#ФАРИШТАЛИККA_DAЪВОЙИМ_ЙЎҚ

#Но_73
#МУАЛЛИФ_САИДОРА


Бугун Шўханинг студияси очилиш куни. Зебо чиройли кўйлагини кийди ва салонга бориб бироз макияж қилди... Бу ёғдан Шўха қўнғироқ қилиб қўймаяпти...

-Боряпман дедиму ,мана салондан чиқиб кетяпман!!! мунча шошасан, эндигина тўққиз бўлди.

Студия эшик томонидан тепадан ранг-баранг шарлар тортилган, атрофи гуллар билан безатилганди... Эшик олдида Шўха турарди...
Зебо етиб келиб машинадан тушди.

-Ҳеч бўлмаса кастюм шим кийсанг бўлармиди?

-Йўғэ, нима мен сенга давлат ташкилотини очяпманми? Бу оддий фотостудия, халқ тилида мени расмчи дейилади, индамасам галстук ҳам тақиб қўясан сен қиз

-Ҳа энди бугун оддий кун эмас шунга айтдим-да...
Одил кўринмайди?

-Дарси бор экан, бир пара ўқиб жавоб сўраб келаркан

-Ҳа

Аста-секин одамлар келиши кўпая бошлади...Ҳаммани миллий декорация эътиборини олганди... Шўха расмга олар ,улгурмаса мижозлар ўзларининг қўл телефонларига ҳам расмга олишга тушиб кетишганди.Бироздан сўнг Одил кириб келди. У кастюм шим галстукда эди...

-Ўў Одил келинг...Шўха кутиб олди

-Ана бўларкану кийса....Одилни ишора қилди Зебо

Шўха дарров энсасини қотирди.
Одил тушунди шекилли кийимига бир қараб олдида

-Ҳа буми?, ўқишдан тўғри келяпман, бизда мажбурий форма-ку...

-Барибир яхши турибди...Манавини қара, югуришга чиққандай спорт кийими (спартивка) кийиб олибди...

-Унда югуртирамизда -кулди Одил... Қўявер муҳими студия чиройли... Ҳеч ким бу ерга Шўхага эрга тегаман деб келмайди-ку

Учаласи ҳам бирдан кулишди... Шу пайт эшикдан кириб келаётган Жаҳонгирнинг қораси кўринди.

Зебонинг унга нигоҳи тушиб Шўхага шивирлади:

-Жаҳонгирни ҳам чақирганмидинг?

-Ҳа ...маҳалламдагиларни ҳаммасини айтганман...

Жаҳонгир ичкарига оҳиста қадам ташлаб кириб борарди...


Давоми бор...👇