O‘, ayol!
Tabiat yaratgan chechak!
Tiriklik timsoli bo‘lgan huvaydo!
Sensiz bu olamda kim edi erkak,
Senmasmi olamni aylagan shaydo?!

Kitobda: “Avval -- SO‘Z!” --deyilgan misol,
Hayotning avvali o‘zingsan azal.
Sengadir Qur’onning surasi -- “Niso”,
Sen uchun bitilgan sheroziy g‘azal.

Endi rusum bo‘lmish qadah ko‘tarmoq
Dunyoda borliging uchun, farishtam.
Go‘yoki mushkul ish bir juft so‘z aytmoq
Hatto Farhod bo‘lib tog‘ni qazishdan!