Buxoro viloyati Ekologiya boshqarmasi

Buxoro viloyatida qattiq maishiy chiqindilar boʻyicha koʻrsatilgan xizmatlari uchun bir kishiga necha soʻm etib belgilangan?

🔹 Jismoniy shaxslar uchun har bir oila aʼzosiga oyiga shaharlarda 5 000 (besh ming) so’m, tumanlarda 4 000 (toʻrt ming) soʻm;
🔹 Yuridik shaxslar uchun 1 metr kub uchun shaharlarida 83 000 (sakson uch ming) soʻm, tumanlarida 71 000 ( yetmish bir ming) so’m (QQS siz) belgilangan.

Buxoro viloyati Ekologiya boshqarmasi matbuot xizmati

Kompensatsiya toʻlovini kimlar toʻlaydi

Ifloslantiruvchi moddalar tashlamalarini atrof tabiiy muhitga chiqarib tashlovchi, oqova suvlarni oqizuvchi va chiqindilarni joylashtiruvchi yuridik shaxslar hamda yuridik shaxs boʻlmasdan tadbirkorlik faoliyati bilan shugʻullanuvchi, shaharlar va boshqa aholi punktlari kommunal kanalizatsiya tarmoqlariga ifloslantiruvchi moddalarni normativdan ortiqcha oqizuvchi jismoniy shaxslar kompensatsiya toʻlovchi subʼektlar hisoblanadi.

Buxoro viloyati Ekologiya boshqarmasi matbuot xizmati

Atmosfera havosini muhofaza qilish talablariga rioya qilmagan 17 nafar fuqaro jarimaga tortildi

Atmosfera havosini muhofaza qilish talablarini buzilishini oldini olish maqsadida Buxoro viloyat Ekologiya, atrof-muhitni muhofaza qilish va iqlim o’zgarishi boshqarmasi tomonidan doimiy ravishda nazorat reyd tadbirlari olib borilmoqda

Inspektorlar tomonidan olib borilgan nazorat reyd tadbirlari davomida, viloyatning tuman, shahar hududlarida 2-16 dekabr kunlari Atmosfera havosini muhofaza qilish talablariga rioya qilmagan 17 ta holat aniqlandi.

Aniqlangan holatlar yuzasidan huquqbuzarlarning barchasiga O'zbekiston Respublikasi MJTkning 88-moddasiga asosan ma'muriy bayonnoma rasmiylashtirilib, 9 937 500 so'm jarima qo'llanildi.

Ma’lumot uchun: Аtmosfera havosini muhofaza qilish talablariga rioya qilmaslik, qurilish ishlarini va boshqa ishlarni bajarish chogʻida yonilgʻi moddalarni va qurilish materiallarini bir joyga toʻplashda, ushbu moddalar va materiallarni, shuningdek yoqilgʻi hisoblanmaydigan materiallarni yoqishda atmosfera havosini muhofaza qilish talablariga rioya etmaslik, maxsus texnik qurilmalarni qoʻllamasdan bitumni eritish — Oʻzbekiston Respublikasi Maʼmuriy javobgarlik toʻgʻrisidagi kodeksning 88-modda 1-qismi bilan fuqarolarga bazaviy hisoblash miqdorining uchdan bir qismidan bir baravarigacha, mansabdor shaxslarga esa — bir baravaridan uch baravarigacha miqdorda jarima solishga sabab boʻladi.

Ushbu huquqbuzarlik maʼmuriy jazo chorasi qoʻllanilganidan keyin bir yil davomida takror sodir etilsa, fuqarolarga bazaviy hisoblash miqdorining bir baravaridan uch baravarigacha, mansabdor shaxslarga esa — uch baravaridan yetti baravarigacha miqdorda jarima solishga sabab boʻladi.

Buxoro viloyati Ekologiya boshqarmasi matbuot xizmati

Reyd tadbirlari davom etmoqda..

🌳Buxoro viloyat Ekologiya, atrof-muhitni muhofaza qilish va iqlim o’zgarishi boshqarmasi tomonidan Atrof-muhit va bioxilmaxillikni asrash, saksovul, cherkez, qandim hamda yulg’un o’simliklarini kesilishini oldini olish maqsadida doimiy ravishda nazorat reyd tadbirlari olib borilmoqda…

👮‍♀️Joriy yilning 14-dekabr kuni viloyat Ekologiya boshqarmasi tezkor guruh xodimlari hamda Jondor tuman bo’limi xodimlari tomonidan tumanning cho’l hududlarida nazorat reyd tadbirlari o’tkazildi.

➡️Reyd tadbiri davomida Jondor tumani yashovchi fuqaro T.G. cho’l hududidan saksovul o’simligini olib kelayotganida inspektorlar tomonidan reyd tadbiri davomida aniqlandi.

📝Holat yuzasidan huquqbuzar fuqaroga nisbatan Oʻzbekiston Respublikasi MJtKning 79-moddasi 1-qismi bilan maʼmuriy bayonnoma rasmiylashtirilib, 9 375 000 so’m jarima hamda tabiatga yetkazilgan zarar 2 362 500 so’m hisoblandi.

📌Malumot uchun: Saksovulzorlar barpo etish orqali ko‘chma qumlar mustahkamlanadi, cho‘llanish jarayoni sekinlashadi, uning ta’sirida yer ustki qismida shamolning tezligi kamayadi, chang to‘zonlari bo‘lib havoga tuz va qum zarrachalarini ko‘tarilishi to‘xtaydi. 7 yoshli saksovulzorda shamol tezligi butunlay to‘xtaydi. Bir tup saksovul o‘simligi to‘rt tonna ko‘chuvchi qumni tuxtata oladi. 1 gektar saksovulzor yil davomida 1135 kg karbonat angidrid gazini yutib 835 kg kislorod ajratadi. Bu esa havo tarkibini yaxshilaydi, atrof muhitni ifloslanishiga chek qo‘yiladi.

Buxoro viloyati Ekologiya boshqarmasi matbuot xizmati

MEVALI DARAXTLARNI QISHDA BUTASHNING AHAMIYATI

Qishda mevali daraxtlarni butash ularning sog‘lom o‘sishi va yuqori hosil berishi uchun juda muhim. Kuz faslida daraxtning asosiy quvvati tanasi va ildizlarida to‘planadi.

Agar daraxt qishki “uyqu” davrida ortiqcha shoxlardan xalos qilinsa, saqlangan quvvat bahorda yangi, kuchli shoxlarning rivojlanishiga sarflanadi.

Shunga qaramasdan, tik o‘suvchi bu shoxlar quyosh nurini to‘sib, boshqa shoxlarning o‘sishiga xalaqit qilishi mumkin. Shu sababli, ularni ham keyinchalik kesish talab etiladi.

Muhim tavsiyalar:
• Butashni kech qish faslida boshlash maqsadga muvofiq, chunki qishning sovuq davrida yangi kesilgan shoxlar sovuqdan zarar ko‘rishi mumkin.
• Ishni birinchi navbatda olma daraxtlaridan boshlash, so‘ngra gilos, shaftoli va olxo‘ri daraxtlarini butash kerak.

👉 Mevali daraxtlaringizni qishki butash orqali sog‘lom va samarali saqlang!