СEВМАСА СEВМАПТИДА

Меҳримни кўп хумори,
Тортар ҳали уволи,
Сўзларим бўлар дори,
Севмаса севмаптида.

Азоб берди суйдириб,
Жон танамни куйдириб,
Ишқ боғида тўйдириб,
Севмаса севмаптида.

Чарчадим ҳолин сўраб,
Қарасам кетим нураб,
Афсус ўзимга қараб,
Севмаса севмаптида.

Орзуларим ўлдириб,
Умидимни сўлдириб,
Ғам-андуҳлар тўлдириб,
Севмаса севмаптида.

Айб менда ё унда,
Уришардик ҳар кунда,
Ухлолмасдик кеч тунда,
Севмаса севмаптида.

Юрак музлади адо,
Ёрдан кўрмадим вафо,
Малҳам бўлмас бевафо,
Севмаса севмаптида.

Устимдан кулиб ахир,
Қонга тўлди бу бағир,
Ишонмайман дил қахир,
Севмаса севмаптида.

Тақдир ўзи имтиҳон,
Осон тутманглар,осон,
Қалбимда мунгли тўзон,
Севмаса севмаптида.

✍Солиҳабегим
Дилафуруз Шаҳрихоний

👨‍👨‍👧‍👦 @BaxtliOilam_uz - Обуна бўлишни унутманг!