Koʻngillar Bekati

Assalomu alaykum!

Hammaga o'tib ketgan bo'lsa ham Ramazon hayiti muborak bo'lsin!

Yaxshi o'tkazib oldilarmi hayitlarni?

Kunlar shunday tez o'tyaptiki his qilishga ulgurmayapmiz hech narsani. Yaqinda Ramazon kelyapti degandik. Bugun mana hayit ham o'tib bo'ldi.

Yashashga ulguryapsizmi?

Latte omili…

Kitob o’ta sodda tilda va badiiy uslubda yozilgan. Har qaysi darajadagi o’quvchi ham o’qib hazm qila oladi.
Kitob sizni moliyaviy barqarorlikka erishishingizning bir necha usullarini tushuntirib, ko’rsatib bergan.
Ulardan
1. Avval o’zingizga to’lashni o’rganing. Ya’ni oyligingizdan ma’lum qismini o’zingiz va kelajagingiz uchun ajratishni o’rganing. Har oylik olganingizda yoki umuman pul ishlab topganingizda undan kichik qismini jamg’arma sifatida to’plash uchun bankka qo’yib qo’ysangiz bo’ladi deb tavsiya qiladi. (Lekin men sizga “Iyman invest”ni tavsiya qilgan bo’lardim. Qalbingiz xotirjamroq bo’ladi)
2. Ortiqcha va keraksiz bo’lgan xarajatlarni kamaytirish. O’sha xarajatlarga ketadigan pulni jamg’armaga yo’naltirish. U bankka (Iyman investga) qo’yish yoki bolalgimizda bo’lganidek bo’rdan yasalgan hayvonchalarni ichiga to’plash ko’rinishida bo’lishi mumkin.
Ortiqcha xarajatlarga misol qilib kunlik latte qahvasini sotib olishni keltiradi muallif. Uni o’rniga o’zingiz uydan qahva tayyorlab olib chiqib ichishingiz mumkinligini va yana ishga borganingizda tushlikni ko’chadan olib emas, uydan tayyorlab o’zingiz bilan olib borib tushlik vaqtida o’sha ovqatni yeyishingiz mumkinligini chiroyli tarzda tushuntirib bergan. Undan ortgan pullarni esa yana jamg’armaga yo’naltirishingiz mumkin.

Moliyaviy barqarorlikka erisha olmasligimizdagi eng katta muammo sifatida biz xarajatlarimizni nazorat qilmasligimiz ekanligi ko’rsatiladi va bu rost. Boyib ketish oylikka ya’ni ko’p pul topishga bog’liq emasligini bizga oyna tutgan holda ko’rsatib beradi. Chunki bizda qancha oylik oshsa unga mutanosib tarzda chiqimlarimiz ham oshib boradi. Kerak, kerak bo’lmagan narsalarni olishni boshlaymiz. Shuning uchun har qachon bizda jamg’arish uchun ortiqcha pul bo’lmaydi.
Agar xarajatlarimizni tartiblasak, pullarni faqat muhim ishlarga sarf qilsak va o’sha ortiqcha xarajatlarning pulini to’plashni boshlasak o’zimiz istagan, orzu qilgan moliyaviy barqarorlikka yetishimiz mumkin bo’ladi, Alloh nasib qilsa bunga erishamiz ham.

Kitobni hammaga o’qishni tavsiya qilaman. Moliyaviy bilimlarni badiiy va sodda tilda olishingiz mumkin. Albatta foydasi bo’ladi bu bilimlarni.

Qani hamma ilmiy kitoblarni shunday sodda, badiiy uslubda yozishsa mazza qilib o'qisangizda zerikib qolmasdan))

P.S. Kitob bizga faqat moddiylikni to’plash orqali moliyaviy barqarorlikka erishish mumkinligini uqtiradi, lekin biz musulmonlarda boshqa yo’llar ham bor. Ulardan biri ehson qilish. Chunki, ehsonning mukofoti faqat ehsondir.

Assalomu alaykum! Hammaga ramazon muborak bo'lsin!

Hechdan ko'ra kech degandek, ramazon bilan tabriklab qo'yay degandim.

O'zim bilan o'zim bo'lib ketdim. Orada nimalardir yozgim keladi, lekin sizlarni vaqtingizni olmasmikin deb yozishdan qaytdim bir necha marta.

Alloh barchani panohida saqlasin va har ikki dunyoda yaxshiliklarni bersin!

Rostdan ham chiqmadi 😁😁

Bari bekor, bari befoyda,
Uning uchun "istedod" kerak.
"U" bo'lmasa mehnating qayda,
Mendan shoir chiqmasa kerak?

Shoirlik bu asli kasb emas,
Dil nolasin yozmoq ayb emas,
Shon - shuhrat-u, unvon shart emas,
Mendan shoir chiqmasa kerak?

Yozganlarim barisi "tuz"siz,
"Bo'lolmaydi" mendayin hissiz,
Yo'qolaman dunyodan izsiz,
Mendan shoir chiqmasa kerak?

Dardlarim bor dilimni bezar,
Hayollarim dunyoni kezar,
Buni esa yuragim sezar:
Mendan shoir chiqmasa kerak?

Sarvar Muhammad

Chirpirakdek aylanar dunyo,
Koʻkda osmon bulut toʻqiydi.
Koʻp nomalar yozdim - u ammo,
Yozganlarim kim ham oʻqiydi?

- Yozaver sen qilma hech parvo,
Shu koʻngilning xumori uchun.
Tuzalmas dard - dardi bedavo,
Bir kun kelib... "boʻlishi mumkin"!

28.06.2016

OMADINGIZNI BERSIN...

Omon yuring doʻstu yor,
Ajratmayman yov, agʻyor,
Sizlarga bir tilak bor
Omadingizni bersin!

Ogʻir dardning choʻlida,
Yoʻqchilikning qoʻlida,
Taqdirning shu yoʻlida,
Omadingizni bersin!

Yoʻliqman hech shumlarga,
Koʻzi toʻlgan qumlarga
Chidang ogʻir kunlarga
Omadingizni bersin!

Qiling Haqqa itoat,
Oʻz vaqtida ibodat,
Alloh qilib marhamat
Omadingizni bersin!

Menda yo'q ayri hislar,
Oq koʻngilu poksizlar,
Sogʻ boʻling barchangizlar
Omadingizni bersin!

Omon yuring doʻstu yor,
Ajratmayman yov, agʻyor,
Yaxshiyamki sizlar bor,
Omadingizni bersin!

...
Omadingizni bersin!
30.12.2016

Yozgan she'rlarimni o'qib o'tiribman 😅😅

Iymon savdosi . . . .

Shayton kelib yonimga,
Menga bir savol berdi:
Pullaysanmi iymoning?
Ko'p narsa vada qildi.

Qo'sha - qo'sha mashina,
Imorat-u qasrlar.
Yana uzoq umr ham,
Yashaysan ko'p asrlar.

Vadalarini qoplab,
Tashlab qo'ydi yonimga.
Mening esa javobim,
Qoldi biroz keyinga.

Menchi o'ylab ko'rayin,
Tutaymikan motamni?
Birga kelgan hamrohdan
Ayrilmoqlik osonmi?

Vadalar-ku juda ko'p,
Iymonimni sotsammi?
Ko'chaga bir qarangchi,
Iymonin sotgan kammi?

Yaxshilab o'ylab ko'rsam,
Bekam-u ko'st yashayman.
Menga qarang odamlar
Men ham sizga o'xshayman.

O'ylab o'yga yetmadim
Men tanladim. Shu yo'lim:
Iymonsiz bu hayotdan,
Afzal iymonli o'lim!

Sarvar Muhammad

Bunisini ham o'sha yillar yozgan bo'lishim kerak.

Vido maktubi...

Men ketaman, boqmagin ortdan,
Va yo yigʻlab siqtama Oʻzni...
Zulmat ichra oʻtgan hayotdan -
Ziyolarga, bur endi yuzni.

Yasha, yayra, oʻyna, kul Sen ham,
Kurash uchun shimarginda yeng...
Meni esa chorlaydi bu dam...
Xudoyimning dargohlari keng!

Oʻzni asra - qoqilma gʻamga,
Chohlar ichra ogoh boʻl har vaqt.
Kelishingni intizor kutar,
Senga hamroh boʻlib yurgan baxt...

Soʻzim - hech ham unutmagin Sen,
Hayot - oʻyin, raqiblaring koʻp...
Hiylalarga aldanmagin Sen,
Sen kuchlisan anglab olgin, xoʻp?...

Yana soʻzim, aytaman takror:
"Men ketaman, boqmagin ortdan,
Va yo yigʻlab, siqtama Oʻzni..."
Qoʻy izlama meni hayotdan...

Qoʻy izlama endi hayotdan...

2017 da yozilgan ekan, hozir umuman bunday ilhomlar kelmay qo'ydi negadir. Balki qalbdan dard ketib qolgan, balki yurak qotib ketdi

Koʻngil notinch, suraverdim xayollarni,
Tugab qoldi yuragimning zoʻr himmati!
Javoblari topilmoqda savollarni -
Bu ham boʻlsa Yaratganning marhamati!

Qular edi qalbimdagi Kaʼbatulloh... -
Shayton solgan qalbimdagi kir fikridan
Menga hikmat nasib etdi Subhanalloh
Kaʼba qurdim, Allohimning pok zikridan!

Yana baxtim bordir mening juda ulkan
Bu ham menga Yaratganning bir himmati
Oxiratda shafoatin soʻraydigan,
Qilib qoʻydi Muhammadning (s.a.v) bir ummati!

Bu dunyoda baxt degani shunday boʻlar -
Alloh suygan bandasiga hikmat berdi!
"Jannat tomon olib borsin bizni yoʻllar,
Jannatingda jamolingni koʻray" - dedim!

4.12.2017
Sarvar ibn Rasul

Tez tez yozib turish uchun blog yurgazishni maqsad qildim. Qo'shilasizlarmi?)

Agar davatlarimiz atrofimizdagilarga ta'sir qilmayotgan bo'lsa xulqimizga bir qarab qo'yaylik, xulqi yomonga ergashaverishmaydi.

Ingiz tili o'qiyman deganlar yo'qmi?

Umr o'tmoqdadir kunlarni sanab
Ko'chada izg'iydi izg'irin hamon
Sen qaydan bilarding dard neligini
Jismi dard ko'rmagan ey joni omon


Nega yozganman bilmadim, 2020 yili yozib qo'ygan ekanman. Kanalda turib turisn

#Ҳикоя

Муҳаллаб ибн Абу Суфра Ҳажжожнинг аскарларига бош эди. У бир куни Мутарриф ибн Абдуллоҳнинг олдидан ипак кийган ҳолда керилиб ўтиб қолди. Мутарриф унга: "Эй Аллоҳнинг бандаси, бу юриш АЛЛОҲ ва Расули ёмон кўрадиган юриш”, деди. Муҳаллаб ғурур билан: “Мени танимайсанми?” – деди. Мутарриф: “Ҳа, танийман. Аввалинг бир томчи ифлос сув, охиринг сассиқ ўлимтикcан. Бу иккисининг орасида эса нажосатни кўтариб юрасан”, деди. Шундан сўнг Муҳаллаб ҳалигидай юришини тарк қилган экан.

(С)

Ingliz tili o'rganishni istaganlar uchun Intermediate darajagacha bo'lgan kursi bor accaunt sotiladi. Qiziqqanlar lichkaga yozing @Omonatchi

Sotish sababi kursdagi darajadan oldinda ekanim, kursni yaxshi surishtirmay sotib olib, qarasam darajasi pastroq ekan. O'qimadim, turibdi, shunga sotyapman. Olgan narximdan arzonroqqa accauntni berib yuboraman, kirib bemalol o'qiyverasiz

Juda ko'pchilik kreditga o'tirib qolgani ajablantiryapti. Nimaga buncha kredit olishadi odamlar, eh