Ишқ офтобга ўхшайди. Офтобга ҳадеб тикилаверсангиз ҳеч нимани кўрмай қоласиз...

Фотиҳ Думан

❄️ ❄️ ❄️ ❄️ ❄️ ❄️ ❄️

КЎНГИЛ ЖИМ...

Гуллар ифорида ҳис этсам меҳринг,
Рашкдан сабо тинмай елаверади.
Ишқим достонига жойласам сеҳринг,
Битолмай, кўнгил жим севаверади,
Сени бир бор кўргим келаверади.

Сенсиз туйғуларим паришон ҳиссиз,
Мени юрагингга боғладинг ипсиз,
Қалб эса пичирлар исмингни сўзсиз,
Айтолмай, кўнгил жим севаверади,
Ҳуснинг эй, ёр кўргим келаверади.

Самолардан, ойдан сени изласам,
Замину тоғ, сойдан сени изласам,
Топарман, қай жойдан сени изласам,
Етолмай, кўнгил жим севаверади,
Бўлиб бедор кўргим келаверади.

Орзум осмонига етгум сен билан,
Чорласанг эди бас, кетгум сен билан,
Бу ишқ дунёсида нетгум? Сенсиз ман
Кетолмай, кўнгил жим севаверади,
Нечун бисёр кўргим келаверади.

ЗУҲРАХОН АБДУЛҲАКИМХОН қизи

@HASANvaZUHRA