✅
🎹 Dadaxon HASAN – “Muhabbatim, faqat sensan armonim”

ARMONIM

Sen gul bo‘lib ochilding-u kulmading,
Ko‘ngil bo‘lib, bir ko‘ngilday to‘lmading,
Aytgil, nega yor ko‘nglini olmading?
Muhabbatim, faqat sensan armonim.

Ko‘z yummasdan o‘tkazganda tunlarni,
Yodga oldim eng baxtiyor kunlarni.
Men qolib, sen baxtli qilding kimlarni?
Muhabbatim, faqat sensan armonim.

Bu dunyoda sabrsizga to‘zim yo‘q,
Ayriliqni ko‘rgani hech ko‘zim yo‘q,
Goh tashnaman, goho jinday jazm yo‘q,
Muhabbatim, faqat sensan armonim.

Bilamanki, meni izlab kelmaysan,
Men borganda qani, kelgin, demaysan,
Gar kelsang ham mening bilan qolmaysan,
Muhabbatim, faqat sensan armonim.

Suvday oqib o‘tib borar hayotim,
Sog‘inganda uchmoqqa yo‘q qanotim,
Hamon o‘zing qalb qo‘shig‘im, bayotim,
Muhabbatim, faqat sensan armonim.

Amirqul PO‘LKAN

Jadid.uz | Telegram | Facebook | Instagram | YouTube