Адамның тән ағзалары бир-биринен қашан дем алатуғыны ҳаққында сораса баслапты.
      Бас, аяқ, қол, көз булар:
    - Адам уйықлағанда дем аламыз,- депти. Асқазан:
      -Аўқатты сиңирип болғанымда дем аламан,- депти. Солай етип ҳәмме ағзалар жуўап берип болыпты.  Тек,   тек... Жүрек ғана үндемей турған екен.
      - Ҳәй, Жүрек, сен туўылғаннан бери тынбай жумыс ислейсең. Сен өзи қашан дем аласаң? - деп сорапты басқа ағзалар.
        Сонда Жүрек былай деп жуўап берипти:
     - Мен жақсы сөз, жағымлы хабарлар еситсем ғана дем аламан,- депти.

     Солай екен, жүрегимизди дем алдырып, бир-биримизге жағымлы сөзлер айтайық. Жыллы сөйлеп, жақсы хабарлар тарқатайық! Бир-биримизден меҳир-муҳаббатымызды аямайық!
      Қәлбимиз түпкиринде қалып кеткен өкпе-гийне, ашыў, кек, жек көриўшилик сыяқлы жағымсыз жүклерди шығарып таслап, қысқа ғана өмиримизди бахыт пенен қуүанышқа толтырып жасайық, әзизлерим!


✨ 𝐓𝐞𝐥𝐞𝐠𝐫𝐚𝐦 | 🌹🌸MSHBSH TA'RBIYASHILARI KANALI🌸

https://t.me/MSHBSH_tarbiyashilari_kanali