Ishqkim, tayrlarni, qurtlarni sevdik.
Bulutlar komida oʻtlarni sevdik.
Tunning adogʻinda nolani sevdik.
Subh ayogʻinda jolani sevdik.
Kuz ildi – havoda mezonni sevdik.
Yomgʻirlar dorida xazonni sevdik.
Xazon islarida alvonni sevdik.
Alvonga koʻmilgan ayvonni sevdik…
Sizga bari ayon,
Boshqamen endi.
Inonmoq istagi shafaqday oʻchmish.
Tabassumim toʻldirar bu makonni.
Ruhim, ruhim… tark etmish, koʻchmish…
Jismimni tanirlar,
Kelarlar bir kun
Koʻzlarin toʻldirib oʻlik nurlarga.
O, uni gullarga koʻmarlar balkim,
Qabrni koʻmganday gullarga.

©Nodira Afoqova