Baland togʻlar, pastakkina shift,
Miltiraydi ojiz shamchiroq.
Tun qoʻynida ochgan boʻrilar
Izillaydi baridan koʻproq.

Qaltiraydi junjikib itlar,
Yirtqich oʻlja izlagan mahal.
Tun, ezgʻalab sovuq qor yogʻsa,
Isitmalab chiqadi sandal.

Qish qaytadan qayraydi qilich,
Yangi yilga qolar bir qadam.
Shaharlarda minglab chiroqlar,
Qishloqda ham yashaydi odam.

© Navroʻz Suvonov