Firibgarlikmi yoki ehson

Repititordan qaytayotgandim, yoʻlimda ikkita bola kelayotgan ekan, bittasi oldimga keldi-da mini mikrofon tutqazib: "Assalomu alaykum, Ramazon oyida kam taʼminlangan oilalarga siz qancha ehson qila olasiz?"- dedi.Qoʻlida ancha pul bor edi.Ikkinchisi video olib turdi.Indamay turdim-da keyin , aka shoshyotuvdim, deb ketdim. Ha mayli, deyishdida ular ham joʻnashdi.Xayolimdan ikki xil fikr oʻtdi.Dastlab ularni rostdan ham ehson yigʼuvchilar deb oʻyladim. Hatto ichimdan pul bervorsammikin deb oʻyladim ham. Lekin ikkita narsa bu tahminni rad etardi. Birinchisi ularni hech qayerda uchratmaganman yoki internetda ularning ehson yigʼayotganligini videofaktini umuman koʻrmaganman, ikkinchisi esa uning qoʻlidagi tartib bilan taxlangan pullar edi. Balki xato oʻylagandirman, lekin xulosa oʻrnida shuni aytmoqchimanki, hozirda firibgarliklar ancha koʻpaygan. Muqaddas Ramazon oyida bu oyni oʻrtaga qoʻyib odamlarni aldab pul shiluvchi kazzoblar ham koʻp. Shunday ekan choʻntagingizga ehtiyot boʻling!