Oiladagi kamchiliklarni, oila a’zolarimizdagi xatoliklarni sanab o’tishimiz qanchalik ham onson a? Lekin, hayotimizning asosi bo’lgan oila mustahkamligi uchun, ba’zan o’zimizdagi xatolarni ko’rib chiqish va isloh bo’lishga harakat qilish, o’z ustimizda ishlash, ancha samarali yechim beradi. Biz isloh bo’lganimiz sayin atrofimizdagi insonlar ham isloh bo’la boshlaydi biiznillah. Bugun sizga minus keltirayotgan sifatlarga yuzlashishga, ular ustida ishlashga harakat qilib ko’ring. Nega endi doim atrofimizdagilarni ayblashimiz kerak, vaholanki, yuzaga kelayotgan kelishmovchiliklarni sof vijdon bilan qaraganda, ma’lum foizida bo’lsa ham biz ham yo’l qo’yadigan xatolar bordir ehtimol?! Ayblash judda ham onson, ammo ayblash bilan birga muammolar kengayib boraveradi.
Bugun tilingiz sabab janjal chiqqan bo’lsa, Alloh rizoligi uchun keyingi safar muammo chiqqan vaqt sukut saqlab ko’ring!
Bugun qaysidir yumushlaringiz ustidan muammo chiqqan bo’lsa , qovoq uyib, arazlamay, Alloh uchun samimiy kulib, ana shu ishingizni o’nglab qo’yishga harakat qiling.
Islohotlar qanchalik qiyin bo’lmasin, natijasi azizlik va Alloh rahmati ila qadr topish bo’ladi.
Aylash va alamzadalik til va qalb orqali qanchalik onson amalga oshirilmasin, natijasi qadrsizlik va halovatsiz hayotdir.

@Najiyya_bilan