⌨ Акамиз фирибгарларга алданиб қолгани, уй-жой олиш бўйича муаммоларга учрагани учун "Озодлик" радиосига мурожаат қилган экан. Бу "халқпарвар қаҳрамон"ни манфаатларига тўғри келадиган мурожаат бўлмаган бўлса керак, акамизга ёрдам бермабди.

❤️Тўғри-да, жамиятда норозилик чиқариш, низо тарқатишга қўл келадиган мурожаат бўлганда, жон-жон деб "ёрдам берарди" "Озодлик", халқни "майда-чуйда" дардини унга қизиғи йўқ. Унга фақат ҳайп, негатив, норози кайфият, кейин ўз халқини, виждонини пулга алмашадиган хоинлар керак. Яна унга отасига ишонгандай ишонадиганлар ҳам керак. Жонкуяр, халқпарвар ниқобини кийиб, муаммоларни эшитади, "четга" ўтиб яна асл башарасига қайтади.

📌"Озодлик" радиоси тармоқларда манипуляция орқали одамлар онгига таъсир ўтказиш, норози кайфият ва низолар чиқариш билан шуғулланишини биламиз. Унинг асосий мақсади  ўзини, ўзлигини англаган, атрофида юз бераётган воқеаларга эътиборли ҳар қандай одамга маълум. У давлат, ҳокимият, ўрни келганда, ўзи учун ишлаганларни ҳам устидан мағзава ағдариш, обрўсизлантиришга ҳаракат қилади, буни ҳам биламиз.

🙏Лекин нега унга ишониб, ҳеч қандай фойда кўрмаганлар ҳақида эшитиб, кўриб турсак ҳам кўзимизни очмаймиз? Ўзи хориждан туриб ишлайдиган, одамлар орасига нифоқ солиш, давлатда ички бетартиблик, низолар чиқаришдан бошқага ярамайдиганлар келиб халқнинг муаммосини ҳал қилиб берармиди? Нега шуни бир ўйлаб кўрмаймиз?

🎤Опа айтганидек, давлат ўз-ўзидан ривожланиб қолмайди, уни онги, тафаккури, маънавияти юқори халқ юксалтиради. Қаерлардадир пусиб ётиб, қармоғига тушганларни тармоқда чайнаб кун кўрадиганларга йиғлаб дардини дастурхон қиладиган халқ эмас! Кўзингизни очинг, одамлар!

🌐 Ijtimoiy tarmoqdagi rasmiy sahifalarimiz⭕️
🚀Telegram. 📷Instagram. 🔵 Facebook.  🎬 You tube