“Dinamikalik qarsak” enerjayzer
Bu enerjayzerni bajarish uchun barcha ishtirokchilar faol bo‘lishi kerak. Bunda
trener o‘qituvchi tomonidan qarsaklar dinamikli (qattiq yoki sekin) qarsak shakli
ko‘rsatib beriladi va ishtirokchilar shunga monand harakat qilishadi. Trener tomonidan
to‘xta ishorasi qilingan vaqtda qarsakni davom ettirgan ishtirokchilar o‘yinni tark
etadilar. Bu enerjayzer ishtirokchilardan diqqatli va tezkor bo‘lishni talab qiladi.
Muammoni hal qilish. Muammolarni hal qilish murakkab jarayon bo‘lib, yangi
vaziyatdagi talablarini qondirish uchun shaxsdan oldingi tajribalari, bilimlari,
tushunishlari va sezgilarini muvofiqlashtirishni talab qiladi.
Muammolarni hal qilishda “strategiyalar” va “evristika” [evristika yunoncha so‘z
peshtzko – izlayman, topaman, kashf etaman. Maqsad – o‘qituvchining mohirlik bilan
qo‘ygan savollari yordamida hamda o‘quvchilarning tirishqoqligi va mustaqil
fikrlashlari tufayli ularni yangi bilimlarni jadal o‘zlashtirishlariga olib kelish] atamalari
ko‘pincha hal qilish jarayonida qo‘llaniladigan muayyan yondashuv va usullarni
tavsiflash uchun ishlatiladi.
Muammoni hal qilish nima? Bu murakkab jarayon. Bu shaxsdan o‘rgangan
narsalarini tajriba, bilim va tushunish nuqtai nazaridan foydalanishni talab qiladi, bilim
va ko‘nikmalarni notanish turdagi muammolarga javob berish uchun qo‘llash yo‘llarini
topish. Bu muammo (masala) ning berilganidan boshlab yechimga erishish uchun aqliy
sayohatdir.