Laziz Davronov ⏳

Bugun umrimda birinchi marta telegram firibgari bilan yuzlashdim, suhbatlashdim. Juda mohir boʻlarkan. Shunaqa gaplar aytdiki, ishonmaslikni iloji yuq. Eng qizigʻi, oxirigacha davom etdim. Har qanday vaziyatga tayyor. Hech narsadan qoʻrqmaydi. Barchasini shunchalik puxtalik bilan amalga oshiradiki, yordam bergilariz kelib ketadi. Hayolizga firibgar degan tushunchani tushirmaslikka harakat qiladi. Oxiri shunaqa savollar bilan koʻmib tashladim. Aslida uning harakati bunaqa emas, bunaqa boʻlishini aytishim bilan bir zumda havoga g'oyib boʻldi. Hamma narsa bloklandi. Keyingi manzil ...)

Ozgina ziyon koʻrdim ham, vaqt ketdi. Lekin qimmatli tajriba boʻldi. Juda ehtiyot boʻlish kerak.

Shuni aytish kerakki, hech bir onlayn sotuvchisi birinchi boʻlib sizga yozmaydi. Hech biri oʻzining daromadlarini qanchaligini aytmaydi. Boshqa shubhalantiruvchi juda kichik harakatga ham katta e'tibor qaratish kerak.

Zamon qanchalik rivojlansa, odamlarning ongi unga shunchalik moslasha boshlaydi. Oʻzimizga qarab, hamma ham shunday bólsa kerak, degan fikrni shunchaki yoʻq qilish kerak. Juda koʻp turdagi odamlar bor. Aqliy, axloqiy, ruhiy va boshqalar.
Pishiqroq boʻlishlik kerak.

@Laziz_Davronov

Oʻzbekiston soʻz erkinligi reytingi boʻyicha 180 davlat ichidan faxrli 148-o'rinda ekan. Ma'lumot uchun, Oʻzbekiston eng oxirgi darajani mustahkam egallab turibdi. Butan va Sudan orasida joylashgan. E'tiborlisi shuki, Sudan urush girdobidagi davlat hisoblanadi.

@Laziz_Davronov

Oʻzgarishlar uchun vaqt kerak.
Yillar davomida qilib kelgan odatlarimiz qadriyatlarimizga toʻgʻri kelmasligi maʼlum boʻlgach, hamma ham bir yoqadan bosh chiqaravermaydi. Bu tabiiy. Lekin, oʻzgarishi shart boʻlgan narsalar oʻzgartirilishi kerak va barcha tomonidan qabul qilinishi ham. Qabul qilmaganlar yoki qabul qilishni xohlamaganlarga ham vaqt kerak. Agarda ular ham bir millat vakillari ekanligini anglab yetishsa)

Ishonamanki, bir kun kelib oʻzimizga yarashadigan va toʻgʻri kelmaydigan amallarni ham anglaymiz, ham amaliyotga toʻliq tadbiq eta olamiz.

Kimgadir bu fikrlar maʼnosizdek tuyulgan bólsa, vaqt kelib oydinlashadi degan umiddaman.

@Laziz_Davronov

Oʻylaymizki, kelajakda hozirgidan anchayin mazmunli va chiroyli hayot kechiramiz. Va shunga harakat qilamiz. Inshallah erishamiz istaganlarimizga.
Lekin, shunday oʻylar ortidan yurib, hozirimizda boʻlayotgan hodisalarga e'tiborsizlik qilamiz. Esimda bolalik chogʻlarimda qachon katta boʻlarkanman, katta boʻlsam unday bóladi, bunday bóladi deya hayollar surganim. Hozir oʻylab qarasam, eng shirin damlarimdan biri ósha davrning oʻzi boʻlgan ekan. Bugungi kunda har kuni oʻqish, imtihonlar va shunga oʻxshash narsalardan qachon qutularkanman degan hayollar bilan ko'milib, ertaroq men istagan kunlar kelsaydi, deya oʻy suraman. Ammo kelajakdagi oʻzimga qarasam, bugunni qumsayotgan birini koʻrib, boshqacha boʻlib ketaman. Kelajakda ota-onamning oldida har kuni birgalikda choy ichib, shirin suhbatlaridan bahramand boʻlganimni, har kuni dunyo gʻamlarisiz cho'ntak toʻla pul bilan oʻqishga shoshganimni eslab, rosa yigʻlarman balki, xuddi hozirgidek)

Men nima demoqchiman ? Ósha mashhur jumalada aytilganidek: "Oʻtmish tarixda qolgan, kelajak esa mavhum. Bizda faqatgina bugun bor". Har bir lahzadan zavq olishni oʻrgangan kunimizdayoq xotirjamlik degan ulugʻ neʼmatga ega boʻlamiz. Qolgani bir gap boʻlar...

@Laziz_Davronov

Hammaning oʻz hayoti davomida barchaga oʻrnak bo'la oladigan, oʻzidan faxrlana oladigan hikoyasi yoki hikoyalari bóladi. Boʻlishi ham kerak.
Asl ma'no shu emasmi?

Vaqti kelganda hozirgi qiyinchiliklarni qay tarzda magʻlub qilgani, nafsining yoʻlidan yurmay, oʻz yoʻlini mahkam ushlab, qandaydir natijaga erishganini kimgadir "motivatsiya" uchun aytib berish boshqacha hissiyot. Ayniqsa, kelajakda farzandlarimiz bizga faxr va havas tuygʻulari ila boqayotganini tasavvur qilish judayam yoqimli va ajib tuygʻu.

Shunday ekan, hozir kurashish kerak. Bor kuch bilan. Kelajakdagi biz hozirgi bizdan faxrlanishi uchun...


@Laziz_Davronov

#essential

Insonning yozma nutqi uning ichki tabiatini ozmi-koʻpmi tanishlikka imkon beradi. Muallifning oʻziga maʼlum boʻlgan haqiqatlarni tushunishlik uchun, u qanday insonligini chuqurroq bilishlik uchun yozma nutq juda muhim.
Fikrlarni sifatini yaxshilashning bir yoʻli turli manbalardan maʼlumotlar olish bólsa(kitob oʻqish, insonlar bilan suhbatlashish), ikkinchisi yozishlik.

Koʻproq yozish kerak. Miyamizdagi fikrlarni toʻlaqonli bayon qilish qobiliyatini rivojlantirishning bundanda samarali yoʻli boʻlmasa kerak, yana bilmadim.

@Laziz_Davronov

Shunaqa odamlar borki, butun dunyo nohaq ekanligiga ishontira olmaydi, aniqrogʻi oʻzini nohaq ekanligiga yo ishongisi kelmaydi, yo oʻzi ishonmaydi. Ular bilan biror masalada tortishishlik asabni buzishlikdan boshqa hech narsa emas.
Bunaqa xarakter baʼzi hollarda juda katta muvaffaqiyat olib kelishi mumkin. Oʻziga ishonish nuqtai nazaridan.
Ammo, shunchaki miyasiga kelib qolgan, asossiz fikrni ustida mahkam turishlik, yaxshi emas. Ayniqsa, bunga aloqador sohada hech qanday tajribasi yoki bilimi boʻlmasa.
Xulosa shuki, qaysidir sohada yoki masalada yetarli bilim va tajribaga ega boʻlmasak shunchaki jim turishlik ham qadrimizni, ham obroʻyimizni saqlab qoladi.

@Laziz_Davronov

Juda kerakli post. Farosatliroq boʻlishning bir yoʻli)

@Laziz_Davronov

Qachondir, bizga yoqmagan haqiqatlarni toʻgʻri qabul qilishni oʻrganganimizda, oʻzimiz uchun juda koʻp narsalarni qaytadan kashf qilishni boshlaymiz. Bu oʻzlikni anglashning dastlabki qadamlaridan biri boʻlar, balkim!

@Laziz_Davronov

Odatda insonlar narsalarning narxini emas, qadrini bilganlarida koʻproq manfaat topishadi. Har tamonlama. Lekin buni koʻpchilik anglashga qodir boʻlmaydi.

@Laziz_Davronov

#nastalgy

Esiz-esiz bolalikni qoldirib ortda,
Umr o‘tmoqdadir, umr o‘tmoqda.
Qoldirib qoldirmay iz bu hayotda
Umr o‘tmoqdadir daryo misoli.
Har safar to‘rg‘aydan avval uyg‘onib,
Chamanlar yaratish ishqida yonib,
Ko‘cha-guzarlardan ko‘ngul dog‘lanib,
Dilni buzarlardan ko‘ngul dog‘lanib,
Umr o‘tmoqdadir, umr o‘tmoqda.

@Laziz_Davronov

Odamlarga boqib koʻpdan koʻp xulosalar berib tashlaymizu, oʻzimizga kelganda bu borada xasisligimiz tutib qoladi. Oʻzimiz duch kelgan har bir odamni nimasi yaxshi-yu, nimasi yomon, har birini professionallardek kuzatamiz. Agarda shunga oʻxshash "aqllilik"ni oʻzimiz tomon yoʻnaltirsak, "tagimiz" chiqib qolishidan qoʻrqarmiz balki...)

@Laziz_Davronov

Bizning eng katta xatolarimizdan bittasi qulay vaqtni kutish. Ishoning, bu juda katta zaiflik. Shunchaki boshlash kerak, keyiniga bir gap boʻlar.

@Laziz_Davronov

Baʼzi bir amallarimiz endi ochilayotgan "qalb koʻzlarimiz"ni avvalgi holiga tushirib qoʻyayotgandek...

@Laziz_Davronov

Konstitutsiyamizda qayd etilgan erkinliklar bir nuqtada uchrashsalar, bir-biriga juda qarama - qarshi boʻlib qolganday.

Misol uchun, soʻz erkinligi vijdon erkinligi bilan koʻp holatlarda yaxshi chiqisha olmaydi. Kimdir mening so'z erkinligim bor, har narsani gapirishlikka haqqim bor desa, ikkinchi tomon "vijdon erkinligim bu orqali buzilmayaptimi?" deya bosh qashlab qoʻyadi)

@Laziz_Davronov

" Axlat tashlamang, jarimasi 50 000 soʻm" degan yozuvni oldiga axlatlarni uyib tashlashganiga guvoh bo'ldim.
Izohsiz...

@Laziz_Davronov

Yoshligimdan ilmga iqtidori boʻlgan odamlarga juda havas qilaman. Ularga nisbatan hurmatimni tasvirlashga ojizman. Va shuningdek, ularga nisbatan boʻlgan hurmatsizlik meni juda xafa qiladi. Hech narsaga erishmagan, oʻzlarini osmondagi oy, "паняткали" deb biluvchi "aqllilar" davrani toʻriga oʻtirib olib, odamlarni orasida hijolatni yigʻishtirib qoʻyib, baralla ilm ahliga nisbatan mensimasnamo gaplarni gapirayotgani, uni oʻzidan anchayin pastda boʻlgan biri sifatida koʻrayotgani, "farosatlilarcha" maslahat berayotgani meni juda bezovta qiladi. Bunaqalar oramizda kóp. Juda koʻp duch kelyapman shunaqalarga. Ularga bir gapirishlik, bizni ham oʻzlarining botqog'iga tortmoqchi boʻlishadi.Oʻzi insof bermasa, qiyin.

Ilm ahllariga ham bir gapim bor. Sizlarni fikrlashingiz, qiziqishlaringiz va ilmingiz boshqalar tomonida turlicha baholanadi. Oʻz qadringizni biling. Qadrlashmayaptimi, bu joy siz uchun emas. Va bundan zarracha boʻlsada afsuslanmang. Sizni hurmatingizni joyiga qoʻymagan insonlardan hurmat kelishini kutishlik toʻgʻri emas. U hatto 11 yillik sinfdoshingiz, doʻstingiz yoki uzoq yillik tanishingiz boʻlsa ham. Shunchaki tinchgina uzoqlashish kerak xolos.

Bu fikrlar filtrsiz, shunchaki ichimdagi baʼzi bir qolib ketgan soʻzlarimni, meni hayolot olamiga tushirib qoʻymaslik uchun yozdim.

Har bir insonning g'ururi va qadriga ehtiyotkorona munosabatda boʻlishlik, avvalo oʻzimiz uchun manfaatli.

@Laziz_Davronov

Biror inson siz uchun har qanday moddiyatdan ustun ekanligini anglagach, kun oʻtgan sari uning qadri oshib borar ekan. Ha toʻgʻri , uzoq yillar bu hissiyotlardan uzoq yurgandirmiz, lekin vaqti kelgach, har bir soniyasini his qilib turasiz. Har soniyada oʻlim kelishini bilgan holda. Bu insonlar har kim bo'lishi mumkin. Kimlar uchun sevgan yor, kimlar uchun ota-ona...

@Laziz_Davronov

Nimanidir oʻrganayotganda unga borimizni bermas ekanmiz, jarayon biz uchun doim zerikarli va tushunarsiz boʻlib qolaveradi.
Ishoning, eng qiyin deb bilan narsalarimiz asta sekin bizga oʻzining sirlaridan voqif boʻlishimizga imkon yaratib beradi. Jarayon ham kelajakda eslashga arzigulik yoqimli lahzalarni taqdim etishni boshlaydi.


@Laziz_Davronov

Toʻgʻrisini aytganda, men buni shunchaki tasavvur qilib, ichimdagi tuygʻular meni iztirob ummoniga tushirib qoʻymoqda. Asl vaqt kelganda qanday holga kelishimni eslasam etlarim jimirlab ketyapti, oʻzimni qanday qoʻlga olishlikni bilmayapman.

@Laziz_Davronov