MAKTABGA BOR

(Barcha maktab guruhlariga yetkazib qo‘yamiz)

Dilga tashvish solmay desang,
Biror chora olmay desang,
Ko‘p g‘avg‘oga qolmay desang,
Dars qoldirmay maktabga bor!

Boshingga tosh qulamasdan,
"Qirq yetti"ni qo‘llamasdan,
Ota - onang to’lamasdan
Dars qoldirmay maktabga bor!

Ko‘cha - kuyda o‘ynamasdan,
Yolg‘on so‘zni so‘ylamasdan,
Ustozlarni qiynamasdan,
Dars qoldirmay maktabga bor!

Maktab senga molxonamas,
Axir, bejiz pirxonamas,
Repititor bahonamas,
Dars qoldirmay maktabga bor!

Ko‘p gapirmay, tiling tiya,
Maktab bormoq burchim, deya,
Qo‘ymas Milliy gvardiya,
Dars qoldirmay maktabga bor!

O‘z aybingni ochib ketma,
Sirlaringni sochib ketma,
So’nggi soat qochib ketma
Dars qoldirmay maktabga bor!

Har kuningdan bir iz so‘rar,
Davomatdan foiz so‘rar,
Vazir, hokim, rais so‘rar,
Dars qoldirmay maktabga bor!

Senga aytar shuldir so‘zim,
Yorug‘ qilgin mening yuzim,
Aziz o‘g‘lim, jonim qizim,
Dars qoldirmay maktabga bor! 

✍️ O‘lmasbek Samarqandiy.

@KORGAZMALAR_DUNYOSI