Совуқ тушди, бир хотин хуноб,
Ёқолмасдан печка ўлгурни.
Эри тезроқ пул жўнатганда,
Олар эди ўтин, кўмирни.

Боласига беради дашном:
Дарс тайёрла, қандай боласан?
Уйимизда биттаям шам йўқ,
Свет ўчиб қолса, кўрасан.

Иссиқ кийин, шамоллаб қолма,
Телевизорни ҳозироқ ўчир!..”
Телевизорда “гўзал ҳаёт” деб,
Унвон олган шоир шеър ўқир.

Совуқ тушди, бир хотин хуноб,
Ёқолмасдан печка ўлгурни.
Эри тезроқ пул жўнатганда,
Олар эди ўтин, кўмирни.

Баҳодир Ғулом

🌹 @LirikaUz