Bir yor topsak edik jondan kechgulik,
Eng go'zal, eng oppoq tongdan kechgulik.
To'rtta tomoningni qibla etsa ham,
"Bor-ey" deb shu to'rtta yondan kechgulik.

Arzisa ko'zingda yoshlaringgacha,
Sig'insa ko'ksingda toshlaringgacha.
Ko'zlaring ming nafrat hadya etsa ham,
Sevolsa kiprig-u qoshlaringgacha. 

Kuydirib, kuyib ham kulsa o'zingga,
Titramay titroqlar solsa tizingga.
O'zidan o'zganing vaslin ko'rsatmay,
Ikkita pichoq sanchib ketsa ko'zingga. 
Bir umr ishqida jonni qorgudek,

Zarra hijroni ham yurak yorgudek.
"Kel" desa yetmishta tomiring uzib,
Hayoldan oldin ham o'zing borgudek.
Bir yor topsak edik jondan kechgulik,
"Bor-ey" deb shu to'rtta yondan kechgulik...

https://t.me/joinchat/RWzoXxfwxCo1M2My