Susanbilda bugungi juma ma'ruzasida masjidlarga borganlar juda qattiq tekshirilgan. Namozxonlarning cho'ntaklarigacha kovlangan. DXX, IIB, Milliy gvardiya xodimlari masjidlarni qurshab olishgan. Juma ma'ruzasida imom asosan shukur va sabrdan va'z o'qigan. Muxtaram prezidentiga hamdlar aytgan. U kishining naqadar buyukliklari, xalqparvarliklari haqida qayta-qayta og'zidan bol tomib vaysagan. Nega bu buyuk hukmdor har saylovda qo'g'irchoqlar bilan olishishi, sog'lom raqobatchilardan qochishi, qizlari va kuyovlari hadlaridan oshib ketishgani, butun tizimni korrupsiya va nepotizmga botirgani, mamlakatni iqtisodiy tang ahvolga keltirib, xalqning turmush tarzini og'irlashtirgani haqida churq etmagan. Sovuqmi o'zimizning sovuq degan saroymulla gaz ham o'zimizning gazku, qani bizning gaz deb savol berolmagan. Namozxonlarning aytishicha, masjidga kelganlar imomning gapiga parvo ham qilishmagan. Hamma o'zaro suhbatlashib o'tirgan.

Man, Saudiya Arabistoni, Birlashgan Arab Amirliklari va Iordaniya qirolligidagi masjidlarda juma namozlarida ishtirok etganman. Hech qayerda masjid atrofini melisa va quloqlar o'rab olganini sezmadim. Hech bir masjidda kamera o'rnatilganini ko'rmadim. Juma ma'ruzasi ularda juda qisqa bo'lardi. Imom Qur'oni Karimdan oyatlarni o'qib, ularni sharxlab berardi va Payg'ambarimiz Muhammad S.A.V.dan boshlab, o'tgan musulmonlarning haqlariga qisqa duo qilib namozni boshlardi.
Masjid ichida kamera, tashqarisida melisa va imomning prezidentni madh etib vaysashini faqat Rossiya va Susanbilning masjidlarida ko'rganman.

Yevropa va AQSHdagi hamyurtlarimiz bo'lsa fikrlarini bildirsinlar? U yerdagi masjidlar ham melisalar bilan o'ralganmi? Juma namoziga kelgan musulmonlarning cho'ntaklarini kovlashadimi? Imomlar Muxtaram Tramp hazratlarining naqadar buyukliklari haqida og'zidan bol tomib maqtaydimi?

@AsliddinKamol