Germaniyaga o‘qish yoki ishlash uchun borishning asosiy talablari

1. Til sertifikati

Germaniyada o‘qish yoki ishlash uchun til bilish talab qilinadi.
• O‘qish uchun: Nemis tili kamida B1-B2 darajasida bo‘lishi lozim. Ba’zi universitetlar C1 darajasini talab qiladi. Agar o‘qish ingliz tilida bo‘lsa, IELTS (kamida 6.0) yoki TOEFL sertifikati kerak.
• Ish uchun: Ko‘pchilik kasblar uchun nemis tili zarur, ayniqsa mijozlar bilan ishlash talab etiladigan sohalarda.

Germaniyada quyidagi til sertifikatlari tan olinadi:
• Nemis tili: TestDaF, DSH, Goethe-Zertifikat, ÖSD, Telc
• Ingliz tili: IELTS, TOEFL

2. Ishchi kontrakt yoki viza

Germaniyada ishlash yoki o‘qish uchun viza talab qilinadi:
• O‘qish uchun – Talabalik vizasi
• Ish uchun – Ishchi vizasi
• Yuqori maoshli ishchilar uchun – Ko‘k karta (Blue Card) olish mumkin

3. Viza faqat Germaniya elchixonasida beriladi

Germaniyaga milliy viza olish faqat Toshkentdagi Germaniya elchixonasi orqali amalga oshiriladi. Boshqa hech kim va hech qaysi tashkilot viza bera olmaydi!

Barcha hujjatlarni rasmiy manbalardan tekshirish va faqat elchixonaning rasmiy ma’lumotlariga tayanish tavsiya etiladi.

📢 Yangiliklardan xabardor bo‘ling!
Bizni kuzatishda davom eting:

🌐 @germaniya_live

📱 Telegram | 📱 Instagram | 📱 YouTube

📱 Manzil | 📱 TikTok