#nazm

Alhazar, kechagi badniyat, tersfe’l
Tantiga aylanar bitta yumalab.
Nega uygonishdan qo'rqadi bu el,
Suyab-suyganlari yotibdi talab.

Botirlar boshida betinim zug'um,
Yo'lovchi yo'lchining yo'lini to'sar.
To'grilar bir chetda yutadi zaqqum,
Beburdning bo'yniga gulchambar osar.

Bir kuni ko'zlari ketsa ochilib,
Kim tinglar kechikkan pushmonlarini?
Hamon do'st yuziga oyog'in qo'yib,
Boshiga ko`tarar dushmanlarini...


© Behzod Fazliddin