Buvayda tuman hokimligi| rasmiy kanali

Xuvayda momo – O‘zbekistonning faxri, umr yo‘li 130 yilga teng tarix!

Farg‘ona viloyati Buvayda tumani Qoraqum MFY da istiqomat qiluvchi Xuvayda momo Umarova o‘zining 130 yoshini qarshi oldi. Bu nafaqat Buvayda tumani, balki butun mamlakatimiz uchun katta faxr va tarixiy voqeadir.

1895-yil 1-yanvarda tavallud topgan Xuvayda momo umrining har bir lahzasida sabr, qanoat va mehnat bilan yashagan. Momoning 7 nafar farzandi bo‘lib, hozirda 5 nafari hayot. Uning avlodlari naqadar katta ekanini raqamlar yaqqol ko‘rsatib turibdi: 32 nafar nevaralar, 87 nafar chevaralar, 118 nafar evaralar va 5 nafar begonalari bor. Eng katta nevarasi Jumaqo‘zi bobo esa 69 yoshda.

Bugungi tarixiy sanada Buvayda tumani hokimi o‘rinbosari G‘. Mamajonov va tuman IIB boshlig‘i o‘rinbosari A. Umurzoqov Xuvayda momo xonadoniga tashrif buyurib, uni samimiy qutlab, yuksak hurmat bajo keltirdilar.

Xuvayda momo – sabr, mehr, mehnatsevarlik timsoli. U keksalik gashtini farzandlari, nevaralari va chevaralari qurshovida surmoqda. Ushbu xonadon nafaqat bir oilaning, balki butun jamiyatning qadriyatlarini o‘zida mujassam etgan go‘shadir.

Buvayda tuman hokimligi
Axborot xizmati⤵️
https://t.me/+KAbEvOZiupA5N2Yy

Yangi Oʻzbekiston armiyasi – mamlakat tayanchi, xalqimiz faxri

Yangi O‘zbekiston armiyasi – tinchlik va osoyishtalikning mustahkam qalqoni, xalqimizning faxri va g‘ururi hisoblanadi. Mustaqillik yillarida amalga oshirilgan keng ko‘lamli harbiy islohotlar natijasida Qurolli Kuchlarimiz bugun kuchli, zamonaviy va intellektual salohiyatga ega tuzilmaga aylandi.

Bugungi kunda O‘zbekiston armiyasi nafaqat mamlakatimiz sarhadlarini ishonchli himoya qilmoqda, balki xalqimiz tinchligi va farovonligini ta’minlashda katta hissa qo‘shmoqda. Harbiy xizmatchilar – jasorat, matonat va fidoyilik timsolidir. Ularning har bir qadamida Vatanga sadoqat, har bir qarashida xalqiga bo‘lgan cheksiz muhabbat mujassam.

Davlatimiz rahbari boshchiligida harbiy sohaga katta e’tibor qaratilib, armiya tizimi zamonaviy texnologiyalar, ilg‘or bilim va malakali mutaxassislar bilan boyitilmoqda. Yosh avlod harbiy vatanparvarlik ruhida tarbiyalanib, mamlakat himoyachilari safini munosib davom ettirmoqda.
Yangi O‘zbekiston armiyasi – bu faqat harbiy qudrat emas, balki inson qadri, xalq va armiya o‘rtasidagi ishonchli ko‘prik, kelajak avlod uchun mustahkam tayanchdir.
Har birimiz Yangi O‘zbekiston armiyasining jasoratiga, kuch-qudratiga ishonamiz va faxrlanamiz! Chunki bu armiya – mamlakatimiz mustaqilligi, tinch va barqaror hayotining mustahkam poydevoridir.

“Yangi O‘zbekiston armiyasi – xalq ishonchi, Vatan g‘ururi, kelajak avlod jasorati!”

Buvayda tuman hokimligi
Axborot xizmati⤵️
https://t.me/+KAbEvOZiupA5N2Yy

Шавкат Мирзиёев ўзбекистонликларни янги йил билан табриклади

“Муҳтарам ватандошлар, сиз азизларни, кўп миллатли Ўзбекистон халқини янги 2025 йил билан чин қалбимдан муборакбод этаман.

Жаҳондаги мураккаб вазиятга қарамасдан, ўтаётган йил мамлакатимиз учун қутли ва баракали бўлди. Бунинг учун ҳар қанча шукрона айтсак арзийди” - деди президент.

Бувайда туман ҳокимлиги
Ахборот хизмати⤵️
https://t.me/+KAbEvOZiupA5N2Yy

Yangi yil – bu butun dunyo bolalari uchun mo‘jizalar va orzularning ushalish davridir.

Ularning tinch hayot haqidagi orzulari amalga oshsin!

Buvayda tuman hokimligi
Axborot xizmati⤵️
https://t.me/+KAbEvOZiupA5N2Yy

Бувайда тумани ҳокими Беҳзоджон Ибрагимов реанимация бўлимидаги беморларни Янги йил билан табриклади

Бугун, 31-декабр куни Бувайда тумани ҳокими Беҳзоджон Ибрагимов туман тиббиёт бирлашмасининг реанимация бўлимига ташриф буюриб, даволанаётган беморлар ва уларнинг яқинларини Янги йил байрами билан табриклади.

Ташриф давомида ҳоким беморларнинг соғлиғи, даволаниш шароитлари ва тиббий хизмат сифати билан яқиндан танишди. У шифокорлар ва тиббиёт ходимларига оғир ва масъулиятли меҳнатлари учун самимий миннатдорлик билдириб, янги йилда уларга янада куч-ғайрат, беморларга эса тезроқ соғайиб, яқинлари бағрига қайтишларини тилади.

–

“Янги йил ҳар бир инсон учун янги умидлар, янги имкониятлар фасли. Сизларнинг соғайишингиз ва соғлом ҳаётга қайтишингиз биз учун энг катта совға бўлади. Тиббиёт ходимларининг фидокорона меҳнати барчамиз учун фахрдир,” – деди ҳоким.


Тадбир давомида беморларга байрам совғалари топширилди, шунингдек, шифокорлар ва ҳамшираларга эсдалик совғалари тақдим этилди.

Бувайда тумани ҳокими тиббиёт бирлашмаси ходимлари билан самимий суҳбат қуриб, тиббий хизматни янада яхшилаш борасида зарур топшириқлар берди.

Бувайда туман ҳокимлиги
Ахборот хизмати⤵️
https://t.me/+KAbEvOZiupA5N2Yy

Buvayda tuman Madaniyat markazida “Prezident Archasi” bayram tadbiri bo‘lib o‘tdi

Buvayda tuman Madaniyat markazida “Prezident Archasi” bayram tadbiri ko‘tarinki ruhda o‘tkazildi. Tadbirda tumanning 600 dan ziyod jajji bolajonlari ishtirok etishdi.

Tadbir avvalida Buvayda tumani hokimining o‘rinbosari G‘. Mamajonov bolajonlarni kirib kelayotgan 2025-yil Yangi yil bayrami bilan samimiy qutlab, ularga Prezidentimizning nomidan tayyorlangan bayram sovg‘alarini topshirdi.

Bayram dasturida bolajonlar uchun “Sehirlangan Qor Qiz” nomli bayram ertagi namoyish etildi. Sahna ko‘rinishlari, ertak qahramonlarining ajoyib chiqishlari va sehrli dekoratsiyalar tadbirga yanada fayz kiritdi. Bolalar qorbobo va qorbibi, ertak qahramonlari bilan birgalikda raqs tushib, o‘yinlar o‘ynashdi va shirinliklardan bahramand bo‘lishdi.
Tadbir davomida bolajonlar uchun maxsus tayyorlangan konsert dasturi va ko‘ngilochar sahna chiqishlari namoyish etildi. Bayram ishtirokchilarining yuzidagi tabassum va quvonch tadbirning asosiy yutug‘i bo‘ldi.

“Prezident Archasi” tadbiri bolajonlarga haqiqiy bayramona kayfiyat ulashdi va ular uchun unutilmas kun bo‘lib qoldi.

Buvayda tuman hokimligi
Axborot xizmati⤵️
https://t.me/+KAbEvOZiupA5N2Yy