Joriy yilning 16 yanvar kuni ijtimoiy tarmoqlarda “andijon shahar yangi bozor Nilufar elit o‘quv markazi zaharli tutun ko‘mir mas bu boshqa narsa yoqyapti ishonch telefoniga qildik ” sarlavhasi bilan eʼlon qilingan murojaat yuzasidan andijon viloyat Ekologiya, atrof-muhitni muhofaza qilish va iqlim o‘zgarishi boshqarmasi matbuot xizmati quyidagilarni maʼlum qiladi.

Andijon shahar Ekologiya bo‘limi xodimlari tomonidan murojaatda ko‘rsatilgan hudud Andijon shahar Bobur shox 21/A ko‘chasida joylashgan "ILM PYLUS O‘QUV" maskanining isitish tizimi qozonxonasi (kotyol) mo‘risidan chiqayotganligi aniqlandi.

Ushbu o‘quv maskanining rahbariyatiga atmosfera havosini ifloslantiruvchi chang va gazlarni tutib qoluvchi qurilmalar bilan jihozlash bo‘yicha ogohlantirilib, Maʼmuriy Javobgarlik to‘g‘rsidagi Kodeksning tegishli moddasiga asosan bayonnoma rasmiylashtirib qonuniy chora ko‘rildi.

Andijon viloyati Ekologiya, atrof-muhitni muhofaza qilish va iqlim o‘zgarishi boshqarmasi matbuot xizmati