Buxoro viloyati Ekologiya boshqarmasi

Siz ekologiyaga oid qonunlarni bilasizmi?"ko‘rik-tanlovining viloyat bosqichi o'tkazildi

Avval xabar berganimizdek, respublikamiz bo'ylab "Siz ekologiyaga oid qonunlarni bilasizmi?" respublika ko‘rik-tanlovini  bo‘lib o‘tmoqda.

Buxoro shahrida joylashgan  Yoshlar markazida “Siz ekologiyaga oid qonunlarni bilasizmi?” respublika ko‘rik-tanlovining viloyat bosqichi bo‘lib o‘tdi.

Unda tuman va shahar bosqichlarida g'olib bo'lgan 13 ta jamoalar ishtirok etib, ekologiya sohasi bo‘yicha bilimlarini sinovdan o‘tkazishdi.

Tadbirda Buxoro viloyati Ekologiya, atrof-muhitni muhofaza qilish va iqlim o'zgarishi boshqarmasi vakillari ham hakamlik qilib, ishtirokchilarning bilimlarini xolisona baholandi.

📊Natijalar:

🥇1-o‘rin –Buxoro shahar Prezident maktabi

🥈2-o‘rin –G’ijduvon tumani 24-umumta'lim maktabi

🥉3-o‘rin –Buxoro shahar 17-umumta'lim maktabi


🏆G‘oliblar Buxoro viloyati Ekologiya, atrof-muhitni muhofaza qilish va iqlim o'zgarishi boshqarmasi boshlig'ining diplom va esdalik sovg'alari bilan taqdirlanishdi.

Buxoro viloyati Ekologiya boshqarmasi matbuot xizmati

Rasmiy munosabat

Ijtimoiy tarmoqlarda Buxoro shahar Ibrohim Moʻminov koʻchasi 37 uy oldida daraxtlarning betonlanganligi yuzasidan murojaat tarqaldi.

Ushbu murojaat Buxoro viloyati Ekologiya boshqarmasi xodimlari tomonidan oʻrganildi.

Obodonlashtirish boshqarmasi ishchi xodimlari tomonidan daraxt beton qoplamalaridan ozod etildi.

Buxoro viloyati Ekologiya boshqarmasi matbuot xizmati

Davlat ekologik ekspertizasi markazi DM Buxoro viloyati filiali xodimlari, Jondor” tumanidagi “Nurafshon” mahalla fuqarolar yigini raisi boshchiligida faollar va jamoatchilik vakillari, Buxoro viloyat Ekologiya boshqarmasi xodimlari, “Shodmonbek Umedjon Sanjar” MCHJ vakillari hamda aholi ishtirokida jamoatchilik eshituvi tashkillashtirildi.

Buxoro viloyati, “Jondor” tumani “Nurafshon” MFY hududida “Shodmonbek Umedjon Sanjar” MCHJ tomonidan qurilayotgan “Un tortish korxonasi” binosi uchun ishlab chiqilgan atrof-muhitga ta’siri to‘g‘risidagi ariza loyihasi ko‘rib chiqildi.

Shuningdek, jamoatchilik eshituvi qatnashchilari "Shodmonbek Umedjon Sanjar" MCHJ ning hozirgi kundagi qurilish ishlari bilan yaqindan tanishtirildi va aholi uchun qulaylik yaratish maqsadida qurilayotganligi aytib o'tildi. Ushbu loyiha jamoatchilik nazorati bilan birgalikda amalga oshirilishi aholi vakillari bilan kelishib olindi va shu hududda istiqomat qiluvchi 15 – 20 ga yaqin aholini ish bilan taminlashi kelishib olindi.

“Yashil Makon” Loyihasi Doirasida Davlat O‘rmon Xo‘jaligi Faoliyati o‘rganilmoqda

Viloyat Ekologiya, atrof-muhitni muhofaza qilish va iqlim o‘zgarishi boshqarmasi boshlig‘i Jamol Nosirov, viloyat prokurorining o‘rinbosari Jamshid Ahmedov hamda tegishli mas’ullar hududlarda “Yashil Makon” loyihasi doirasidagi ishlarni o‘rganmoqda.

Bugungi manzil G‘ijduvon va Vobkent tumanida joylashgan Davlat O‘rmon Xo‘jaligi bo‘lib, ular ushbu xo‘jalik faoliyati bilan yaqindan tanishdilar.

O‘rmon xo‘jaligi xodimlari bilan muloqot davomida daraxt ko‘chatlarini yetishtirishda viloyat iqlim sharoitiga mos bo‘lgan chidamli o‘simlik turlarini tanlab ko‘paytirish bo‘yicha takliflar muhokama qilindi.

Ma’lumot uchun: Joriy yil bahor mavsumida “Yashil Makon” umummilliy loyihasi doirasida viloyatdagi tashkilot va korxonalarga tegishli tartibda ko‘chat yetkazib berish maqsadida 1 million 300 ming tup daraxt hamda buta ko‘chatlari Davlat O‘rmon Xo‘jaligi tomonidan yetishtirilmoqda.

Buxoro viloyati Ekologiya boshqarmasi matbuot xizmati

Buxoro viloyat Kogon tuman Tutqunda MFY xududida Yakka tartibdagi uy-joy (kottedjlar) xamda sport kompleksi faoliyatining atrof- muhitga ta’sir ko‘rsatish to‘g‘risidagi ariza loyihasiga jamoatchilik eshituvi o‘tkazildi.

 Ushbu eshituvda “Davlat ekologik ekspertizasi markazi” DM Buxoro viloyati filiali mutaxassis xodimlari, loyiha tashkiloti, tuman inspeksiya raxbari qo‘shni hudud vakillari ishtirok etishdi.

 Eshituv jarayonida qurilish ishlari olib borilayotgan hududdagi barcha daraxtlar sanoqdan o‘tkazilib, shikast yetkazmaslik hamda davlat ekologik ekspertizasi xulosasida beriladigan barcha talablarga amal qilish yuzasidan ko‘rsatmalar berib o‘tildi hamda jamoatchilik fikri inobatga olinib,   qo‘shni hudud korxonalardan rozilik olish sharti bilan loyiha kelishivu maʼqullandi.

Buxoro viloyati Ekologiya boshqarmasi matbuot xizmati

Buxoro viloyatida “Yashil makon” loyihasi doirasidagi ishlar o‘rganilmoqda

Avval xabar berganimizdek, viloyat hududi bo‘ylab Buxoro viloyati Ekologiya boshqarmasi boshlig‘i Jamol Nosirov hamda Buxoro viloyati prokurorining o‘rinbosari Jamshid Ahmedov tuman va shahar hududlarida “Yashil makon” umummilliy loyihasi doirasidagi ishlar holatini o‘rganmoqda.

Bugun rahbarlar Romitan tumanidagi A-380 avtomobil yo‘li bo‘ylab ekilgan tut va qayrag‘och daraxt ko‘chatlarining holatini ko‘zdan kechirdi. Ularning rivojlanishi, parvarishi va sug‘orilish tizimi tahlil qilinib, mavjud muammolarni bartaraf etish bo‘yicha tegishli tavsiyalar berildi.

Shundan so‘ng, rahbarlar Romitan tumanidagi 11-sonli ixtisoslashtirilgan maktab-internatiga tashrif buyurib, uning faoliyati bilan tanishdilar. Maktab-internat mutaxassislari bilan uchrashuv o‘tkazilib, kelajakda amalga oshirilishi rejalashtirilgan ishlar muhokama qilindi.

Bundan tashqari, ta’lim muassasasida o‘quvchi-yoshlar ishtirokida ekologiyaga bag‘ishlangan ijodiy tadbir tashkil etildi. Unda tabiatni asrash, atrof-muhit muhofazasining ahamiyati va yashil hududlarni kengaytirish masalalari muhokama qilindi.

Shuningdek, “Yashil makon” loyihasi doirasida maktab hududida amalga oshirilayotgan va rejalashtirilgan ko‘kalamzorlashtirish ishlari o‘rganildi. Maktabda ekologiya yo‘nalishida tashkil etilgan kutubxona faoliyati tahlil qilinib, o‘quvchilarning tabiatga bo‘lgan mehrini oshirish maqsadida yangi adabiyotlar bilan boyitish bo‘yicha takliflar bildirildi.

Buxoro viloyati Ekologiya boshqarmasi matbuot xizmati

Bugun, Buxoro viloyati Ekologiya boshqarmasi boshlig‘i Jamol Nosirov hamda Buxoro viloyati prokurorining o‘rinbosari Jamshid Ahmedov Qorovulbozor tumanida “Yashil makon” umummilliy loyihasi doirasida amalga oshirilgan va rejalashtirilayotgan ishlar ahvolini o‘rgandi.

O’rganish davomida rahbarlar Qorovulbozor tumanida joylashgan Ixtisoslashtirilgan Jayron pitomnigida ham bo‘lishdi. Pitomnikdagi mavjud muammolar o‘rganilib, mutaxassislarning taklif va muammolari tinglandi hamda ularni bartaraf etish bo‘yicha mas’ullarga tegishli ko‘rsatmalar berildi. Shuningdek, pitomnik faoliyatini yanada rivojlantirish, tabiiy muhitni yaxshilash bo‘yicha qo‘shimcha choralar belgilandi.

Rahbarlar tuman hududida amalga oshirilayotgan ekologik loyihalar, xususan, ko‘kalamzorlashtirish ishlari bilan ham tanishib, ularning samaradorligini oshirish yuzasidan tavsiyalar berdilar. Shuningdek, hududda yashil maydonlarni kengaytirish, daraxt ekish ishlarini jadallashtirish va ekologik barqarorlikni ta’minlash bo‘yicha istiqbolli rejalar muhokama qilindi.

Hududlarda o‘rganish ishlari davom etmoqda....

Buxoro viloyati Ekologiya boshqarmasi matbuot xizmati