Хивалик депутатимиз болажонларга янги йил совғасини улашди

Хива туман Кенгаши депутати Отахон Машариповни ҳар доим сайловчиларининг дарду ташвишлари билан машғул бўлиб юрганини кўрамиз. Шунинг учун ҳам сайловчилари О.Машариповни бу гал ҳам депутат қилиб сайлашди.
Туман Кенгашимизни фаолиятини жадаллашишида депутатимиз О.Машариповнинг ҳиссаси жуда ҳам катта, - дейди партиянинг Хива туман Кенгаши раиси Шукурой Мадаминова. - Партиянинг лойиҳаларини самарали татбиқ этиш, сессияга масала киритиш, фаол аъзолар сонини ошириш, фуқароларни иш билан таъминлаш каби бир қатор масалаларни депутатимиз билан ҳамкорликда самарали амалга ошириб келмоқдамиз.
Шунингдек, саҳоватпеша депутат сифатида ҳам сайловчилари ҳурмат - эътиборига тушиб келаётган сафдошимиз ҳар йили миллий ва бошқа байрамлар арафасида кам таъминланган, касалманд ҳамюртларимизга ҳам маънавий ҳам моддий кўмак бериб келмоқда.
Бугун янги йил байрами муносабати билан О. Машарипов вилоят Кўп тармоқли болалар шифохонасида доваланаётган болажонларга янги йил совғаси билан бир қаторда уларга байрамона кайфият улашди.
Болаларнинг қувончи чексиз бўлган бўлса, уларнинг ота-оналари депутатга ҳамда инсонлари азиз бўлган юртимизга шукуроналар келтиришди.
Бир сўз билан айтганда, партиядошларимизнинг бу каби саъй ҳаракатлари мамлакатимизда инсон қадрини улуғлаш тамойилини ижросини таъминлаш билан бир қаторда, кенг жамоатчиликни партиямизга бўлган ишончини янада оширишга хизмат қилади.

Замира АБДУЛЛАЕВА,
"Адолат" СДП
Хоразм вилоят Кенгаши матбуот котиби.