MATEMATIKMAN..
(yohud hazil she'r)

Sevgi asli matematika.
Birdan tortib cheksizga qadar.
Minus tomon ketib qolasan,
Masalani tushunmasang gar.

Kechir meni ko'nglingga olma,
Essiz no'noq matematikman.
Go'yo 3 ga 2 ni qo'shib,
So'ngda 6 chiqargandekman.

Xorazmiyning avlodiman-u,
Al-jabrga yengilib tursam.
Sen va men : ikki nuqtadan,
Vo ajabo muhabbat qursam.

Kulib-kulib o'qiyapsanmi?
Balki rostdan bu she'rim hazil,
Bir narsani alami yomon,
Yo'llarimiz doim parallel...

Muhabbatim aksioma-yu
Yo'llarimiz doim parallel...

Malika Yoqubzoda