Avval xabar berganimizdek, Arnasoy tumanida tuman iqlim sharoitidan kelib chiqib, gulchilik va meva – sabzavotchilik yetishtirishni yo‘lga qo‘yish borasida Xitoylik investorlar tumanda “Henan Aquatic Flowers” MCHJ korxonasini tashkil etgan edi.
Ushbu loyihani amalga oshirish uchun Arnasoy tuman zaxirasidagi bo‘sh turgan qishloq xo‘jaligi yerlarining 510 gektar yer maydoni “Elektron-onlayn auksion” platformasiga qo‘yildi. Xitoylik investorlar ushbu yer maydoni 9,6 mlrd so‘mga “Elektron-onlayn auksion” platformasi orqali 30-yilga ijaraga yutib oldi.
Jumladan, tumanda gulchilik va meva – sabzavotchilik yetishtirishni keng yo‘lga qo‘yish maqsadida Arnasoy tumani hokimi Odil Musanov va “Henan Aquatic Flowers” MCHJ korxonasini rahbari Tong Yintao bilan muzokaralar olib borilib memorandum imzolandi.
Tomonlar o‘rtasida bo‘lib o‘tgan muzokaralarda, “Henan Aquatic Flowers” MCHJ korxonasi tomonidan gulchilik va meva – sabzavotchilik yetishtirish keng yo‘lga qo‘yilishi orqali 150 nafar aholi bandligi ta’minlanib, yillik quvvati 1 mln 700 ming dona manzarali gullar yetishtirish uchun 20,0 mln dollarni tashkil etayotganligi qayd etildi.

Аввал хабар берганимиздек, Арнасой туманида туман иқлим шароитидан келиб чиқиб, гулчилик ва мева – сабзавотчилик етиштиришни йўлга қўйиш борасида Хитойлик инвесторлар туманда “Henan Aquatic Flowers” МЧЖ корхонасини ташкил этган эди.
Ушбу лойиҳани амалга ошириш учун Арнасой туман захирасидаги бўш турган қишлоқ хўжалиги ерларининг 510 гектар ер майдони “Elektron-onlayn auksion” платформасига қўйилди. Хитойлик инвесторлар ушбу ер майдони 9,6 млрд сўмга “Elektron-onlayn auksion” платформаси орқали 30 йилга ижарага ютиб олди.
Жумладан, туманда гулчилик ва мева – сабзавотчилик етиштиришни кенг йўлга қўйиш мақсадида Арнасой тумани ҳокими Одил Мусанов ва “Henan Aquatic Flowers” МЧЖ корхонасини раҳбари Tong Yintao билан музокаралар олиб борилиб меморандум имзоланди.
Томонлар ўртасида бўлиб ўтган музокараларда, “Henan Aquatic Flowers” МЧЖ корхонаси томонидан гулчилик ва мева – сабзавотчилик етиштириш кенг йўлга қўйилиши орқали 150 нафар аҳоли бандлиги таъминланиб, йиллик қуввати 1 млн 700 минг дона манзарали гуллар етиштириш учун 20,0 млн долларни ташкил этаётганлиги қайд этилди.