2530. Ассалому алайкум. Ўтган гал ақиллилик қилган бўлсам узр. Унинг устига ўзим имловий ҳатолар билан ёзибман. Сизларга бермоқчи бўлган саволим : Ўқилмай қолган қазо намозларини ўқиганда (ёшлигидаги, болалигидаги) "Фотиҳа"дан кейин албатта зам сура ўқиш керак деб эшитдим. Чунки Аллоҳ ўз карами билан кечирган бўлиши мумкин экан. Шу тўғрими? Аҳир, қазо намозлари инсондан соқит бўлмайди дейишадику.

ЎМИ фатво ҳайъати.
16.05.2017 22:57

Ва алайкум ассалом! Инсон балоғатга етган кунидан бошлаб қолдирган намозини қазосини ўқийди. Бу ҳолда қанча намоз қолдиргани аниқ бўлса, уч ва тўртинчи ракатларига зам сура ўқимайди. Аниқ бўлмаса, зам сура ўқийди. Масалан, бир кишининг бир йилу, беш ой ва бир неча номаълум кунлик намози ўз вақтида адо этилмаган бўлса, ўзига маълум бўлган қисми яъни бир йилу, беш ойини қазосини ўқишда 3-4- ракатларга зам сура ўқимайди. Қолган бир неча номаълум кунини эса тахминий ҳисоблаб, то ўзининг қалбида адоғига етказдим, деган фикр ғолиб бўлгунга қадар кунлик намозларни қазосини ўқишда ҳамма ракатига зам сура ўқийди. Чунки унга номаълум бўлган кун фаразан ўн кун бўлсаю, у эса ўн беш кун бўлса керак, деб ўн беш кун ўқиса ва уларда зам сура ўқимаса, ўн кунлик қазоси тўғри адо бўладию, лекин ортиқча ўқилган беш кунлик намози нафл бўлгани учун 3-4-ракатларига зам сура қилинмагани учун чала бўлиб қолади. Шунинг учун номаълум бўлган кунларни барчасини қазосида барча ракатга зам сура қилиш керак бўлади. фарз намозларнинг 3-4-ракатига зам сура қилишнинг ҳеч қандай зарари йўқ. Шундай қилса, ўша номаълум кунларнинг қазо ўрнига ўтган кунлари ҳам, нафл ўрнига ўтган ортиқча қисмида ўқилгани ҳам тўғри бўлган ҳисобланади. Валлоҳу аълам!

Ⓜ️САВОЛ-ЖАВОБ.

Азиз диндошим албатта НАМОЗНИ қолдирманг❗️❗️❗️

Вақтида ўқинг ❗️❗️❗️

@IslomgaMuhabbat