Video oldindan ko‘rish uchun mavjud emas
Telegram'da ko‘rish
QOʻYIB BERSANGIZ
Nari turing yoqmasa holim,
Holatimni abgor desangiz.
Boʻlmasangiz bunchalar zolim,
Yigʻlashimga qoʻyib bersangiz.
Kinoyali soʻzlar qotmasdan,
Zarda, sanchiq gaplar otmasdan.
Oʻtib ketay sizga yoqmasdan,
Yigʻlashimga qoʻyib bersangiz.
Koshonam yoʻq qavat-qavatli,
Qaddim ham yoʻq sizdek savlatli.
Yashayvering boy, hashamatli,
Yigʻlashimga qoʻyib bersangiz.
Dunyo uchun ogʻrinmas jonim,
Sizlar haqsiz nima desangiz.
Joynamozga bosh urgan onim,
Yigʻlashimga qoʻyib bersangiz.
Amallarim yetarmikan deb,
Yozganlarim bitarmikan deb.
Ibodatim oʻtarmikan deb,
Yigʻlashimga qoʻyib bersangiz.
Olib qoʻymang qoʻldan kitobim,
Roʻmolimni qaytib bersangiz.
Rangingizdan qochadi tobim,
Yigʻlashimga qoʻyib bersangiz!
✍Maftuna Amirzoda
26.01.2025-yil
⏰ 18:39
https://t.me/Maftuna_Amirzoda_ijodi
Nari turing yoqmasa holim,
Holatimni abgor desangiz.
Boʻlmasangiz bunchalar zolim,
Yigʻlashimga qoʻyib bersangiz.
Kinoyali soʻzlar qotmasdan,
Zarda, sanchiq gaplar otmasdan.
Oʻtib ketay sizga yoqmasdan,
Yigʻlashimga qoʻyib bersangiz.
Koshonam yoʻq qavat-qavatli,
Qaddim ham yoʻq sizdek savlatli.
Yashayvering boy, hashamatli,
Yigʻlashimga qoʻyib bersangiz.
Dunyo uchun ogʻrinmas jonim,
Sizlar haqsiz nima desangiz.
Joynamozga bosh urgan onim,
Yigʻlashimga qoʻyib bersangiz.
Amallarim yetarmikan deb,
Yozganlarim bitarmikan deb.
Ibodatim oʻtarmikan deb,
Yigʻlashimga qoʻyib bersangiz.
Olib qoʻymang qoʻldan kitobim,
Roʻmolimni qaytib bersangiz.
Rangingizdan qochadi tobim,
Yigʻlashimga qoʻyib bersangiz!
✍Maftuna Amirzoda
26.01.2025-yil
⏰ 18:39
https://t.me/Maftuna_Amirzoda_ijodi