Davosda Butunjahon iqtisodiy forumi boshlandi. Unda dunyoning turli davlatlaridan kelgan minglab siyosatchilar va iqtisodchilar ishtirok etadi hamda siyosat va iqtisod borasida muhim qarorlarni qabul qiladi.
Nega bunday muhim forum aynan Shveysariyaning Davos shahrida oʻtkaziladi?
1971-yilda nemis iqtisodchisi Klaus Shvab birinchi marta 450 nafar yevropalik rahbarni uchrashuvga taklif qiladi. Oʻshanda ushbu tadbir Yevropa menejmenti simpoziumi deb nomlandi.
Shvab biznesdagi yetakchi insonlar global bozorda qanday natijalarga erishayotganini hamda muammolarni oʻzaro muhokama qilishini xohlagan. Va, albatta, Yevropa kompaniyalarining Amerika kompaniyalari bilan raqobati asosiy mavzu boʻlgan.
Shvabning oʻzi Jeneva shahrida oʻqituvchilik qilgan. Biroq uchrashuv uchun togʻ-kurort zonasi boʻlgan Davosni tanlagan.
Birinchidan, chiroyli manzara. Boy odamlarga eng avval sokinlik va goʻzal tabiat kerak.
Ammo yevropaliklar bu yerdan ham falsafiy maʼno qidirgan. Davosda Tomas Manning “Sehrli tog‘” kitobi voqealari sodir boʻladi. Asardagi bosh qahramon Gan Kastorp Davosga uch hafta dam olish uchun keladi. Ammo oxir-oqibat bu yerda yetti yil qoladi.
Bu vaqt ichida uning hayot haqidagi tushunchasi butunlay oʻzgaradi. Kitobda jamiyatning tanazzulga uchrashi va insoniyat qilayotgan bemaʼni, maʼnosiz ishlar qahramonlar misolida masxara qilinadi.
U Davosdan qaytganida Birinchi jahon urushi boshlanadi. Gan sanatoriyda tanishgan odamlar, aslida ushbu urushni boshlagan kuchlar ramzi edi. Shuningdek, baʼzi mamlakatlarning (masalan AQSh) koʻrligi ham kinoya bilan koʻrsatilgandi.
Yozuvchi bu bilan buyuk davlatlar butun sayyora miqyosidagi muammolar (ochlik, qashshoqlik, infeksiyalar, iqlim oʻzgarishi) turganda, qandaydir arzimagan, beʼmani narsalar uchun bir-biri bilan janjallashishini taʼkidlaydi. Shvab Davosda kitobdagi xato takrorlanmasligi, bu yerda katta muammolar hal qilinishi kerakligini anglatmoqchi boʻladi.
Davos forumi hozirda dunyodagi eng katta yigʻin. Bunday katta koʻlamdagi siyosatchi va ishbilarmonlarni toʻplovchi boshqa biron xalqaro tadbir deyarli yoʻq.
Oʻzaro urush yoqasida turgan Gretsiya va Turkiya munosabatlari aynan Davos uchrashuvlaridan keyin iliqlasha boshlagan. 1992-yilda bu yerda Nelson Mandela Janubiy Afrika prezidenti bilan uchrashgan. Biroq Davosning butunjahon ishbilarmonlari hamkorligi ramzi borasidagi obroʻyi yildan-yilga pasayib bormoqda. Chunki dunyo yana oʻzaro jiddiy kurashlarga kirib boryapti.
@Mudofauz1
Nega bunday muhim forum aynan Shveysariyaning Davos shahrida oʻtkaziladi?
1971-yilda nemis iqtisodchisi Klaus Shvab birinchi marta 450 nafar yevropalik rahbarni uchrashuvga taklif qiladi. Oʻshanda ushbu tadbir Yevropa menejmenti simpoziumi deb nomlandi.
Shvab biznesdagi yetakchi insonlar global bozorda qanday natijalarga erishayotganini hamda muammolarni oʻzaro muhokama qilishini xohlagan. Va, albatta, Yevropa kompaniyalarining Amerika kompaniyalari bilan raqobati asosiy mavzu boʻlgan.
Shvabning oʻzi Jeneva shahrida oʻqituvchilik qilgan. Biroq uchrashuv uchun togʻ-kurort zonasi boʻlgan Davosni tanlagan.
Birinchidan, chiroyli manzara. Boy odamlarga eng avval sokinlik va goʻzal tabiat kerak.
Ammo yevropaliklar bu yerdan ham falsafiy maʼno qidirgan. Davosda Tomas Manning “Sehrli tog‘” kitobi voqealari sodir boʻladi. Asardagi bosh qahramon Gan Kastorp Davosga uch hafta dam olish uchun keladi. Ammo oxir-oqibat bu yerda yetti yil qoladi.
Bu vaqt ichida uning hayot haqidagi tushunchasi butunlay oʻzgaradi. Kitobda jamiyatning tanazzulga uchrashi va insoniyat qilayotgan bemaʼni, maʼnosiz ishlar qahramonlar misolida masxara qilinadi.
U Davosdan qaytganida Birinchi jahon urushi boshlanadi. Gan sanatoriyda tanishgan odamlar, aslida ushbu urushni boshlagan kuchlar ramzi edi. Shuningdek, baʼzi mamlakatlarning (masalan AQSh) koʻrligi ham kinoya bilan koʻrsatilgandi.
Yozuvchi bu bilan buyuk davlatlar butun sayyora miqyosidagi muammolar (ochlik, qashshoqlik, infeksiyalar, iqlim oʻzgarishi) turganda, qandaydir arzimagan, beʼmani narsalar uchun bir-biri bilan janjallashishini taʼkidlaydi. Shvab Davosda kitobdagi xato takrorlanmasligi, bu yerda katta muammolar hal qilinishi kerakligini anglatmoqchi boʻladi.
Davos forumi hozirda dunyodagi eng katta yigʻin. Bunday katta koʻlamdagi siyosatchi va ishbilarmonlarni toʻplovchi boshqa biron xalqaro tadbir deyarli yoʻq.
Oʻzaro urush yoqasida turgan Gretsiya va Turkiya munosabatlari aynan Davos uchrashuvlaridan keyin iliqlasha boshlagan. 1992-yilda bu yerda Nelson Mandela Janubiy Afrika prezidenti bilan uchrashgan. Biroq Davosning butunjahon ishbilarmonlari hamkorligi ramzi borasidagi obroʻyi yildan-yilga pasayib bormoqda. Chunki dunyo yana oʻzaro jiddiy kurashlarga kirib boryapti.
@Mudofauz1