.03.2025
muynak.uz | telegram | Facebook | Instagram | YouTube | Twitter