Manipulyatsiya obyekti sifatida o‘sib-ulg‘ayib (tarbiyalanib), boshqa insonlarning buyruq va ko‘rsatmalarini tinimsiz bajarishga va faqat aytilgan ishni qilishga majbur bo‘lgan inson fikrlashga odatlanmagandir; u mustaqil yoki boshqalar bilan birgalikda fikr yuritishga qodir emas, bunga jur’ati ham yetmaydi, bu vaziyatda biror narsani tadqiq qilish, kashfiyotlar etish hamda ijodkorlik haqida gapirishning o‘zi ham bema’ni. Aynan bizdagi ta’lim muammosini mana shu yerda ko‘rishimiz mumkin. Jamiyatni ijrochilar emas, balki voqelikni to‘liq idrok etib, o‘zini subyekt sifatida tuta oladigan va jamiyat manfaatlari yo‘lida milliy elita bo‘lib xizmat qilishni xohlaydigan ijodkor insonlar taraqqiyotga yetaklaydi deydi.

Shuni ta’kidlash kerakki, barcha bolalar iste’dodli. Buni tushunish - vatandoshlikning asosiy pozitsiyalaridan biridir. Har qanday bola iste’dodli degan fikr shakllanishi kerak bizlarda. Birinchi navbatda farzandlarimizga nisbatan. Ota-onaning, davlatning, ta’lim muassasaning vazifasi shundan iboratki, o‘sha iste’dodni topish va unga urg‘u berish. “Hayot bosqichlarida subyektning rivojlanib borishi- o‘qishga emas, eng avvalo, ijodkorlikka bog‘liq”. Ya’ni o‘qish muhim, lekin ijodkorlik bo‘lishi kerak.


Vatandoshlik dasturi