Dilafruz Qurbonova

✨ Kun tartibida muhim masalalar muhokama qilindi:

🌷 stipendiya sohibalari uchun alohida klub tashkil etish, ularning ichidan liderlarni saylash va jamoaviy ishlash ko‘nikmalarini shakllantirish;
🌷 iqtidorli qizlarimizning ilmiy-ijodiy faoliyatini chuqur o‘rganish va rag‘batlantirish;
🌷 yangi loyihalar, innovatsion g‘oyalar va tashabbuslarni amalga oshirish;
🌷 kelgusidagi nomzodlarni tanlash va tayyorlash jarayonini takomillashtirish;
🌷 stipendiya sohibalarini yirik davlat va nufuzli xalqaro stipendiyalarga tayyorlash bo‘yicha aniq yo‘l xaritalarini ishlab chiqish.

🔆 Bu uchrashuv shunchaki muloqot emas. Bu yosh liderlarimizning yo‘lini yorituvchi, ularga ishonch bag‘ishlovchi, kelajak sari dadil qadam qo‘yishga undovchi platforma bo‘ldi.

🔆 Shamsiro‘y Hasanova stipendiyasi sohibalari orasidan ertangi kun yetakchilari, ilm ahli, jamiyat taraqqiyotiga munosib hissa qo‘shadigan ijodkor va izlanuvchan ayollar yetishib chiqishiga chuqur ishonch bildirildi.

❤ Ilm yo‘lida birga!
Ijod sari – dadil qadam!

📱 Facebook 📱 Telegram

✅ Bugun – 7 aprel. Ilm va ijod yo‘lida yana bir muhim qadam.

✨ Kamoliddin Behzod nomidagi Milliy rassomlik va dizayn institutida Shamsiro‘y Xasanova nomidagi institut stipendiyasi sohibalari bilan ilm va istiqbol sari yo‘naltirilgan ochiq muloqot bo‘lib o‘tdi.

✔ Uchrashuvda Ilmiy ishlar va innovatsiyalar bo‘yicha prorektor Dilafro‘z Qurbonova hamda Iqtidorli talabalarning ilmiy tadqiqot faoliyatini tashkil etish bo‘lim boshlig‘i Sabina Qayimova ishtirok etdi.

💕 Muloqot samimiy ruhda, o‘zaro hurmat va fikr almashuv asosida o‘tdi.

📱 Facebook 📱 Telegram

😉😊😁😊😁😁

✅ Bugun institutimizning iste’dodli, faol va bilimli talabalarining mehnati va sayyi-harakatlarini yana bir bor taqdirlash imkoniyatiga ega bo‘ldik!

✅ O‘zbekiston Respublikasi Prezidenti davlat stipendiyasi sovrindori Mamadiyorov Farrux Abduxamid o‘g‘li, Islom Karimov nomidagi davlat stipendiyasi sovrindori Ergasheva Shaxista Abduragim qizi hamda Navoiy nomidagi davlat stipendiyasi sovrindori Uroqbayeva Maftuna Almas qiziga stipendiyalar guvohnomalarini taqdim etish — bu nafaqat ularning ilmiy va innovatsion sohadagi erishgan yutuqlarini, balki butun oliygohimizdagi izlanish va yangiliklarga bo‘lgan sadoqatini ham e’tirof etishning amaliy ko‘rinishidir.

✅ Bu yutuq talabalarimizning mehnati, bilimga bo‘lgan chanqoqi va yangiliklarga intilishlaring samarasidir. Talabalarining mazkur yutuqlari oliygohimizning ilmiy salohiyatini yanada mustahkamlab, yangi avlod uchun ilhom manbai bo‘ladi.

💐 Yuqori ilmiy salohiyatga ega, o‘zining g‘oyalariga sodiq bo‘lgan, jamiyatga foyda keltirishni maqsad qilgan yoshlarning yuksalishi bizning umumiy maqsadimizdir. Talabalarga bu yo‘lda yanada ko‘plab yutuqlar va ulkan muvaffaqiyatlar tilayman. Tabriklayman va sizlarga kelajakda yanada katta muvaffaqiyatlar tilayman!

Dilafro‘z QURBONOVA
Kamoliddin Behzod nomidagi Milliy rassomlik va dizayn institutining Ilmiy ishlar va innovatsiyalar bo‘yicha prorektori, tarix fanlari doktori

📱 Facebook 📱 Telegram

🔠🔠🔠🔠🔠🔠

Muhtaram ijod ahli, nafosat va go‘zallik shaydolari!

⚡️ Xabaringiz bor, san’at va ilm-fan sohasida o‘zaro hamkorlikni mustahkamlash, yangi ilmiy yondashuvlar va g‘oyalar asosida birgalikda ishlash, milliy san’atimizni yanada yuksaltirishga qaratilgan muhim tashabbuslarni ilgari surish maqsadida Kamoliddin Behzod nomidagi Milliy rassomlik va dizayn institutida yetuk soha mutaxassislari va ustoz ijodkorlar iahtirokida davra suhbatlari va ilmiy konferensiyalarni muntazam o‘tkazib kelmoqdamiz.

⚡️ Shu maqsadda siz azizlarni O‘zbekiston Badiiy akademiyasi akademigi, O‘zbekistonda xizmat ko‘rsatgan san’at arbobi, professor Ilhom Jabborov ijodiy faoliyatiga bag‘ishlangan “An’anaviy realistik haykaltaroshlik uslubiga xos xususiyatlar” mavzusidagi ilmiy-amaliy konferensiyamizga lutfan taklif etamiz!

✅ Konferensiya — joriy yilning 16-aprel kuni soat 11:00 da institut Bosh o‘quv binosi Anjumanlar zalida bo‘lib o‘tadi.

⚡️ Ushbu konferensiya, haykaltaroshlik san’ati tarixiga oid chuqur ilmiy tahlillarni taqdim etish, zamonaviy san’at asarlarini yaratish usullarini ko‘rib chiqish va yurtimizda haykaltaroshlik san’atining rivojlanishiga oid yangi qarashlarni ishlab chiqish maqsadida o‘tkazilmoqda.

⚡️ Konferensiyada ilm-fan, san’at va madaniyat sohasida faoliyat olib borayotgan mutaxassislar, tadqiqotchilar, yosh olimlar va san’at ixlosmandlarini ilmiy maqolalari bilan faol ishtirok etishga taklif etamiz!

⏱ Maqolalar – joriy yilning 14-aprel kuniga qadar @MMMAio telegram manzilida qabul qilinadi.

🔵 Sizning ishtirokingiz va ilmiy mulohazalaringiz ustoz Ilhom Jabborov ijodiy merosini yanada teranroq idrok etish va kelajak avlodga yetkazishda muhim qadam bo‘ladi!

✈️ Institut manzili: Mirobod tumani, Mironshoh ko‘chasi, 123-uy

📱 Facebook 📱 Telegram

📢 YANGILIK!

Kamoliddin Behzod nomidagi Milliy rassomlik va dizayn institutida "Art and Design Social Science" mahalliy OAK jurnali elektron variantda nashr etildi!

➡️ Jurnal bilan quyidagi havola orqali tanishishingiz mumkin:

🔗 Ko‘rish

📩 Murojaat uchun: @Aynoza_VA

📱 Facebook 📱 Telegram

Bugun 28-mart kuni O‘zbekiston xalq rassomi, O‘zbekiston Badiiy akademiyasi akademigi, professor  Fayzulla Ahmadaliyev ijodiga bag‘ishlangan Ilmiy-amaliy konfrensiya yuksak ilmiy va ijodiy muhitda bo'lib o'tdi. Konfrensiya muhim tahlillar va mulohazalar bilan boyidi. Ilmiy-amaliy konfrensiyani Institutning Ilmiy ishlar va innovatsiyalar bo’yicha prorektor D.Qurbonova,  O‘zbekiston xalq rassomi, O‘zbekiston Badiiy akademiyasi akademigi, professor Sobirjon Rahmetov hamda Dastgohli rangtasvir kafedrasi mudiri, dotsent Eshmamat Xaitov o‘zlarining tabrik so‘zlari bilan ochib berishdi. Ular Fayzulla  Ahmadaliyev ijodining san’at olamidagi ahamiyati haqida fikr bildirdilar.
Davra suhbatida institutdagi O‘zbekiston Badiiy akademiyasi akademiklari,professor ustozlar mehmon sifatida tashrif buyurishdi.