Iste’molchining aybisiz elektr energiyasidan foydalanish qoidalarining buzilishidan xabardormisiz?

Quyidagi holatlar texnik xato va kamchiliklar yoki elektr energiyasidan foydalanish qoidalarining iste’molchining aybisiz buzilishi deb hisoblanadi:

🔝 iste’molchilar bilan hisob-kitoblarda noto‘g‘ri tarif guruhi qo‘llanilishi (mayning sohasi bundan mustasno);

🔝 iste’molchiga mansub bo‘lgan tarmoqlardagi texnologik sarflar hamda quvvat koeffitsiyentining (cos φ) iqtisodiy qiymati hisob-kitob qilinmasligi;

🔝 arifmetik va texnik xatoliklar natijasida kam yoki ko‘p hisoblanishi;

🔝 hisoblash tizimiga ta’sir qilmagan holda, ikkilamchi tok zanjirida kirish va chiqish simlar o‘zaro o‘rni almashtirib ulangan holatlar (“berish” / “qabul” rejimi). Quyosh panellari o‘rnatilganligi bundan mustasno;

🔝 hisoblagich yoki o‘lchov transformatorlari navbatdan tashqari yoki davriy qiyoslov ko‘rigidan o‘tkazilganda davlat standartlarida ruxsat etilgan xatolik me’yorlaridan kam yoki ko‘p ko‘rsatkichlarda ishlaganligi aniqlanganda;

🔝 hisoblagich ikkilamchi zanjir simlarining mexanik ta’sirdan uzilishi (tabiiy uzilish) hamda hisoblagich yoki o‘lchov transformatorlarining iste’molchining aybisiz buzilishi;

🔝 hisobga olinadigan elektr energiyasi miqdorini kamaytirish maqsadida dasturga qo‘shimcha kamayuvchi koeffitsiyentlarni kiritish.

Ushbu holatlarda iste’molchiga iste’mol qilingan haqiqiy elektr energiyasi sarfi bo‘yicha Elektr ta’minot korxonasi yoki iste’molchi manfaatiga qayta hisob-kitoblar amalga oshiriladi.

Telegram | Facebook | YouTube | Twitter