Saidjahon Akramkhanov

Ustozizga ixlos qiling. Ilm olishdan to’xtamang…

Keling bu postni hadisdan boshlaylik.

“Rasululloh sallallohu alayhi vasallam aytganlar: “Tushimda menga bir idishda sut keltirildi, qongunimcha ichdim, hatto tirnoqlarimdan sut chiqqanini ko‘rdim”. Sahobai kiromlar so‘radilar: “Yo Rasululloh, sutni nimaga yo‘ydingiz?”. “Ilmga”, - dedilar Rasululloh alayhissalom”.

Sizlarga manfaatli postlarni metroda yozayotkan edim. Unda nega hozirgacha post joylanmadi bilasizmi?

Bugun bekatga kirishim bilan, metro turgandi. Qarasam, o’rindiqlar hammasi band. Hay mayli dedimda, keyingisiga qoldim.

Keyingisi ham keldi, Lekin ming afsuski ikki eshik orasida qolib ketdim.

Chap tomondagi eshikka bormoqchi bo’lib ikki qadam tashlashim bilan, odamlar ko’payib ketdi. Shunda o’ng tomondagisiga qarab yurdim. Yetib olgunimcha u vagondagi o’rindiqlar ham to’ldi.

Men tavakkal qilib, bir tomonni tanlashim kerak edi. Ikkisiga ham harakat qilib, barchasidan ayrildim.

IELTS olamida ham shunday. Juda ko’p kuzatkanman. Ko’plab talabalar bir nechta ustozda o’qib ko’rishadi. Beginnerni Najim teacherda, Elementaryni Najima teacherda va yana boshqalar.

Yodda tuting! Hamma ustozning o’zini shaxsiy o’rgatish uslubi bor. Siz yangi gruppa va yangi ustozga moslashkunizcha vaqt o’tadi.

Ustozizga ixlos qiling. Hurmatini joyiga qo’ying. Agarda qandaydur kamchilik sezsangiz, chiroyli yo’lda yetqazing. Zero insonlarni hech biri kamchiliklarsiz emas.

Ustozingizni ideal insonizga aylantiring. Yaxshi tomonlarini o’rganing. Unga ishonch bildiring. InshaAlloh, qabul qilgan ishonchiday u ham sizga e’tibor, mexr va ishonch beradi. Alloxga tavvakkal qilib, bir ustozni izidan ergashing.

Shaxsiy tavsiyam.

Guruch kurmaksiz bo’lmaydi deganlariday, ustoz tanlashdan oldin bularga e’tibor bering.
- dars o’tish uslubi
- o’quvchilarining natijasi
- dunyo qarashi, qadriyatlari
- shaxsiy natijasi

PS: IELTS’dan yuqori natija olmoqchilar, ikkita ustozda (avval General English teacher va keyin IELTA instructor) bilim olishingizni maslahat beraman.

“Haq yoʻlinda kim sanga bir harf oʻrgatmish ranj ila,
Aylamoq kerak oning haqqin yuz ming ganj ila”.
- Alisher Navoiy.

Bu post soat 9.25 da Beruniy metro bekatida yozildi.
Jasurbek’s Notes