AndMI | Rasmiy kanali

Professor-o‘qituvchilar malaka oshirishda davom etmoqda

Avval xabar berganimizdek Andijon mashinasozlik institutida professor-o‘qituvchilar uchun seminarlar davom etmoqda

Tasdiqlangan reja jadvalga muvofiq, kecha va bugun Milliy va xalqaro reytinglar bilan ishlash bo‘limi boshlig‘i Malika Yusopovaning "Millliy va xalqaro reytinglar bilan ishlash, ilmiy salohiyat hamnda amaliy faoliyat uyg‘unligigni ta`minlash" hamda axborot texnologiyalar bo‘yicha prorektor Murodjon Sherboyevning "Raqamli ta`lim texnologiyalari, institutdagi mavjud platformalar va ulardan foydalanish" mavzularidagi ma`ruzalari tinglandi.
Seminar professor-o‘qituvchilarning malakasini oshirish, ta’lim jarayonini sifatli tashkil etish va fakultetda raqamlashtirish jarayonlarini yanada kuchaytirishga xizmat qiladi.
Seminar-treningda ishtirokchilar o'zlarini qiziqtirgan savollariga javob olish bilan bir qatorda, amaliy tajribalarini o‘rtoqlashmoqda.

✅ Bizni kuzatishda davom eting!
📱Sayt | 📱Telegram |📱 Facebook | 📱Instagram | 📱YouTube

Navbatdagi Kengash yig‘ilishida sarhisob, yutuq va kamchiliklar, istiqboldagi maqsad va vazifalar muhokama qilindi

2024-yilning 27-dekabr kuni Andijon mashinasozlik instituti Kengashining navbatdagi yig‘ilishi o‘tkazildi.

Unda “Manfaatlar to‘qnashuvi to‘g‘risida”gi qonun ijrosini ta’minlash holatini o‘rganish natijalari, ijro intizomi va hujjatlar nazorati hamda ushbu jarayonni amalga oshirish haqida va fuqarolar murojaatlari monitoringi hamda Jismoniy va yuridik shaxslarning murojaatlari bilan ishlash, nazorat va monitoring bo‘limining 2024-yil bo‘yicha faoliyati yuzasidan hisoboti va 2025-yilga ish rejasini tasdiqlash masalalari, shuningdek doktorantura (DSc), tayanch doktorantura (PhD), stajyor-tadqiqotchi va mustaqil izlanuvchilarning monitoring natijalari muhokama qilindi.

Bundan tashqari Oliy ta’lim, fan va innovatsiyalar vazirining 2024-yil 2-dekabrdagi “Oliy ta’lim tashkilotlarida talabalar bilimini baholashdagi norozilik bo‘yicha apellyatsiya arizalarini ko‘rib chiqish va talabalarning dars mashg‘ulotlarida ishtirok etishini tartibga solish to‘g‘risida”gi buyrug‘ining mazmun-mohiyati haqida tushunchalar berildi.

Yig‘ilish davomida turli masalalar ko‘rib chiqilib, institutning ilmiy va amaliy faoliyatini takomillashtirishga qaratilgan qator muhim qarorlar qabul qilindi. Ushbu qarorlar institutning 2025-yildagi strategik maqsadlarini amalga oshirishda mustahkam zamin yaratadi.

Kelgusida institut professor-o‘qituvchilari va tadqiqotchilarining ilmiy-tadqiqot ishlari samaradorligini oshirish, talabalar bilim va malakalarini yanada mustahkamlashga qaratilgan yangi loyihalar amalga oshirilishi rejalashtirilgan. Bu esa institutning ilm-fan va ta’lim sohasidagi nufuzini yanada oshiradi.

✅ Bizni kuzatishda davom eting!
📱Sayt | 📱Telegram |📱 Facebook | 📱Instagram | 📱YouTube

Ilmiy kengashda bir guruh professor-o‘qituvchilar va xodimlar taqdirlandi

Andijon mashinasozlik instituti Kengashining navbatdagi yig‘ilishi bо‘lib о‘tdi.
Kengash avvalida institut rektori, texnika fanlari doktori Umid Turdialiyev Kengash a’zolari va ular orqali barcha professor-o‘qituvchilari hamda xodimlarni kirib kelayotgan Yangi yil bayrami bilan samimiy muborakbod etib, yakunlanib borayotgan 2024-yilda institutimizda yuz bergan muhim о‘zgarishlar, yutuqlarga boy yil sifatida tarix zarvaraqlaridan joy olayotgani, shu barobarda, ushbu о‘zgarishlar va yangilanishlarga monand tarzda institut jamoasi ham bir qancha muvaffaqiyatlarga erishganini qayd etib о‘tdi.
Shundan so‘ng, ilmiy daraja hamda unvonlar bilan taqdirlangan professor-o‘qituvchilarga attestatlarni topshirib, ularning kelgusi ilmiy-pedagogik faoliyatlariga ulkan zafarlar tiladi. Shuningdek, yil davomida turli tanlovlarda hamda institut hayotida faol ishtirok etgan professor-o‘qituvchilar va xodimlar diplom, tashakkurnoma va faxriy yorliqlarni topshirdi.

✅ Bizni kuzatishda davom eting!
📱Sayt | 📱Telegram |📱 Facebook | 📱Instagram | 📱YouTube

Institut professor-o‘qituvchilari va barcha ishchi xodimlari diqqatiga!!!
Joriy yilning ya’ni 29-dekabr kuni soat 12:00da Zahiriddin Muhammad Bobur nomidagi Andijon viloyati musiqali drama teatrida
"Qor qizni qutqaring" spektakli namoyish o‘tkaziladi.

Tomoshaga kirish xarajatlari institut vakillari uchun bepul.

✅ Bizni kuzatishda davom eting!
📱Sayt | 📱Telegram |📱 Facebook | 📱Instagram | 📱YouTube