Ikromjon Avvalboyev


Kanal geosi va tili: O‘zbekiston, O‘zbekcha
Toifa: Telegram


Jurnalist Ikromjon Avvalboyevning shaxsiy kanali.
Maqolalar arxivi: https://t.me/IkromAvvalboyev
Aloqa: @muloqotpochta_bot

Связанные каналы

Kanal geosi va tili
O‘zbekiston, O‘zbekcha
Statistika
Postlar filtri


UzA | Расмий канал dan repost
Президент билан мулоқотдан сўнг...

Қишлоғидан чиқмасдан жаҳон бозорига кириб бораётган ҳунарманд қиз

Талижа деган қишлоқ борлигини аввал эшитмаган эканмиз. Бир сабаб билан суриштириб билдик, у Шофирконда жойлашган экан. Бухоро шаҳридан эллик километр нари-беридаги бу қишлоқ унча катта эмас. Одамлари меҳнаткаш, уста-ҳунармандлари кўп.

Батафсил: https://uza.uz/posts/689899

Тelegram  | Facebook | Instagram | YouTubе


Кечаги таомиллар бугунга тўғри келмай қолаётган глобал дунёда ишончли, сифатли, холис ва жамият ривожига хизмат қилувчи ахборот манбаи бўлиш осон эмас.

Шу ўринда бир маълумотни келтириб ўтиш лозим. Жамоада ходимлар фаолияти самарали бўлиши учун ишлар тизимли йўлга қўйилган. Буни ЎзА сайтига ҳар куни 350 дан ортиқ, ойига тўққиз-ўн мингта турли форматдаги журналистик материал жойланаётганида ҳам кўриш мумкин. Бу материаллар эса миллион марталаб кўрилмоқда.

Аслида агентлик веб-ресурси учун муҳим бўлган нарса – бу ўқувчилар сони эмас, балки уларнинг расмий сайтга бўлган ишончи. Ишончли ва сифатли ахборот тарқатиш эса оммавий ахборот воситасининг узоқ муддатли муваффақиятига замин яратади.

Икром Аввалбоев

🤝https://t.me/Avvalboyev


Одамлар меҳнат қилиб, яхши ҳаёт кечириши учун барча шароит яратилиши керак

Касални яширсанг, иситмаси ошкор қилади дейишади. Аслида эса дарднинг бошқаларга маълум бўлиш-бўлмаслиги унчалик муҳим эмас. Муҳими, саломатликни имкон қадар тезроқ тиклаш.

Ёши улуғларнинг суҳбати қизиқ. Оддий гапиради, лекин тагдор бўлади.

Ҳозир мамлакатда камбағалликни қисқартириш борасида амалга оширилаётган ишлар ҳақида ёзмоқчимиз. Лекин хаёлда ромитанлик бир отахоннинг сўзимиз бошидаги – “иситма” ҳақидаги гаплари айланяпти. Қуйида ёзажакларимиз шу нуронийнинг икки оғиз гапида мужассамдай.

Икром Аввалбоев, ЎзА

🤝https://t.me/Avvalboyev


Математика фанидан иқтидори бор болани шеър ёзишга ундайверсак нима бўлади? Тасвирий санъатга қизиққан фарзандини кимёвий формулаларни ечишга жалб қилаётган ота-оналарни ҳам биламиз. Оқ халат кийиш истагидаги абитуриентнинг ҳуқуқшунослик йўнилиши бўйича ҳужжат топширганига кўп гувоҳ бўлганмиз. 

Бу каби ҳаракатлар оилада катталарнинг фарзандлар имконият ва салоҳиятни тўғри тақсимлай олмаётганини англатади. Бунинг оқибатида эса қизиқиши бўйича рағбат олмаган, шароитга эга бўлмаган бола келажакда юксак натижаларга эриша олмаслиги мумкин. 

Икром Аввалбоев, ЎзА


Ниманидир жуда арзон ёки мўл демоқчи бўлсак сувдек текинлигини айтамиз. Кимнингдир ўта хасислигини билдирмоқчи бўлсак сувни ҳам сотишига ишора қиламиз.

Аслида бу қиёслаш ўз-ўзидан пайдо бўлмаган. Яқин-яқингача сув – мўл ва текин эди. Ер юзида экологик муаммоларнинг кўлами шу даражада тезлик билан кенгаймоқдаки, бу билан боғлиқ масалага дуч бўлмаган мамлакат қолмаяпти. Бунда, энг аввало, оби-ҳаёт танқислиги юзага келаётгани ачинарли.

Бугун тарихий қарашлар ўзгариб кетди. Масала шу даражага борди. Дунёда сувни пулга ҳам сотиб олиш имконияти бўлмаётган мамлакатлар пайдо бўлди. Энди сув – бебаҳо!

Икром Аввалбоев, ЎзА

🤝https://t.me/Avvalboyev


Бозорга борган отахон биратўла қизининг уйига кириб, набираларини йўқлаб қайтади. Бекатда автобус кутиб ўтирган талаба вақтини беҳуда ўтказмай китоб варақлайди. Юқори қаватга кўтарилаётган йигит қўшни болакайни опичлаб олади.

Бир манзилга боришдан асл мақсад бошқа, лекин йўл-йўлакай режадан ташқаридаги ишларни ҳам қилиш мумкин. Бу жуда хайрли ва кутилмаганда самарали ҳаракат саналади.

Баланд тоғлар бағридан шошиб энаётган Угам дарёси бўйида турибмиз. Хаёлда эса шу фикрлар айланади. Бу сув тириклик манбаи, қанчадан-қанча экин-тикинни яшнатади. У бугун йўл-йўлакай бошқа вазифани ҳам бажара бошлади. Дарё йўлига учта кичик гидроэнергетика иншооти қурилди.

Икром Аввалбоев, ЎзА

🤝https://t.me/Avvalboyev


Video oldindan ko‘rish uchun mavjud emas
Telegram'da ko‘rish
Bunaqa tinch, ovloq yoʻlni karantin davrida koʻrgan edim…

Yangi yil bayrami bilan tabriklayman! Ilohim, hamisha salomatlik va tinchlik boʻlsin!

🤝https://t.me/Avvalboyev


Касбимиз тақозоси билан баъзи дори воситалари ва тиббий буюмлар ишлаб чиқарадиган корхоналарда кўп бўлганмиз. Объектга киргунча қанча назорат ва дезинфекция жараёнларидан ўтилади. У ердаги қатъий қоида, тартиб ва тозалик эса кишини ҳайратга солади. Тасаввур қиляпсизми?

Бу соҳада ишлаб чиқариш қанчалик муҳим бўлса, тайёр маҳсулотларни сақлаш ундан ҳам масъулиятли иш экан. Бу фикрга Тошкент вилояти Зангиота туманидаги “Grand Pharm Logistics Hub” фаолияти билан яқиндан танишганимиздан сўнг келдик.

Президент куни кеча ушбу фармацевтик логистика маркази фаолияти билан танишди. Ташрифидан сўнг корхона масъуллари билан суҳбатлашдик.

Икром Аввалбоев, ЎзА

🤝 https://t.me/Avvalboyev


Бешинчи қаватнинг очиқ деразасидан бир аёл кўринади. У нигоҳлари билан ҳовлидан кимнидир қидиргандай бўлади.

Ана, тўр девор билан ўралган яшил майдончада болалар копток тепяпти. Унинг ёнидаги қизил-сариқ тўшамали очиқ жойда эса қизалоқлар сирпанчиқ, арғамчи ўйнаяпти.

– Санжар, синглингга қара, – деди у овозини бироз баландлатиб. – Ўйнагани ёнингга тушиб кетди.

Кўп қаватли уйлар орасидан юриб, Хушнуд маҳалласи идорасини дараклаб кириб борамиз. Ҳар бир манзара, ҳар бир ҳолат кўнгилни шод қилади. Номига муносиб манзил.

🤝 https://t.me/Avvalboyev


Халқаро ногиронлар куни байрам қиладиган сана эмас...

– Мен бир ҳолатни ёқтирмайман, – у шошмай фикрини баён этади. – Бизни айримлар 3 декабрь куни “Байраминг билан!”, деб табриклашади. Илтимос, ундай қилманг. Бу бизнинг байрам эмас. Бу, шунчаки, Халқаро ногиронлар куни.

Шу гапдан кейин унинг катта тебратма ўриндиқда эмас, балки имконияти чекланганлар аравачасида ўтирганига яна бир қараб қўяман.

– Бу кунда ногиронларга эътибор бериш, муаммоларини ўрганиш, масалаларини ҳал қилиш керак, – дейди у. – Бизда сал бошқачароқ. Шу куни тўйхоналарда ош бериш, байрам қилиш шарт эмас. Мен бир неча йиллардан буён бу байрам эмаслигини тушунтира олмай чарчадим. Бундай қилиш ногиронлиги бўлган кўплаб инсонларга оғир ботади. Менга ҳам шу сана билан табриклаган СМС хабарлар келади, телефон қўнғироқлари бўлади. Бунда қалбнинг яраси яна янгиланади. Майли, бошқа байрамларда қутлашсин. Туғилган кунларда эслашсин. Бу бошқа ҳолат. Айтайлик, шу куни бир тадбиркор ногиронлиги бўлган инсонга совға бермасин, шунчаки, уни ишга олсин. Ана бу катта яхшилик. Бу гапларим айрим инсонлар учун, ҳаммани шундай демоқчимасман.

Олий Мажлис Қонунчилик палатаси депутати Жасур Жумаевнинг сўзларини диққат билан тинглайман. Ҳа, у шошмай гапирмоқда. Сонияларни бир неча қисмларга бўлиб, сезилар-сезилмас танаффус билан, ўйлаб-ўйлаб гапирмоқда. Унинг шу чорлови, бошқаларга илтимосида ҳам хокисорлик ва қатъият қоришиб кетмоқда.

ЎзАда эълон қилинган ушбу суҳбатни тинглашни тавсия қиламан. Ҳамкасбим Муҳайё Турдалиевага эса алоҳида раҳмат.

Икром Аввалбоев

🤝 https://t.me/Avvalboyev


Кеч кузда шудгорда унутиб қолдирилган чўпоннинг таёғи баҳоргача илдиз отиб кетгани ҳақида ҳазиломуз гурунглар бор. Аслида бу оддий гап эмас. Тупроғимиз зарлиги, замин билан уйғунлашиб кетганлигимизнинг бир ифодаси шу.

Бирни кесса ўнни экканларнинг авлодимиз. Боболарнинг ажаб бир одати бор – набирали бўлса агар, томорқага бир тупгина кўчат қадар. Улар шундай, табиатга “она” сўзин қўшиб айтар.

Бугун дунёда иқлим ўзгариб кетди. Энди борлиқни шунчаки севиш, унга озор бермаслик билангина иш битмайди. Энди ерни ҳар дақиқа ҳис қилиш, у билан юраклар биттага айланиши керак. Келажакда кутилиши мумкин бўлган муаммоларни олдиндан тахмин қилишга, унга қарши чораларни биргаликда кўришга мажбурмиз.

Икром Аввалбоев, ЎзА

🤝 https://t.me/Avvalboyev


Тонг. Кўп қаватли уйдан шошиб чиқиб, автобус бекатига борасиз. Кеч. Тунги чироқлар ёғдусида парвоналар ўйнайди. Ишдан қайтиб, яна ўша бекатда кўриниш берасиз. Торгина йўлак бўйлаб, оила даврасига шошасиз.

Инсонга кўп нарса керак эмас. Юртида тинчлик, ёқтирган иши, бахтиёр оиласи бўлса етади. Лекин одамлар бундан ортиғига муносиб. Бу – тўғри, унга интилиш эса табиий жараён.

Фотомухбир билан пойтахтимизнинг Янгиҳаёт туманидаги Янги Турмуш, Ташаббус ва Янги Умид маҳаллалари ҳудудидан ўтган кўчадамиз.

Икром Аввалбоев, ЎзА

🤝 https://t.me/Avvalboyev


Ўғлимнинг исми Аббос!
Олға, Ўзбекистон!


– Шокир тандирчининг ўғли совуқ жойлардан юртга қайтибди, – дейди сўрининг тўрида ўтирган отахон яктагининг енгини тўғирлар экан. – Эрталаб ўзи билан гаплашдим, кўз тегмасин, шашти баланд. Энди кетмас экан. Яхшигина тўплаганга ўхшайди. Маҳаллада цех қиламан дейди. Ҳунарли эр қаерда бўлса ҳам хор бўлмайди, дўст-душманга зор қолмайди дегани шуда. Кечирасизлар, буни ўзи нимага эсладим? Ҳа, айтганча, яхши иш олдидан эҳсон қиляпти экан. Эртага ош дамлаяпти, ҳаммамизни уйига чақирди.

Дастурхондаги чойнакни янгилаб кетишди. Ҳамма ўзини бироз ростлаб ўтириб олди. Бўш пиёлаларга иссиқ чой сузилди.

– Четдан ҳамма ҳам зўр бўлиб келаётгани йўқ, – дейди бошқа бир нуроний ёнбошлаб ўтирган ёстиғини сал ўзига тортиб. – Мана, раҳматли Нуриддин дўкончининг боласи уч ойдан буён бирор тайинли ишга жойлашмади. Телефонда ўзим гаплашдим. Бўлди кел, отангдан қолган дўконни ишлат, дедим. Маҳаллада шуларга ўхшаганларга ер бериляпти экан. Айтамиз, сенам ерли бўласан, дедим. Экин-тикин қилса яхшида. Хуллас, ҳамма жойнинг тош-тарозиси борлигини, бир касбнинг бошини тутмаса, шунақа тентираб юраверишини тушунтирдим. Ота-эналаримиз ҳунари йўқ кишининг, мазаси йўқ ишининг деб бекорга айтмаган. Бечора Нуриддин ўтганидан кейин, буларни тергамадикда. Бирор касб ўрган демадик.

Маҳалла гузаридаги ёши улуғларнинг гурунги қизиқ. Суҳбат бир қарашда содда, бироз тингланса бугуннинг – жамиятнинг ойнасига ўхшайди.

Икром Аввалбоев, ЎзА


🤝 https://t.me/Avvalboyev




Video oldindan ko‘rish uchun mavjud emas
Telegram'da ko‘rish
Эски чархпалак

Арзимаган нарсадан бир дунё бахтиёрликни туйиш завқи. Уларга қараб болалигим эсга тушади.

Бу хаёллар кўз ўнгимда отамни жонлантиради. Ана, у кўчадан келяпти. Қўлида бозорлик, бўйнида укам. Синглим ва мен сумкаларга осиламиз.

Тандирхона томонда онам кўринади. Юзига ун теккан. Уйга ўтаверингизлар, иссиқ нонга сариёғ ташлаб кираман, дейди.

“Етти болар”га кирамиз. Бу ўртада жойлашган хона. Томини ёпишда еттита болар ташлангани учун шундай номланади. У ёзда салқин бўлади. Токчасида ҳамиша совуқ чой, майиз, ёнғоқ, парварда туради. Биз бозорхалтани аёвсиз титамиз. Буни отам мамнун кузатади. Чойни пиёлага қуяди. Қизиқ, шу пайтда учаламизнинг ҳам чой ичгимиз келиб қолади. “Мен ҳам, мен ҳам” деганча талашиб кетамиз.

Мана, талашиб-тортишиб катта бўлдик.

Ишдан қайтдим. Эшик олдидаман. Бўйнимдан қучган – кенжам. Сумкаларим қўлма-қўл бўлди.

Отамни соғинсам онамни маҳкам қучаман. Кўзларидан ўпаман.

“Чархпалак” дегани шу бўлса керак.

Икром Аввалбоев

12.11.2024

🤝 https://t.me/Avvalboyev


Video oldindan ko‘rish uchun mavjud emas
Telegram'da ko‘rish
Футбол, жарроҳлик ва ижод...

Журналист касби талаби сабаб жарроҳлик амалиёти бораётган хонага кирди.

Шифокорлар етмиш икки ёшли онахоннинг юрагини даволаш ниятида. Амалиёт жуда мураккаб. Уч ярим соатнинг ҳар бир дақиқаси ғанимат. Бу ерда жон учун курашилмоқда.

Бунда маҳорат ва илм ўз сўзини айтади...

🤝 https://t.me/Avvalboyev


Video oldindan ko‘rish uchun mavjud emas
Telegram'da ko‘rish
#Икки_дақиқа

Бугун "Green Card" лотереясини ўйнашнинг охирги куни

Баъзан муҳим мавзудаги мақолалар хабарлар тасмасида кўзга кўринмай ўтиб кетади. Маълумот кўп, ахборот оқими тез шароитда шундай бўлиши табиий.

Энди ўзи яхши, лекин жуда кўп ўқилмасдан “ўтиб кетган” материалларга қайта мурожаат қилишни мўлжаллаб турибман. Тайёрлайдиган постларим унча катта бўлмайди. Нари борса “Икки дақиқа...” вақтингизни олади.

Икром Аввалбоев

🤝 https://t.me/Avvalboyev


Набирасининг дафтар олиши учун пул берган онахон, боласини тўлов-шартнома асосида университетда ўқитаётган ота-она, маҳалла ёшлари учун мактаб қуриб берган тадбиркор...

Бу рўйхатни ҳали кўп давом эттирсак бўлади. Йўналишлар, шакл-шамойил бошқа-бошқа бўлиши мумкин, лекин мақсад бир нуқтада туташади. Бу – таълим, фарзандлар келажагига сармоя киритиш.

Икром Аввалбоев

🤝 https://t.me/Avvalboyev


Америкада сайлов, ўзимизда тайинловлар палласи

Ўзбекистон Республикаси Конституциясининг 109-моддаси 15-банди ва 124-моддасига асосан ҳамда халқ депутатлари вилоятлар кенгашларининг қарорига мувофиқ ҳокимлар лавозимга тайинланмоқда.

🤝 https://t.me/Avvalboyev

20 ta oxirgi post ko‘rsatilgan.