🔎 ANGRENLIKLAR

#noqonuniy

“Km/s”mi yoki “Km/h” mi ?

Bugun ustoz advokat
Ozod Juraboyev FACEBOOK ijtimoiy tarmogʻida radarlar orqali qayd etilayotgan ma’muriy jarima qarorlari, bir necha qonun talablariga zid ravishda rasmiylashtirilayotganligiga to’xtalib oʻtibdi.

Men, avvaliga koʻpchilikka advokat @abdumalikovich_uzb tomonidan keng ommaga yoritilgan VMning 975 sonli qarorining 32-bandi “tezlikni oʻlchash moslamalarini oʻzboshimchalik bilan yechib olishi va xizmatga aloqasi boʻlmagan boshqa shaxslarning transport vositalariga o’rnatish qatʼiyan taqiqlanadi” qoidasiga koʻra oʻz munosabatlarini bersa kerak deb oʻylab turgan vaqtim, ustoz shu vaqtga qadar hech kim va hech qaysi yurist-u advokatlar hayoliga ham kelmagan va e’tibor ham qaratmagan qonun buzilishiga to’xtalib oʻtibdilar. Bu notoʻgʻri qoʻllashlik, ya’ni qonun buzilishi deyarli barcha davlat organlari (sud, prokuratura, ichki ishlar, v.x.z) tomonidan amalga oshirib kelinmoqda, ustoz esa buni bir jumla bilan isbotlab ham qoʻygan.

Boʻlmasam mahkamgina joylashib oling, biz boshladik. Soʻzimiz avvalidek Km/s mi yoki Km/h mi ?

10.01.2018-yildagi 21-sonli Vazirlar Mahkamasining qaroriga ko’ra “Metrologiya toʻgʻrisida”gi Oʻzbekiston Respublikasi Qonunini amalga oshirishni davom ettirish maqsadida quyidagilar bo’yicha qaror qiladi:

1. “Metrologiya toʻgʻrisida”gi Oʻzbekiston Respublikasi Qonunining 15-moddasiga muvofiq:
Oʻzbekiston Respublikasida xalqaro birliklar tizimining kattalik birliklarini belgilangan tartibda qoʻllashga yoʻl qoʻyilishi;
kattalik birliklarining nomi, belgisi, ularni yozish va qoʻllash qoidalari Oʻzbekiston texnik jihatdan tartibga solish agentligining taqdimnomasiga binoan Oʻzbekiston Respublikasi Vazirlar Mahkamasi tomonidan tasdiqlanishi;
Oʻzbekiston Respublikasi Vazirlar Mahkamasi tomonidan xalqaro birliklar tizimiga kiritilmagan kattaliklarni qoʻllashga yoʻl qoʻyilishi mumkinligi;
tashqi savdo faoliyatini amalga oshirish chogʻida kontrakt shartlariga muvofiq kattaliklarning boshqa birliklari ham ishlatilishi mumkinligi maʼlumot uchun qabul qilinsin” deyilgan.

Ushbu qarorning 4-bobi Kattalik birliklari va ularning belgilarini yozish qoidalari 21-bandiga koʻra esa, Ikki va undan koʻp birlikdan tashkil topgan hosila birlik koʻrsatilganda harfli belgilar va birlik nomlarini birga qoʻshib qoʻllashga, yaʼni ayrim birliklar uchun belgilarni, boshqalari uchun esa — nomlarini koʻrsatishga ruxsat etilmaydi.
Misol:

To’g’ri: 80 km/h= bir soatda 80 kilometr ✅

Noto’g’ri: 80 km/s= soatiga 80 km ❌

Bu degani IIO YPX xodimlari tomonidan O’zbekiston Respublikasi MJtK ning 309 prim 1-moddasiga asosan rasmiylashtirilayotgan QARORlar o’z-o’zidan qonunga ziddir. Sababi biron-bir jarima qarorida deyinki 76 km/h degan kattalik birligini ko’rgan emasmiz !!!

P/s: Shu qonun buzilishiga sud qanday reaksiya bildirishligi shaxsan men uchun ham juda qiziq. Shuning uchun faqatgina Angren shahrida ruxsat etilgan tezlikdan oshgani uchun jarima qaror kelgan istalgan bir kishining manfaatini JIB SUDIda tekinga himoya qilib beramiz !!!

Shoshiling u Siz bo’lishingiz mumkin….

⭐️@nurman_legal 🤝 @ijtimoiy_advokat