MUHAMMAD YUSUF | Муҳаммад Юсуф dan repost
UZR
Biz bahorga oshiq boʼldik, kuzdan uzr,
Xazonlarda qolib ketgan qizdan uzr,
Har ne o'tsa bizdan o'tdi, bizda gunoh,
Tug'ilmagan qo'shiqlarim, sizdan uzr…
______________________________________
Sog'inchlarga singil bo'ldi suyukli yor,
Men merovga na mehr bor, na ko'ngil bor,
Ozroq ilhom, ko'proq sharob qildi xumor…
Tugʼilmagan qo'shiqlarim, sizdan uzr.
______________________________________
Tilimdan bol tomdi boqib olamga goh,
Bir shirin so'z aytolmadim bolamga goh,
Yillab barmoq bosolmadim qalamga goh,
Tugʼilmagan qo'shiqlarim, sizdan uzr.
______________________________________
Yo'lim qarab jayron ko'zi tolib ketgan,
Goh dalada daydi shamol olib ketgan,
Goh andisha ayvonida qolib ketgan,
Tug'ilmagan qo'shiqlarim, sizdan uzr.
______________________________________
Dili borga dildan dardim to'kkanim rost,
So'z boshida bosh egib tiz cho'kkanim rost,
Gohi jonni avaylagan - qo'rqqanim rost,
Tug'ilmagan qo'shiqlarim, sizdan uzr.
______________________________________
O'ksimasin zardob to'la ko'ngilchangiz,
Daryo-daryo ko'z yoshim bor cho'milsangiz,
Men ham mashhur bo'larmidim, tug'ilsangiz,
Tug'ilmagan qo'shiqlarim, sizdan uzr.
______________________________________
Yuragimning tagidasiz yalpizdan pas,
Goh o'ylayman - shundoq qo'lim uzatsam bas!
Yuzingiz bir ko'rmay sira o'lgim kelmas…
Tug'ilmagan qo'shiqlarim, sizdan uzr.
______________________________________
✍ Muhammad Yusuf Sheʼri📚
🎙 Ohunjon Madaliyev ijrosi
🎙 Alisher Qosimov ijrosi
🎙 Qilichbek Madaliyev ijrosi
🎙 Asadbek Ismoilov ijrosi
@Muhammad_Yusuf_Hayoti_va_Ijodi
Biz bahorga oshiq boʼldik, kuzdan uzr,
Xazonlarda qolib ketgan qizdan uzr,
Har ne o'tsa bizdan o'tdi, bizda gunoh,
Tug'ilmagan qo'shiqlarim, sizdan uzr…
______________________________________
Sog'inchlarga singil bo'ldi suyukli yor,
Men merovga na mehr bor, na ko'ngil bor,
Ozroq ilhom, ko'proq sharob qildi xumor…
Tugʼilmagan qo'shiqlarim, sizdan uzr.
______________________________________
Tilimdan bol tomdi boqib olamga goh,
Bir shirin so'z aytolmadim bolamga goh,
Yillab barmoq bosolmadim qalamga goh,
Tugʼilmagan qo'shiqlarim, sizdan uzr.
______________________________________
Yo'lim qarab jayron ko'zi tolib ketgan,
Goh dalada daydi shamol olib ketgan,
Goh andisha ayvonida qolib ketgan,
Tug'ilmagan qo'shiqlarim, sizdan uzr.
______________________________________
Dili borga dildan dardim to'kkanim rost,
So'z boshida bosh egib tiz cho'kkanim rost,
Gohi jonni avaylagan - qo'rqqanim rost,
Tug'ilmagan qo'shiqlarim, sizdan uzr.
______________________________________
O'ksimasin zardob to'la ko'ngilchangiz,
Daryo-daryo ko'z yoshim bor cho'milsangiz,
Men ham mashhur bo'larmidim, tug'ilsangiz,
Tug'ilmagan qo'shiqlarim, sizdan uzr.
______________________________________
Yuragimning tagidasiz yalpizdan pas,
Goh o'ylayman - shundoq qo'lim uzatsam bas!
Yuzingiz bir ko'rmay sira o'lgim kelmas…
Tug'ilmagan qo'shiqlarim, sizdan uzr.
______________________________________
✍ Muhammad Yusuf Sheʼri📚
🎙 Ohunjon Madaliyev ijrosi
🎙 Alisher Qosimov ijrosi
🎙 Qilichbek Madaliyev ijrosi
🎙 Asadbek Ismoilov ijrosi
@Muhammad_Yusuf_Hayoti_va_Ijodi