Bαxtlımısαn Ayt

Oila, ota - ona farzandlariga o’rgatadigan bir til bo’ladi.
Bola keyingi hayotida o’sha til bilan “muloqot” qiladi.
Huddiki biz rus tilini ruscha gaplashish uchun o’rganadigandek.

Bolalarga qanday muomala qilinishi, kelajakda ularning boshqalarga bo’lgan muomalasini yoki ularga bo’ladigan muomlani qabul qilishini belgilaydi.

Tug’ilib o’sgan uyidagidek odamlarni yonlariga oladilar, shu kabi insonlar ularga hammadanam yaqindek, oldin ham ko’rishgandek suhbatlashgandek, qadrliroqdek bo’lib tuyulaveradi. Xattoki ota yoki onasidan zulm ko’rganlar ham o’zlari bilmagan holda, shunchaki tanishroq tuyulgani uchun(tanimoq ishonchliroq degani deb o’ylashadi) yaqin inson tanlaydilar.

Istisnolar bo’lar albatta, bilmadim. Bilmayman, chunki, men buni hayotimda xo’b sinadim.
Ota onamga alohida tashakkur qarzim bor. Chunki meni o’ziga tortadigan insonlar juda bebaho insonlar. Men do’st sifatida tanlagan, yaqinim deb biladigan hamma insonlar juda mo’jizali. Qandaydir insonlar bo’ladiki, meni o’zidan doim itarib turadi nimasidir. Va hech adashmayman.

Agar sizda muammo bo’lsa, yechimni tug’ilib o’sgan uyingizdan qidiring. Va diqqatli bo’ling-ki, farzandlarimizga chiroyli bir hayotni tuxfa eta oladigan insonlar uchrashiga sababchi bo’laylik.