Mirishkorda ayollar uchun hunarmandchilik bo‘yicha master-klass o‘tkazildi

Qashqadaryo viloyati va Mirishkor tumani Savdo-sanoat palatasi tomonidan “Kambag‘allikdan farovonlik sari” dasturi doirasida ayollar uchun navbatdagi tadbir tashkil etildi.

Mirishkor tumanida “Ayollar daftari” ro‘yxatida turgan xotin-qizlar hamda uy bekalar uchun hunarmandchilik bo‘yicha master-klass o‘tkazildi. Ushbu tadbirga tajribali hunarmand Dilnoza Toyirova boshchilik qilib, ishtirokchilarga milliy hunarmandchilik sirlarini o‘rgatdi. Ayollar o‘z mehnati bilan qo‘shimcha daromad topishlari uchun yangi yo‘nalishlar tavsiya qilindi.

Shuningdek, “Yangi Mirishkor” va “Mirishkor” mahallalaridagi tadbirkorlar bilan uchrashuv o‘tkazilib, ularning muammo va takliflari o‘rganildi. Ushbu uchrashuvlar tadbirkorlik faoliyatini qo‘llab-quvvatlash, biznes muhitini yanada yaxshilash va mavjud muammolarga amaliy yechim topish maqsadida tashkil etildi.

Ushbu tashabbuslar Mirishkor tumanida xotin-qizlar va tadbirkorlar uchun yangi imkoniyatlar eshigini ochishi, ularning iqtisodiy faolligini oshirishiga xizmat qilishi kutilmoqda.

😎😎😎😎😎😎😎😎

📌📌📌📌 / @mirishkorpress