O'zbekiston va Yevropa kompaniyalarida ishlashning farqi nimada?

Menga bu savolni ko‘p berishadi. Men esa asosiy farqni professionalizmda deb aytgan bo‘lardim.

Oddiygina fikr-mulohaza (feedback) bildirishga e’tibor qaratsak, O‘zbekistonda xodimlar o‘zaro yoki boshliqlar fikr-mulohaza bildirganda, bu ko‘p hollarda "passiv-agressiv tajovuz" sifatida qabul qilinadi. Masalan:

- "Bu hujjat menga yoqmadi/to‘g‘ri kelmaydi."
- "Bunday ishlay olmaymiz."
- "To‘g‘irla/tuzat/o‘zgartirish kirit."

Ikkinchi farqli holat: korxonada hamma "aqlli," faqat siz ishni tushunmaysiz. Sizga o‘z ishingizni qanday qilish kerakligini o‘rgatishadi. Korxonaga professional mutaxassisni ishga olib, so‘ngra unga ishini qanday bajarishi kerakligini o‘rgatish — bu mantiqsizlik!

Aslida qanday bo‘lishi kerak?

Fikr-mulohaza konstruktiv bo‘lishi kerak. Masalan:
- "Hujjatni ko‘rib chiqdim, ba’zi joylarini o‘zgartirishga qanday qaraysiz?"
- "Ma’lumotni shakllantirishning boshqa yo‘llari haqida nima deb o‘ylaysiz?"
Konstruktiv fikr-mulohaza "passiv-agressiv tajovuz" bilan emas, balki savol berish orqali shakllanadi.

Afsuski, ba’zi xodim va rahbarlarga bu farosat va "common sense"ni hozir ham o‘rgatish kerak. 🙂