Ustoz va nodon shogird suhbati

Nodon shogird piri komildan so‘rabdi: Ustoz, sport mamlakatni dunyoga tanitarmish, shu to‘g‘rimi?
Ustoz: Qanday qilib?
Shogird: G‘olib bo‘lsa, dunyo ko‘z oldida yurt bayrog‘i ko‘tarilur!
Ustoz: Necha daqiqa ko‘tarilur?
Shogird: Uch daqiqa...
Ustoz: Uch daqiqada seni dunyo tanib qoladimi? Tanib ham qoldi deylik, keyin nima bo‘ladi? Sening yutug‘ingni, bayrog‘ingni umrbod eslab yuradimi?

Nodon shogirdning boshi xam bo‘libdi. Piri komil esa savol berishda davom etibdi: Kuba desa, hammaning ko‘z oldiga boks keladi. Dunyo Kubani boks orqali taniydi. Ammo bundan mamlakatga ne naf? Xalqi zo‘r yashayaptimi? Sarmoya oqib boryaptimi? Dunyoga mashhur Kubaning bugungi ijtimoiy-siyosiy ahvoliga maymunlar yig‘lagudek... Futbol desa, odamlar “O, Braziliya!” devoradi. Ammo dunyoning yarim jinoyatchisi shu o‘lkadan. Sport bilan tanilish bu mamlakatlarga nima foyda keltirgan?

Shogird: Ustoz, siz sportga qarshimisiz?
Ustoz: Aslo! Biroq o‘yinning ilmdan oldinga qo‘yilishiga rozi emasman. Chempion bugun bor, ertaga yo‘q! Ilm esa har doim xalq xizmatida!

Biron narsa deyishga ojizman... «Bilagi zo‘r «Chevrolet Tahoe» olar, bilimi zo‘r – faxriy yorliq!»

@Kitobshunoslik – Sizga eng yaxshisini ilinadi!