⚖️👨‍💻👩‍💻💬 ⚖️👨‍💻👩‍💻💬

🟢 Bugun Oriental universitetining Xotin-qizlar maslahat Kengashi tashabbusi bilan 11-fevral – “Xalqaro ilm-fan sohasidagi xotin-qizlar kuni” munosabati bilan “Barqaror taraqqiyot yo‘lida ayollar o‘rni: ilm-fan va sifatli ta’lim” mavzusida ilmiy-amaliy konferensiya tashkil etildi.

🔵 Mazkur ilmiy-amaliy konferensiya ayollarning barqaror rivojlanishdagi roli, ilm-fan va ta’lim sohalaridagi ishtiroki hamda gender tenglik masalalariga bag‘ishlandi.

🔵 Konferensiyada O‘zbekiston xotin-qizlar “Olima” uyushmasi raisi o‘rinbosari Zamira Ishоnxo‘jayeva, filologiya fanlari nomzodi, professor, O‘zbekistonda xizmat ko‘rsatgan yoshlar murabbiyi Kavsar Turdiyeva, filologiya fanlari bo‘yicha falsafa doktori (PhD) Azizullah Aral, O‘zbekiston xalqaro islom akademiyasi professori, filologiya fanlari doktori Aftondil Erkinovlar mehmon sifatida ishtirok etib, ayollarning jamiyatdagi o‘rnini mustahkamlash hamda ilm-fan sohalarida ularning ishtirokini yanada kengaytirish barqaror rivojlanishga erishishda muhim ahamiyatga egaligi to‘g‘risida fikr-mulohalarini bildirishdi.

🔵 Shuningdek, mazkur konferensiyada Oriental universitetida pedagogik faoliyatini olib borayotgan professor-o‘qituvchilar hamda bir qator talabalar mavzuga doir maqolalari bilan ishtirok etishdi.

🔸 Konferensiya fotosuratlari

👍 ORIENTAL Matbuot xizmati

🌐 www.orientaluniversity.uz

✅ Telegram   ✅Youtube 
✅ Facebook  ✅ Instagram