#by_me

Chap qanot

Nafratim cheksizdir senga chap qanot.
Azaldan chap eding, chapga uchasan.
Tanlov ko'chasida, hayot yo mamot,
Yakunda baribir chapni quchasan.

O'zing o'rgatganding uchmoq neligin,
Osmonlarga yetay degandi bo'ylar.
O'shal dam so'l taraf ketganding, lekin,
O'ng qanot hali ham uchmoqni o'ylar.

Aniqki chapsiz sen uchmog'ing mushkul,
"Qars bir qo'ldan chiqmas" deganlari haq.
Ne bo'lsa bo'lsin sen chekinma butkul,
Ammo chapga nafrat shubhasiz mutlaq.

Mayli ne ham derdim, sabr qilmoq shart,
Toqatdan ortig'i yuklanmas bizga.
Bir kuni chap o'rnin bosganda bir mard,
Uchgim bor albatta olis-olisga!