🖐 Volontyorlik haqida har kim har kun gapirishi mumkin. Ammo uni chin dildan his qilish kerak, volontyor bo'lib hech bo'lmaganda bir kun yashab ko'rish kerak. Ana shunda volontyorlikning haqiqiy lazzat ekanligini anglay olasiz. Kimdir sayohatdan, kimdir taomdan va yana kimdir ma'lum bir harakatdan zavqlanadi. Ammo men ishonamanki, men yetakchiligimdagi GulDU yoshlari Volontyorlikdan lazzatlanadi.

👩‍👩‍👧‍👦 Muborak Ramazon oyidagi loyihalar, bozordagi mehnatkash arava tortuvchilar bilan bo'lgan suhbatlar, har oyda ijtimoiy mehrimizga muxtoj insonlar bilan birga bo'lishimiz, obodonlashtirish xodimlari bilan qarindoshlardek bo'lib ketganimiz... Ehhe, bu volontyorlik bizlarga haqiqiy baxtiyorlik hissini bera oldi. Men qilgan ishlarimiz haqida batafsil yozib, hisobot bermoqchi emasman. Chunki hammasini Odil Hakam ko'rib turibdi. Ammo shuni ayta olamanki, biz volontyor sifatida hech qanday manfaatsiz atrofdagilarga yordam berishga harakat qildik va bundan keyin ham harakat qilamiz. Bizga bir og'iz shirin so'z, tabassum va iliq munosabatning o'zi yetarlidir.

😊 Men hamma-hammangizni haqiqiy bayramimiz bilan tabriklayman. Ishonaman, volontyorlar bu kunni tug'ilgan kunidek kutadi. Chindan ham volontyorlikka qadam - yuragimizda befarq bo'lmaydigan o'zimiz qaytadan tug'ilgan kundek qadrlidir. Ayyoming muborak bo’sin volontyor!

🇺🇿 Universitet volontyorlar markazi mentori Faxriddin Zikriyayev

#UVA_face #GulDU #men_volontyorman

🎖 Bizning ijtimoiy tarmoqlardagi sahifalarimiz:
📝Telegram | 💻Instagram | 📝Facebook