Bandsan.
Havaslarim kelar baʼzida
Seni mendan koʻproq koʻrar ishxonang.
Qoʻlingda maktubmas, boshogʻriq - hujjat,
Asti tugamadi oʻsha bahonang:
"Ishing koʻoʻoʻp."

Bandsan.
Qabulingda uzun navbatlar,
Kutaverib sabrim ancha kamaydi.
Keyinroq angladim, menimcha, asli
Davlat odamini sevib boʻlmaydi!

Bandsan.
Soatlaring lahzaday bitar,
Imzodan boshqaga boʻshmas qoʻllaring.
Koʻnglim - boʻyinbogʻing kabi boʻgʻilar,
Oq koʻylaging - mening oppoq oʻylarim...

Bandsan. Amrimahol suhbat qurmoqlik,
Majlislar zalidan chiqasan tajang.
Bilsang, tugamas bir shartnomamiz bor
Bitta imzoyingni menga atasang)

...Bandsan.
Qabulingda uzun navbatlar,
Kutaverib sabrim ancha kamaydi.
Keyinroq angladim, menimcha, asli
Davlat odamini sevib boʻlmaydi..!

© Durdona Inomjonova


@Inomjonova_Durdona