Что такое малые АЭС?

В Узбекистане построят малую АЭС в Джизакской области

Возобновляемая энергия (виэ)

uz Гражданам частично могут возместить затраты

Чистая Энергия ӏ Sof Energiya UZ

Для тех, кто заботится о зеленом будущем Узбекистана.

Statistika Saralanganlar

MoychechagiM_Sh

@MoychechagiM_Sh

Kanal geosi va tili: O‘zbekiston, O‘zbekcha

Toifa: Telegram

Mustaqil tadqiqotchiman: onalik, oila va filologiyada!
Bu joy ham shunga koʻra, istalgan mavzuda yozishim mumkin boʻlgan hudud.

Связанные каналы

Kanal geosi va tili

O‘zbekiston, O‘zbekcha

Toifa

Telegram

Statistika

Postlar filtri

O‘chirilganlarni yashirish

Repostlarni yashirish

MoychechagiM_Sh

12 Feb, 10:26

Oʻqiydigan narsam oʻzi kamdek, "Mutolaa" ham eslatib qolsa boʻladimi🤦‍♀

Shu dasturni ishlatadiganlar bormi? Oʻzbek tilida ham shunday kitob oʻqisa boʻladigan dasturlar bo'lishi zoʻrda. Masalan, dadam bir oyda 4 ta kitobning audiosini eshitib tugatdim ish kunlarida, quloqqa naushnik ulab degandilar yaqinda.

Hozirgi zamonda kitob oʻqishga vaqtim yoʻq degan bahona oʻtmaydi, "quntim yoʻq" degan sabab bor xolos.

28 0 0 3 4

MoychechagiM_Sh

11 Feb, 10:04

#haqqattaney

Men oʻttiz bir yil ichida bironta sodiq doʻst orttirolmagan boʻlsam ham, odamning odamga doʻst boʻlishini eʼtirof etaman. Hatto oʻrtada sadoqat ham boʻlishi mumkin. Ammo hamdam boʻlolmaydi. Erkak kishi uchun birdan-bir hamdam ayol boʻlishi mumkin. Men shahvat maʼnosida aytmoqchi emasman. Insondagi shahvatparastlik, garchi tabiat qonuni boʻlsa ham, odamning hayvoniy mayllarini namoyon etuvchi xususiyatdir. Men koʻngil maʼnosida aytyapman. Koʻnglingiz yolgʻizlik zardobiga toʻlganda bu zardobni faqat ayol davolay olishi mumkin. Ayol va erkak, aslida, bir butunning ikki qismi. Baxt butun boʻlishi uchun avvalo mana shu ikki qism butun boʻlishi zarur. Biroq buning uchun ayolni sevish kerak. Bizning butun umrimiz ana shunday ayolni kutish bilan oʻtadi. Afsuski, bunday ayollar ham har bir odamga keyinchalik bir umr sogʻinib oʻtishi uchun bir marta beriladi, xolos. Ular ham qimor oʻyiniga oʻxshaydi. Yutuqli kartani topsangiz, xoʻp-xoʻp, topolmasangiz, keyin izlab oʻtirmang, boshqa hech qachon topolmaysiz. Bundan buyon umringiz chirish, inqiroz sari yuz tutish...

©Nazar Eshonqul, "Tun panjaralari" qissasidan

@MoychechagiM_Sh

45 0 0 11

MoychechagiM_Sh

11 Feb, 08:55

Kitobni chetiga multfilm qilib yopishtirib tashlagan har bitta stikerim ostida ilmiy mavzuimga oid bitta misol va iqtibos bor edi. Shularni endi bittalab kiritib tahlil qilib chiqishim kerak. Bolalarimni teppa-tekinga buvisiga sotib, oʻzim kutubxonaga keldim.

Kamerasi xoʻrlangan noestetik rasmga oladigan telefon ishlatsam ham, har holda tinch joyda moychechak choy damlangan termosni xo'rriillatib oʻtirib dars qilishga imkonim bor, shukr.

@MoychechagiM_Sh

43 0 0 1 5

MoychechagiM_Sh

5 Feb, 07:06

00:32

Video oldindan ko‘rish uchun mavjud emas

Telegram'da ko‘rish

Opa-singil, aka-ukalikning oltin qoidalari:

Bir-birini hafa qilishi mumkin, lekin birovlarga hafa qildirib qoʻymaydi.

Oʻzaro, hech kim yoʻqligida bir-birini ustidan kulishi mumkin, ammo boshqaga mazah qildirib qoʻymaydi.

Bir-biriga yomon tomonlarini sharta aytishi mumkin, lekin birovlarga yomonlamaydi, yomonlatmaydi.

Umuman aybini ochmaydi, ojiz tomonini gapirmaydi, gapirtirmaydi, obroʻsini tushirmaydi, oshiradi...
Xullas, doim kardeşi uchun beganalar oldida turib beradi!

G'orda ming yil oʻtirib maʼrifatga erishgan avliyo maskasidaman bugun...

@MoychechagiM_Sh

85 0 1 2 10

MoychechagiM_Sh

3 Feb, 18:32

Evaziga yaxshi oʻqish va oʻziga toʻgʻri boʻlishdan boshqa talab qilmagan, hisob soʻrmagan Beminnatim!

Har qanday vaqt sigʻinib bora oladigan Uyim...

Menga aytolmagan shirin gaplarini qizlarimga atagan, ularni tinmay oʻpib erkalaydigan, qoʻlida koʻtarib istaganini muhayyo qiladigan Sehrbozim! (Videoni koʻrib shuning uchun taʼsirlandim )

Hozir mendan keyin singlim yashaydi shunday mazza davrda, qadrini bilmaydi, balki u ham 10 yildan keyin menga oʻxshab 27 ga kirgach tushunib yetar men anglaganlarni.

Umuman, hammamiz keyinchalik anglab yetmaymizmi, bir qizni, ayolni agar sevsa eng koʻp ota sevadi, beminnat sevadi, jim sevadi, evazsiz sevadi. Keyin tayyor ulgʻaytirib eshikdan kirib kelgan mutlaqo boshqa odamga xizmat qilishi uchun berib yuborishini bilsa ham baribir sevaveradi.

Otalar shunaqa oramizda yurgan Qahramonlar.

Siz otangiz haqida kitob yozsangiz nima deb nomlardingiz?

@MoychechagiM_Sh

80 0 0 3

MoychechagiM_Sh

3 Feb, 18:27

00:09

Video oldindan ko‘rish uchun mavjud emas

Telegram'da ko‘rish

Omonlik sohilim...

Dadam tizzasiga oʻtkazib erkalatmagan, yuzimdan cho'ppillatib o'pganlarini eslolmayman. Ularning davridagi tarbiya shunday edi. Erkak kishi bir qirda, bir sirda turishi, ko'p, ortiqcha gapirmasligi kerakligi haqidagi tushunchalar aqlimga dadamni koʻrib singgan.

Lekin tizzalariga o'tqizmagan boʻlsa ham doim ortimda turgan, bor tashvishimni yelkasida olib yurgan. Qizlik davrim rohatda, masʼuliyat va qiyinchiliksiz oʻtishi uchun dadam hamma qiyinchilikni gardaniga olgan.
Muammolarimni dadam hal qilgan, meni oʻrnimga nozik joylarda muomalani dadam yuritgan. Ular bor, hech kimga sargʻaymadim, yalinmadim, ogʻir gap eshitmadim.

Imtihonlarimda eshikni orqasida soatga qarab kutib oʻtiradigan, puling bormi deb tez-tez soʻrab turadigan. Nechida boʻlsa ham, qayerda boʻlsa ham keling desam yetib kelib olib ketadigan. Hatto qoʻngʻiroq qilsam telefoningni vaqti ketmasin deb qizil bosib oʻzlari qaytaradigan Ta'minotim!

80 0 1 4

MoychechagiM_Sh

1 Feb, 20:31

Va nihoyat, Nazar Eshonqulning 2 jildlik saylanmasıni tugatdim.

Miyyam oʻzini uzoq va mashaqqatli jangdan shalpayib, xorib chiqqan piyoda askardek his qilyapti...

Taqriz yozmoqchi edim, lekin shundoq ham ilmiy ishimning bir butun bobi shunga bagʻishlangan. Shuning uchun endi oʻtirib ishni yozish kerak.

Hamma biladi, Nazar Eshonqul ijodi mazza qilib oʻqiladigan turga kirmaydi, xoslar uchun, adabiy did, badiiy salohiyat, yuksak ijtimoiy tafakkur egalari uchun.

Shuning uchun juda qiynalib, boʻlib-bo'lib oʻqidim. Tugatib olguncha ichlarim ezilib ketdi. Ramzlar, timsol, yarim betda ham tugamaydigan uzun gaplar, oxiriga yetguncha boshi esdan chiqadigan jumlalar, tagida juda katta ijtimoiy ishoralar yotgan tasvirlar... Qisqasi, tushunmagan oʻrinlarim ham boʻldi, oʻchig'ini aytsam. Hali xoslar ichiga kirmabman deb biroz shashtim qaytdi.

Nazar Eshonqul ijodi boʻyicha yozilgan maqolalar, tahlillar, taqrizlar, monografiyalar bilan tanishdim. Bildimki, hatto akademik, dotsent va professorlar ham adib ijodini bir oʻqishda zoʻriqish his qilishgani, mutolaa oson kechmaganini tan olishgan (Ibrohim Haqqul, masalan)
Sal konglim taskin topdi. Demak, muhimi, hammasini tushunish, mazza qilib oʻqish emas.
Qanday oʻqish emas, qanday asarni oʻqishda asl masala.

Badiiy didni kitobga qarab oʻstirib borish kerak, kitob saviyasini badiiy didga qarab tushirib borish emas.

Oʻqib tugatgandan keyin koʻnglingizga huzun va asarlaridagi kabi qora boʻgʻiq ranglar, zulmat, badboʻy hamda ufunat hidini qoldirib ketadi bu ijodkor asarlari. Oʻkirib yigʻlamaysiz, baqirib kulmaysiz. Faqat oʻylatadi, oʻylatadi, oʻylatadi...
Chalkash fikrlar, bir dunyo mulohazalar ichiga tashlab qoʻyadi. Keyin yuraverasiz, boshvog'ingizni topa olmay.

Umuman olganda, asaridagi qahramonlaridan birining Dostoyevskiy haqida aytgan fikrini Nazar Eshonqul ijodiga ham bemalol qoʻllash mumkin deb oʻyladim:

"Достоевскийнинг ҳам касали бор эди, шекилли, Ўта ғайритабиий ёзувчи. Уни ўқийверсам, ўзимни ўзим ёмон кўриб қоламан. Худди бировнинг хаётида яшаб юрганга ўхшайман. Кўнглимдаги кўпгина нарсаларни суғуриб олади... Ўзимни бўм-бўш, чириган ёгочдек ҳис қиламан.... Умуман, дахоларнинг ҳаммаси маълум маънода руҳий касал бўлишади. (Ta'qiq mevasi" romanidan)

@MoychechagiM_Sh

56 0 1 3

MoychechagiM_Sh

1 Feb, 20:11

Oʻzimcha estetika qilib rasmga olmoqchi boʻldim. Xoʻrlangan telefonim kamerasi va bardak dars stolim bilan unaqa rasmni iloji yoʻq ekan hali beri. Borini koʻrib turasizlar. Shu bohona stol ustida sal narsa kamaydi, yigʻishtirilib qoldi.

Muhimi, stolimda gullar bor )))

@MoychechagiM_Sh

62 0 0 6

MoychechagiM_Sh

30 Jan, 20:08

Men 27 ga kirdim, lekin ayrim odamlar 60 ga kirib erishadigan narsalarga allaqachon yetishib boʻlganman:

– Uyqusizlik
– Bel ogʻrigʻi
– Kalsiy, collagen yetishmasligi
– Charchagan asab tizimi
– Susaygan xotira
– Tortmadagi paket ichida bir dunyo paketlarni saqlash...

Siz-chi, nimalarga erishdingiz?

@MoychechagiM_Sh

74 0 0 1 1

MoychechagiM_Sh

30 Jan, 19:04

00:15

Video oldindan ko‘rish uchun mavjud emas

Telegram'da ko‘rish

Bugun tugʻilgan kunim edi...
Yana qayta 17 ga kirdim, 10 yildan beri yoshim oʻzgarmaydi negadir.

Unchalik ham qarimabman shekilli, derazam tagida gul bilan kutishyapti-ku haliyam 🌚

Chiroyli turib bering desam, tuzuk-quruq rasmga tushib bermaydigan "yigitim" million yılda bir romantik video olib yuborganlaridan foydalanib yugurib kanalchamga keldim darrov, avf etasizlar.

Qor ham buyurtma berib qoʻyganlar, shekilli, baraka topsin, bir zumga chiroyli yogʻib berdi.

@MoychechagiM_Sh

87 0 0 5 7

MoychechagiM_Sh

29 Jan, 10:27

#mutolaadan

Naql qilinishicha, mashhur shayx Abu Bakr Shibliy (vafoti 946)dan “Tariqatdagi ilk
yoʻlboshchingiz kim?” deb soʻralganda, u “Bir itdir” deb soʻzini shunday davom ettirgan ekan:
“Bu it suvsizlikdan oʻlim yoqasida tik turardi. U suv ichish uchun ne zamon ariqqa yaqinlashsa,
suvda oʻz aksini koʻrar va undan qoʻrqardi. Chunki oʻzining suratini u boshqa bir itniki deb
oʻylardi. Ammo tashnalik oxiri zoʻr kelib, it oʻzini suvning ichiga otdi... Ana shundan soʻng
“boshqa kuchuk” yoʻqligiga inondi. It bilan oʻrtadagi borliq orasiga kirgan itning “oʻzga
manligi” uning yoʻliga toʻsiq paydo etgan edi. Men ahvolimning aynan shu itga oʻxshashini, yaʼni
yoʻlimdagi eng katta toʻsiq nafsim ekanini angladim... Xullas, mening birinchi yoʻlboshchim shu
it boʻldi. Asosiy yoʻlga qanday qadam tashlash lozimligini menga bir kuchuk koʻrsatdi”

Ibrohim Haqqul, "Evrilish tovushi" maqolasidan

@MoychechagiM_Sh

77 0 0 3

MoychechagiM_Sh

26 Jan, 14:02

Kitobni hech qayeriga chizmasdan, belgilamasdan, sticker qoʻymasdan, "tajovuzkor va do'mboloq" qo'lchalar hujumidan olib qochmasdan, faqat madaniy hordiq va rohat uchun oʻqiydiganlar!

Sizga mazza!

@MoychechagiM_Sh

78 0 0 9 5

MoychechagiM_Sh

24 Jan, 13:13

00:16

Video oldindan ko‘rish uchun mavjud emas

Telegram'da ko‘rish

Bu bir yosh sindromi emas,

Ikkinchi farzand sindromi emish.

Menimcha, bu MIT universiteti olimlari adashmagan.

Masalan, katta qizim bilan magistratura bitiruvchisi boʻlganman, undan keyin doktoranturaga tayyorgarlik jarayonida koʻp joylarga borish, undan tashqari son sanoqsiz maishiy muammolarimni hal qilish uchun koʻp koʻchada oʻzim olib yurishimga toʻgʻri kelgan. Sofiya yoʻl yurishni yaxshi koʻradigan, transportga chiqsa yo tomosha yo uyquni urib ketadigan, aytganimga koʻnib, atrofdagilarga tabassum hadya qiladigan "diplomatik va oson" toddler boʻlgan ekan oʻylab qarasam. Chunki bunchalik qiynalganimni eslolmayman unda. U bilan koʻchaga chiqish qandaydir zavqli jarayon edi men uchun.

Ammo 2-farzandim. U bilan uzoqroq joyga bir oʻzim chiqish uchun bir hafta avvaldan oʻzimni ruhan tayyorlab, trenerovka qilib, asablarim mustahkamligi uchun duolar qilib hozirlik koʻraman.

Hammada 2-farzand shunaqa boʻysunmas va qaysar boʻladimi? Yo bu quruq statistikami?

@MoychechagiM_Sh

92 0 1 4 2

MoychechagiM_Sh

24 Jan, 13:07

#dardidostonpost

Bugun Akademnashr ga borib anchadan beri kerak boʻlayotgan kitoblarni olib keldim.
Va bildimki, agar uyimga dostavka qilib berishmasa, borib kitob sotib olish menga avvalgidek terapiya boʻlmay qolibdi. Sababi men doim oʻzimning kamida bitta chiroyli va mitti "dumcham" bilan yuraman va bu anchayam stressli jarayon. Tushuntirsam:

Doimgidek kichkina qizim bilan va umid qilib kolyaskani ovolgandim, afsuski, qizim oʻtirmadi. Buni ustiga qoʻlimda ham, metroda ham jim ketmadi. 1 yosh krizisimi, bilmadim. nima istayotganini menimcha oʻzi ham bilmaydi. Tinmay injiqlik qiladi, arrillaydi, shunaqangi tomogʻini yirtib yigʻlaydiki, atrofdagi odamlarga oʻzimni oqlagilarim kelib ketadi:

"Hech qayerini chimchilamadim, urmadim, hatto urishmadim ham. Qorniyam toʻq, uyqusi ham kelmadi, lekin bilmayman nima boʻlayotgani... Iltimos, menga unaqa qaramanglar. Bilaman jamoat joyida bunaqa toʻpolon koʻtarishimiz yaxshi emas, nima qilay, ahır. Hammamiz shunday katta boʻlganmiz...😥" va hokazo deb.

Sochlari ukladka, kiyimlari gijim emas, yuziga uxod qilishdan boshqa tashvishi yoʻq boʻy yetgan qizlar menga achinib qarayotgani, sumkachasidan topgan shaqir-shuqurlari bilan qizimni chalgʻitishga urinayotganini sezdim va umid qilamanki, u qizlarga hali beri turmushga chiqmaslik qarorini mustahkamlash uchun ona bola yaxshi motivatsiya berdik 🌚 (hazil)

@MoychechagiM_Sh

61 0 0 4

MoychechagiM_Sh

24 Jan, 05:00

Qaniydi masʼuliyat ham ugriga oʻxshagan narsa boʻlsa, kecha pista chaqsang bugun peshonangda lop etib paydo boʻladigan...

@MoychechagiM_Sh

72 0 0 7

MoychechagiM_Sh

23 Jan, 06:49

#Sofiya_bilan

Ertalabda ozgina-yu sozgina qilib skovorodkada pirog pishirdim. Bir boʻlagini qizimni oldiga qoʻyib, qolganini dadasi ishga olib ketadigan tushliklari yoniga solib qoʻydim. Qizim hammasiga qarab nonushta qilayotgandi. Yoniga oʻtirganimda oʻzining boʻlagini ikkiga boʻlib, katta qismini menga berdi: "Mang, aya, siz hali yemadiz-ku, sizga qolmadi-ku",- deb 🥺

Oʻtgan kuni ertalabda kosmetichkamni oldimga qoʻyib yuzimga krem surtib oʻtirgandim. Yonimga kelib yuzimga qarab turdi-da. "Aya, siz boʻyanmang, oʻzi shundoq ham chiroylisiz-ku",- dedi 🥺
Dadasining oldida shunday degani ikki karra yoqib tushdi menga.

Kichkina jussasiga shuncha mehr singdirib, uni menga qiz qilib yuborgan Allohga shukrlar boʻlsin!

@MoychechagiM_Sh

87 0 1 17

MoychechagiM_Sh

22 Jan, 21:26

00:58

Video oldindan ko‘rish uchun mavjud emas

Telegram'da ko‘rish

Xullas, shunaqa oʻyin.

Sabzi oʻrnida yana shakllar, ranglar, raqamlar, mevalar, ishqilib, bolaga nimani oʻrgatmoqchi boʻlsangiz oʻshani rasmi ham boʻlishi mumkin.

Kichkina qizim ham quyonni ogʻzini topib amallab ovqat tiqayotganidan oʻzi ham, men ham xursandmiz, mayda motorikaga foydali deganlaridek )))

@MoychechagiM_Sh

62 0 2 3 3

MoychechagiM_Sh

22 Jan, 21:11

Dostoyevskiy yozgan ekan: Erk bu – shataloq otish emas, oʻzingni tuta bilishdir!

Bugun kunimni yarmi bir avtoreferatni ChatGPT bilan birga tarjima qilib oʻqib chiqish, qolgan yarmi mana shu rivojlantiruvchi oʻyinchoqni oʻz qollarim bilan yasash bilan oʻtdi (Perfeksionist yoki obsessiv kompulsiv buzilishi bor odamlar videoni koʻrishi ta'qiqlanadi, birinchidan estetikadan yiroq, tekis qirqilmagan, ikkinchidan telefonim kamerasi "xoʻrlangan"ligini avvalgilar bilishadi, ikkinchi rasm internetdan)

Printerim tuzalgani sharofati bilan darrov nimalardir chiqarib-qirqib bolalarga yasab berishni boshladim. Laminat qilishga plyonkam qolmagandi, qalin kartonga yelimlab qirqdim. Xullas, hayot limon bersa limonad tayyorla degandek...

Endi qizlar uxlaganda uxlavormasdan, turib darsimni qilishga kuch topsam, Dostoyevskiy aytgandek chinakam erkin boʻlaman.

Siz yetarli darajada erkin insonmisiz? Har qanday vaziyatda masʼuliyatni boʻyningizga olib, oʻzingizni tutib tura olasizmi?

Men – yoʻq 🌚

@MoychechagiM_Sh

77 0 1 7 6

MoychechagiM_Sh

22 Jan, 14:10

Badiiy adabiyot boʻyiga ham eniga ham toʻn bichsa boʻladigan mato

Salimovning yozganlaridan buni yaqqol koʻrishingiz mumkin. Biz koʻklarga koʻtaradigan asar va uning "erkatoy" qahramoni Kumush haqida umuman boshqa rakursdan tahlil. Shaxsan men yayrab oʻqidim shu taqrizni. Chunki bakalavr payti butun guruh bilan Kumushning mana shu taqrizda aytilgan "gʻalati va makkor" qiliqlari haqida tortishgandim. Afsuski, bir xil adabiy tahlillar qon qoniga singgan guruhdoshlarim Kumushning yonini olishgan va nihoyat "kattalar"dan kimdir ichimdagilarni qalamini achchiq qalampirga botirib-botirib yozib chiqibdi. Oʻqib yengil tortdim.

Ha aytgancha, magistratura payti darsda Hoshimjon Ahmedov ustozga savol bergandim. "Adabiyotda asosan erkak yozuvchilar tomonidan portreti chiziladigan maʼshuqa, sevgili, umuman ayol obrazlar nega doim chiroyli boʻladi? Nega muhabbatga, bosh qahramon rutbasiga faqat goʻzal ayollarni tanlashadi bu erkak zoti? Xunuklar, o'rtamiyonalar sevilishga, asar qahramoni boʻlishga loyiq emasmi?"

Menimcha, asardagi oshiqdan avval, maʼshuqani muallifning oʻzi sevib qoladi. Shuning uchun ham qaysi yozuvchi, shoirga qaramang, sahifalarni to'llldirib asaridagi bosh qahramon boʻlgan ayol(qiz)ning tashqi portretini quyuqqina qilib tasvirlashga tushib ketishadi: qoshini, koʻzini, kiprigini, terisi rangini, ingichka belini va hokazo, (aqli bu ikkinchi daraja, lekin koʻp hollarda aqlli ham boʻlishadi bu tushmagur qahramonlar, erkak orzusida endi bu ham, nimayam derdik)

Hatto Abdulla Qodiriy ham, Kumushni oʻzi yaxshi koʻrgani, goʻzal deb hisoblagani uchun uni barcha "qiliqlari"ga koʻz yumib, alohida mehr bilan tasvirlaydi.
Zaynabni yoqtirmagani, har bir satridan oqib turgan chak-chak zardobdan maʼlum.

Muallif uni juda chiroyli hisoblamaydi, ha chiroyli edi, lekin Kumushchalik emas, bunaqa ayol portretida esa, oʻziga mos, unchalik hafsala qilinmagan tashqi tasvirni uchratamiz".

"Oʻzi umuman, ustoz bu "erkaklar yaratgan" adabiyot olamida, bormi hech sevilgan, sevilib taʼriflangan xunukkina ayol obrazi?"

Domla oʻzlari topib berolmaganlar menga adabiyot xazinasidan yarq etgan "xunuk sevilgan maʼshuqani" va guruhga yuzlangan. Guruhdan ham tayinli javob chiqmagan shekilli, ahir men eslolmayman ularning javobini. Xullas, juda bahstalab va muhim savol ekanligini, jiddiy oʻylab koʻrish va alohida ilmiy ishga mavzu boʻlishini aytgandilar.

Ilmiy ishi uchun tuzukroq mavzu qidirib yurgan izlanuvchilarga bitta variant bu ham.

Siz bilasizmi, muallif oʻzgacha mehr bilan tasvirlagan, lekin oʻzi xunukkina boʻlgan biror ayol obraz ( bosh qahramonlardan biri boʻlishi kerak)ni?

@MoychechagiM_Sh

The Stranger

Yangi nashri eʼtiborimni tortgani sababli "Oʻtkan kunlar"ni qayta oʻqidim. Oxirgi marta oʻn yillar oldin oʻqigandim. Hozir asardagi ayollar obrazi eʼtiborimni tortdi. Butun asarda birorta esi butun ayol yoʻq. Qoʻpol qilib aytganda, hammasi tovuqmiya. Erlar tomonidan xotinlariga past nazar bilan qa...

53 0 1

MoychechagiM_Sh

21 Jan, 13:06

Farzandli boʻlmasdan avval egizaklari bor onalarni koʻrsam:

– Voy, ularning farzandi egizak ekan 😍🥰😘

Oʻzim bitta bolali boʻlganimdan keyin egizak farzandi borlarni koʻrsam:

– Voy, ularning farzandi egizak ekan😳 🥶🤐

3 yilda 2 ta farzandli boʻlganimdan keyin egizakli onalarni koʻrsam:

– Voy, ularning farzandi egizak ekan 🫨🤯😱🤒

@MoychechagiM_Sh

54 0 0 2 4

20 ta oxirgi post ko‘rsatilgan.

56

obunachilar

Kanal statistikasi

Kanalda mashhur

Topgan gul, topmagan bir bogʻ piyoz deganlaridek, jonajon davlatimiz azaliy anʼanalariga sodiq qo...

Bu bir yosh sindromi emas, Ikkinchi farzand sindromi emish. Menimcha, bu MIT universiteti olim...

#Sofiya_bilan Ertalabda ozgina-yu sozgina qilib skovorodkada pirog pishirdim. Bir boʻlagini qizi...

Bugun tugʻilgan kunim edi... Yana qayta 17 ga kirdim, 10 yildan beri yoshim oʻzgarmaydi negadir....

Opa-singil, aka-ukalikning oltin qoidalari: Bir-birini hafa qilishi mumkin, lekin birovlarga haf...